2 Samuel 19:5 - Bible in Tzeltal Bachajón

⁵ Ha yu'un te Joab baht ta na banti ay te ajwalil, hich la yalbe: Yo'tic awac'oj ta q'uexlal te a'batetic awu'un te la scoltaybatix acuxlejal soc te queremetic, ach'ixetic awu'un, te antsetic awu'un soc te yan antsetique.

Bible in Tzeltal de Oxchuc y Tenejapa

⁵ Te Joab bajt' ta sna te muc' ajwalil, jich c'o yalbey: —Muc' ajwalil cu'untic, ya awac' ta q'uexlal te abatetic awu'une. Ta ora to la scoltaybatix acuxlejal soc anich'nab, winiquetic soc antsetic, soc awinamtac soc te yan antsetic awu'une.

2 Samuel 19:5 ပူးပေါင်းရင်းမြစ်များ

2 Samuel 15:30

Te David mo bahel ta Wits yu'un Olivohetic; yac ta oq'uel mohel a, smucoj sjol soc mayuc step. Ha nix hich spisil te pueblo te joquimbil yu'un, smucoj sjolic jujutuhl soc yacalic ta oq'uel mohel.

2 Samuel 18:17

La yich'beyic bahel te sbaq'uetal Absalón, la sch'ojbeyic cohel ta muc'ul hotol ch'en ta tohyem te'etic. La sbusanic bayel ton ta sba. Spisil Israel ahnic bahel ta snahic.

2 Samuel 19:13

Soc hich nix xawalbeyic te Amasa: ¿Ma bal ha'ucat jbaquel soc jbaq'uetalat? Dios ac'a ya'bon castigo, soc c'ax to xan hich a, teme ma ba muc'ul jtsobaw yu'un te soldadohetic cu'un ya xc'ohat yo'tic scuenta sjelol te Joab, xchi.

2 Samuel 19:4

Te ajwalil smacoj sit, tulan yac ta aw: ¡Jnich'an, Absalón, Absalón, jnich'an, jnich'an! xchi.

2 Samuel 19:6

Ha c'ux ta awo'tan te mach'a ya yihlayat, soc yac awihlay te mach'atic c'uxat ta yo'tanic. Como la awaq'uix ta ilel te mayuc sc'oblal ta awo'tan te príncipaletic soc te a'batetic awu'une. Yo'tic la jna'ix te ha lec ta awo'tan te ha'uc cuxul te Absalón soc te lajucotic ta jpisilcotic.

2 Samuel 3:39

Mayuc quip yo'tic, aunque tsahbilon ta ajwalil. Te winiquetic ini, ha te yalatac Sarvia, c'ax tulanic stuquelic. ¡Ac'a ya'be stoj Jehová te mach'a chopol bin ya spas, ha chican bin yilel te schopolile! xchi.

Nehemías 9:27

Ha yu'un la awac'ticlambe ta sc'ab te scontratac, te a'bot swocolic yu'une. Pero te c'alal ay swocolic a, la yawtayat, soc la awa'iybe sc'opic c'alal ta ch'ulchan; ta scuenta te smuc'ul sc'uxul awo'tan la aticombe jcoltaywanejetic yu'un ya scoltayic loq'uel ta sc'abic yu'un te scontratac.

Salmos 3:8

Yu'un Jehová te colole. ¡A'beya bendición te pueblo awu'une! Selah