2 Samuel 19:12 - Bible in Tzeltal Bachajón

¹² Ha'ex quermanohex, ha'ex jbaq'uetalex soc jbaquelex. ¿Bin yu'un te ha'ex patil yac awiq'uic suhtel tal te ajwalil, xchihex?

Bible in Tzeltal de Oxchuc y Tenejapa

¹² Albeyaic te ma snup'uc te ja' patilix ya yic'onic sujt'el, melel ja'ic quermanotac ta swenta te bit'il jun jts'umbal soque”, xi'.

2 Samuel 19:12 ပူးပေါင်းရင်းမြစ်များ

Génesis 2:23

Hich la yal te Adán: ¡Ha'ix jbaquel te sbaquele, soc jbaq'uetal te sbaq'uetale! Ha ants sbihil ya xc'oht, como loq'uem tal ta winic, xchi.

Génesis 29:14

La yal te Labán: Melel nix a, jbaquelat soc jbaq'uetalat, xchi. Te Jacob halaj jun u tey a.

2 Samuel 19:41

Spisil te winiquetic yu'un Israel bahtic ta stojol te ajwalil, hich la yalbeyic: ¿Bin yu'un te quermanotactic ta Judá la yajwalinat stuquelic, te la yiq'uic sohlel tal ta Jordán te ajwalil soc te mach'atic ay yu'un, soc spisil te a'batetic yu'un David? xchihic.

2 Samuel 19:42

Spisil te winiquetic yu'un Judá hich la sjac'beyic sc'op te winiquetic yu'un Israel: Como ha jmolol-ts'ahquilcotic te ajwalil. ¿Bin yu'un te ya x'ilinex yu'un? ¿Yu'un bal ay bin la jwe'becotiquix te ajwalil? ¿Ay bal bin quich'beyejcotic ta mahtanil yu'un? xchihic.

2 Samuel 5:1

Spisil ta chahp yu'un Israel talic ta stojol David ta Hebrón, hich la yalbeyic: Ilawil, junax jbaquel soc jbaq'uetaltic.

2 Samuel 8:17

Te Sadoc snich'an Ahitob soc te Ahimelec snich'an Abiatar ha sacerdotehetic; te Seraías ha jts'ihbajel;

Romanos 11:14

scuenta yu'un ayuc bin ut'il ya cac' hahchuc yo'tanic te mach'atic jun jts'umbal soc, te hich ayuc mach'atic ya xcolic a,

Efesios 5:30

como ho'otic yoc sc'abic te sbaq'uetal, ha sbaq'uetalotic soc sbaquelotic.

Jueces 9:2

Awocoluc, halbeya ya'iyic spisil te mach'atic ayic ta Siquem: ¿Banti lec yac awa'iyic, ha bal lec teme ya scuentahinex te lajuneb schanwinic (70) ta tuhl snich'nab Jerobaal o ha bal lec teme ya scuentahinex jtuhl nax winic? Na'ahic me te pajal jbaqueltic soc jbaq'uetaltic, xchi.