2 Samuel 19:1 - Bible in Tzeltal Bachajón

¹ Hich halbot te Joab: Yac ta oq'uel te ajwalil, yac ta mel-o'tan yu'un te Absalón, xchi.

Bible in Tzeltal de Oxchuc y Tenejapa

^1-2 C'alal la yaiyic te yac ta oq'uel soc te yac ta mel-o'tan te muc' ajwalil, yu'un te laj te snich'an Absalón, ba yalbeyic te Joab. Ja' yu'un te tsalaw ju' yu'unique, c'atp'uj ta swenta mel-o'tan.

2 Samuel 19:1 ပူးပေါင်းရင်းမြစ်များ

Génesis 37:35

Tal ta muc'ubtesbeyel q'uinal ya'iy yu'un spisil te squerem-nich'nab soc yantsil-nich'nab, pero ma ba la sc'an muc'ubtesbeyel q'uinal ya'iy. Hich la yal: Oq'uel ya ca'iy a ya xbohon ta yawil chamen winiquetic te banti ay te jnich'ane, xchi. Hich bayel oq'uetayot yu'un te state.

2 Samuel 18:12

Te winic la sjac'be sc'op Joab: Manchuc me yac awa'bon jmil ta sehp plata, ma ba ya jach jc'ab ta stojol te snich'an te ajwalil, como la jca'iycotic c'alal hich pasotex ta mandar soc te Abisai soc te Itai yu'un te ajwalil: Canantayahic te querem Absalón, te xchihe.

2 Samuel 18:14

La sjac' te Joab: Ma ba ya jc'ases tiempo cu'un ta atojol a, xchi. Hich te Joab la stsac oxeb te' te ay sni'il, la slowticlambe yo'tan a te Absalón, te cuxul to jipil ta jihte'.

2 Samuel 18:20

La sjac' te Joab: Ma ba ya xbaht awalbe yo'tic; yan to c'ahc'al yac awalbe. Ma ba ya xbaht awalbe yo'tic como lajix te snich'an te ajwalil, xchi.

2 Samuel 18:33

Te ajwalil la spich' sba yo'tan yu'un, mo bahel ta jtsahl na te ay ta yahc'olal te ochibal, och ta buen oq'uel. C'alal yac ta mohel bahel a, hich yac yalbel: ¡Jnich'an, Absalón, jnich'an, jnich'an, Absalón! ¡Lec te ho'ucon lajon ta acuenta, Absalón, jnich'an, jnich'an! xchi ta oq'uel.

2 Samuel 18:5

Te ajwalil hich la spasticlan ta mandar te Joab, Abisai soc te Itai: Ta scuenta sc'uxulon ta awo'tanic, lec me xac'opombonic te querem Absalón, xchi. Spisil te soldadohetic la ya'iyic te bin la yal te ajwalil ta stojol te jtsobawetic sc'oblal te Absalón.

2 Samuel 19:2

Ha yu'un te tsalaw yu'unic sutp'ij ta mel-o'tan yu'un spisil te pueblo; como la ya'iyic ta hich ora te yac ta mel-o'tan yu'un snich'an te ajwalil.

Proverbios 17:25

Te nich'anil ma sna' q'uinal, ya ya'be smel yo'tan te state soc ya yac' pihch'ajuc yo'tan te mach'a ayintesot yu'une.

Zacarías 12:10

Ya jmal cohel jun espíritu yu'un yutsil-o'tanil soc yu'un sc'oponel Dios ta stojol te sna David soc te mach'atic nahinemic ta Jerusalén. Ya me yilonic, ho'on te la slowonic, ya me smel yo'tanic hich te bin ya smel yo'tanic yu'un hip jtuhl nich'anil te chame, ya me x'oq'uic yu'un hich te bin ya x'oq'uic yu'un te cham ba-nich'anil.