2 Samuel 18:3 - Bible in Tzeltal Bachajón

³ Pero la yalic: Ma me xbahat; como teme ya xloc'otcotic ta ahnel ma ba ya yich'otcotic ta cuenta; soc teme j'ohlil ya xlajotcotic, ma ba ya yich'otcotic ta cuenta. Yan te ha'at pajal ac'oblal soc lajunmil ta tuhl te ho'otcotique. Ha yu'un ha lec xan a teme yac acoltayotcotic c'alal ta pueblo, xchihic.

Bible in Tzeltal de Oxchuc y Tenejapa

³ Pero la sjac'beyic: —Ma'uc, muc' ajwalil cu'untic, ma ba ya xbaat te ja'ate. Melel teme ya xloc'otic ta anel ta stojol te jcontrotic, ma'yuc bayal sc'oplal. Soc teme ya xlajotic olile, ja' nix jich ma'yuc bayal sc'oplal. Yan teme ja'at ya xlajate, pajal soc te ya xlaj lajunmil (10,000) ta jtul. Ja' yu'un ja' lec te ya xjilat ta lum, swenta yu'un ya me aticunbotic jajch'el yantic te mach'a ya scoltayotic —la yutic.

2 Samuel 18:3 ပူးပေါင်းရင်းမြစ်များ

2 Samuel 10:11

Hich la yal: Teme ha yac stsalbelon te siriohetic, ya me xtal acoltayon. Ha nix hich teme yac stsalbelat te amonetic, ho'on ya xtal jcoltayat.

2 Samuel 17:2

Ya jlumtay c'alal luhbenix soc lajemix yip a. Ya ca'be xiwel, soc spisil te pueblo sjoquinej ya me xloq'uic ta ahnel. Ha nax ya jmil te ajwalil,

2 Samuel 21:17

Pero te Abisai yal Sarvia c'oht ta coltayel yu'un, la yehchentes te filisteo, la smil. Ha yu'un te winiquetic yu'un David hich la yalbeyic ta jamal: Ma me ayuc bin ora yac ajoquinotcotiquix ta guerra, scuenta yu'un ma ba yac atup' te tsumbil c'ahc' ta Israel, xchi.

1 Reyes 22:31

Pero te ajwalil yu'un Siria yalbeyejix te lahchayeb scha'winic (32) capitanetic yu'un carretahetic: Ma me yanuc mach'a yac awa'beyic guerra, ha nax stuquel te ajwalil yu'un Israel, xchi.

Lamentaciones 4:20

Och ta yaquil te mach'a tsahbil yu'un Jehová, ha te mach'a cuxulotic ta scuenta, ha te mach'a hich la jcalbetic sc'oblal: Ya xcuxajotic ta yaxinal ta yohlil te nacionetic, te xchihotique.

Zacarías 13:7

¡Hahchan, espada, ta scontrahinel te jcanan cu'un, ta scontrahinel te winic te ha jmohlol! xchi te Jehová te scuentahinej spisil. Mila te jcanan, hich ya xpuhquic bahel te tuminchijetique, ya cac' jc'ab ta scontrahinel te tut tuminchijetique.

1 Samuel 18:7

Te c'alal yacalic ta ahc'ot a te antsetic, hich yacalic ta yalel ta c'ayoj: Te Saúl la smil bayel ta mil ta tuhl, te David la smil bayel ta lajunmil ta tuhl, xchihic.