2 Samuel 18:22 - Bible in Tzeltal Bachajón

²² Te Ahimaas snich'an Sadoc, la yalbe xan te Joab: Biluc ut'il jc'ohel, ya xbohon ta ahnimal ta spat te etíope-winic, xchi. La sjac' te Joab: ¿Bin yu'un yac ac'an ya xbahat, jnich'an, como mayuc amahtan yac awich' yu'un? xchi sc'oblal.

Bible in Tzeltal de Oxchuc y Tenejapa

²² Te Ahimaas ma ba laj yo'tan, jich la yalbey xan te Joab: —Ac'awon bael ta puersa. Ya xboon ta animal ta spat te etiope-winique —xi'. La sjojc'o te Joab: —¿Bi yu'un te ja'at ya ac'an ya xbaat, jnich'an? Melel ma'yuc amajt'an ya xc'o awich' yu'un te bila ya achicnantese —xi' sc'oplal.

2 Samuel 18:22 ပူးပေါင်းရင်းမြစ်များ

2 Samuel 18:21

Te Joab hich la yalbe jtuhl etíope-winic: Bahan ha'at, halbeya ya'iy te ajwalil te bin awiloj, xchi sc'oblal. Te etíope-winic la snijan sba ta stojol Joab, hich baht ta ahnimal.

2 Samuel 18:23

Biluc ut'il jc'ohel, ya xbohon ta ahnimal, xchi te Ahimaas. Ahnimajan hiche, xchi sc'oblal yu'un. Hich te Ahimaas hahch ta ahnimal, toj bahel ta be yu'un spamlej, c'ax sohlintay te etíope-winic.

2 Samuel 18:29

¿Lec bal ay te querem Absalón? xchi te ajwalil. Te Ahimaas la sjac': La jquil te hahchem bayel c'op a te c'alal la sticonon tal te Joab te a'bat yu'un te ajwalil, pero ma jna' bin c'oht ta pasel, xchi.

1 Reyes 11:22

La sjac' te faraón: ¿Bin yu'un? ¿Bin ya spasat falta ta jtojol te yac ac'an ya xbahat ta alumal? xchi. Mayuc, pero awocoluc, ac'awon bahel, xchi te Hadad.

Romanos 1:28

Ta scaj te bin ut'il ma ba la sc'an la sna'beyic sba te Diose, hich ac'otic yu'un Dios te ya xbohlob spensaric, yu'un ya spasic te bin ma hichuc ya sc'an pasele.

Efesios 5:4

Soc ma me xawalic c'opetic te ma stojiluc, o loca-c'op, lomlom-c'op, te ma hichuc ya sc'an halel, ha lec yac awo'tantayic yalbeyel wocol te Diose.