2 Samuel 18:20 - Bible in Tzeltal Bachajón

²⁰ La sjac' te Joab: Ma ba ya xbaht awalbe yo'tic; yan to c'ahc'al yac awalbe. Ma ba ya xbaht awalbe yo'tic como lajix te snich'an te ajwalil, xchi.

Bible in Tzeltal de Oxchuc y Tenejapa

²⁰ Pero jac'bot yu'un te Joab: —Yo'tic ma ja'ucat te ya xc'ot ta awenta yalel te c'ope. Yan to buelta, pero yo'tic ma xju' ya xbaat, melel lajix te snich'an muc' ajwalile —xi'.

2 Samuel 18:20 ပူးပေါင်းရင်းမြစ်များ

2 Samuel 18:19

Te Ahimaas snich'an Sadoc, hich la yalbe: Awocoluc, ac'awon bahel ta ahnimal ta yalbeyel te ajwalil te bin c'ohtix ta pasel, te bin ut'il te Jehová la scoltayix loq'uel ta sc'ab te scontra, xchi.

2 Samuel 18:21

Te Joab hich la yalbe jtuhl etíope-winic: Bahan ha'at, halbeya ya'iy te ajwalil te bin awiloj, xchi sc'oblal. Te etíope-winic la snijan sba ta stojol Joab, hich baht ta ahnimal.

2 Samuel 18:27

Te j'il-q'uinal la yal xan: Te nahil yac ta ahnimal tal hich yilel bin ut'il yahnimal te Ahimaas snich'an Sadoc, xchi. Ha lequil winic abi, ay bin lec yich'oj tal, xchi te ajwalil.

2 Samuel 18:29

¿Lec bal ay te querem Absalón? xchi te ajwalil. Te Ahimaas la sjac': La jquil te hahchem bayel c'op a te c'alal la sticonon tal te Joab te a'bat yu'un te ajwalil, pero ma jna' bin c'oht ta pasel, xchi.

2 Samuel 18:33

Te ajwalil la spich' sba yo'tan yu'un, mo bahel ta jtsahl na te ay ta yahc'olal te ochibal, och ta buen oq'uel. C'alal yac ta mohel bahel a, hich yac yalbel: ¡Jnich'an, Absalón, jnich'an, jnich'an, Absalón! ¡Lec te ho'ucon lajon ta acuenta, Absalón, jnich'an, jnich'an! xchi ta oq'uel.

2 Samuel 18:5

Te ajwalil hich la spasticlan ta mandar te Joab, Abisai soc te Itai: Ta scuenta sc'uxulon ta awo'tanic, lec me xac'opombonic te querem Absalón, xchi. Spisil te soldadohetic la ya'iyic te bin la yal te ajwalil ta stojol te jtsobawetic sc'oblal te Absalón.

2 Samuel 19:1

Hich halbot te Joab: Yac ta oq'uel te ajwalil, yac ta mel-o'tan yu'un te Absalón, xchi.