2 Samuel 18:18 - Bible in Tzeltal Bachajón

¹⁸ Te c'alal cuxul to a te Absalón, la stehc'an bahlal ton ta Spamlej yu'un Ajwalil, como hich la yal ta yo'tan: Mayuc jnich'an te ya yich'bon hilel sna'ojibal te jbihile, xchi. La ya'be sbihilin te sbihil nix te bahlal ton, ha Bahlal ton yu'un Absalón c'oht te sbihil c'alal ora.

Bible in Tzeltal de Oxchuc y Tenejapa

¹⁸ Te c'alal cuxul to a te Absalón la yac' ta pasel walubil ton ta stenlej xatal q'uinal Muc' Ajwalil sbiil. Ja' la yac'bey yich' sbiile, scaj te ma'yuc snich'an ya x'ich'bot jilel yu'une. C'alal ora jich sbiil yu'unic, “Sna'jibal Absalón”, xiic yu'un.

2 Samuel 18:18 ပူးပေါင်းရင်းမြစ်များ

Génesis 11:4

Patil la yalic: Conic, jpastic muc'ul pueblo soc muc'ul toyol ts'ahc te ya xc'oht c'alal ta ch'ulchan; hich muc' ya xc'oht jc'oblaltic soc hich ma ba ya xpuhcotic bahel ta sba te bahlumilal, xchihic.

Génesis 11:9

Ha scuentahil te Babel sbihil c'oht, yu'un tey la sc'atp'umbe sc'opic spisil ants-winiquetic a te Jehová, soc tey la spucticlan bahel ta swohlol bahlumilal.

Génesis 14:17

C'alal suht tal ta stsalel te Quedorlaomer soc te ajwaliletic sjoquinejic, te Abram loc' ta tahel yu'un te ajwalil yu'un Sodoma ta spamlej yu'un Save, ha te Spamlej yu'un te Ajwalil sbihil.

2 Samuel 14:27

Te Absalón ayin oxeb squerem-nich'nab soc jtuhl yantsil-nich'an, Tamar sbihil, mero t'ujbil ach'ix.

Salmos 109:13

Ac'a lajuc spisil te sts'umbale, ac'a yich' tup'beyel sbihil ta scha'cajal ts'umbalil.

Salmos 49:11

Te smuquenalic ha snahic sbahtel q'uinal, ha snahic ya xhil ta cajalcaj ts'umbalil, aunque la sbihilin sq'uinalic te sbihilique.

Isaías 22:16

¿Bin ay awu'un li'i, o mach'a ay awu'un li'i, te yac apas amuquenal li'i, te yac apas amuquenal ta toyol, te yac ahot ochel ta ton te banti yac acux awo'tan?

Jeremías 22:30

Hich yaloj te Jehová: Hich xats'ihbabe hilel sc'oblal te winic ini te bin ut'il mach'a mayuc snich'an, te bin ut'il winic te mayuc bin ya sta ta scuxlejal, como mayuc jtuhluc sts'umbal ya xc'oht shuhcan sba ta shuctajib David, ma x'och ta ajwalil yu'un Judá, xchi te Jehová.

Daniel 4:30

hich la yal: ¿Ma bal ha'uc ini te muc'ul Babilonia te la jpas ta scuenta bayel quip banti ya xnahin ajwalil, soc scuenta yich'el ta muc' te cutsilale? xchi.

Números 32:42

Ha nix hich te Noba baht yu'untay te Kenat soc te tut pueblohetic yu'un, la ya'be sbihilin Noba, hich te bin ut'il te sbihile.

1 Samuel 15:12

Sab hahch te Samuel yu'un ya xbaht sta te Saúl, pero c'oht ta halbeyel te Samuel: Bahem ta Carmel te Saúl soc la stehc'an ton scuenta sna'ojibal yu'un; patil co bahel ta Gilgal, xchi.