2 Samuel 17:25 - Bible in Tzeltal Bachajón

²⁵ Te Absalón la yotses ta jtsobaw yu'un soldadohetic te Amasa scuenta sjelol Joab. Te Amasa ha snich'an jtuhl israel-winic Itra sbihil, te way soc Abigail yantsil-nich'an Nahas, ha yermana sba soc te Sarvia te snan Joab.

Bible in Tzeltal de Oxchuc y Tenejapa

²⁵ Te Absalón ja' yac'oj ta general yu'un soldadoetic te Amasa swenta sjelol Joab. Te Amasa snich'an jtul sts'umbal Ismael, Itra sbiil, te la yinamin Abigail, te yantsil-nich'an Nahas. Ja' yermana sba soc te Sarvia, te sme' Joab.

2 Samuel 17:25 ပူးပေါင်းရင်းမြစ်များ

2 Samuel 17:26

Te Absalón soc te soldadohetic yu'un Israel la spas scampamento ta sq'uinal Galaad.

2 Samuel 19:13

Soc hich nix xawalbeyic te Amasa: ¿Ma bal ha'ucat jbaquel soc jbaq'uetalat? Dios ac'a ya'bon castigo, soc c'ax to xan hich a, teme ma ba muc'ul jtsobaw yu'un te soldadohetic cu'un ya xc'ohat yo'tic scuenta sjelol te Joab, xchi.

2 Samuel 19:14

Hich junax c'oht yo'tanic te winiquetic yu'un Judá, hich te bin ut'il jtuhl winic, yu'un ya sticonic ta halbeyel te ajwalil: Suhtan tal soc spisil te a'batetic awu'un, xchihic.

2 Samuel 20:4

Patil te ajwalil hich la yalbe te Amasa: Ic'bon tal te winiquetic yu'un Judá li' ta oxeb c'ahc'al, ya me xtalat soc, xchi.

1 Reyes 2:28

Hich c'oht ta halbeyel te Joab, te jun yac'oj sba soc Adonías, pero ma ba jun la yac' sba soc stuquel te Absalón, hich baht ta ahnel ta nahilpac' templo yu'un Jehová, c'oht stsac te xulubiletic yu'un te scajtajib ta chiq'uel mahtanil.

1 Reyes 2:32

Te Jehová ha me ya sutbe spacol te ch'ich' ta stojol, como la smil te cheb winiquetic te c'ax hich toj soc lec ta winiquil a te bin ut'il te Joab; la smilticlan ta espada te ma ba la sna' te jtat David: ha te Abner snich'an Ner, te jtsobaw yu'un soldadohetic yu'un Israel, soc te Amasa te snich'an Jeter, te jtsobaw yu'un soldadohetic yu'un Judá.

1 Reyes 2:5

Ana'ojix te bin la spasbon te Joab, te yal Sarvia, ha te bin la spasticlambe te cheb jtsobaw soldadohetic yu'un Israel, ha te Abner snich'an Ner, soc te Amasa snich'an Jeter, te la smilticlan, la smal ch'ich' yu'un guerra ta yorahil lamal q'uinal, la yaq'uix ch'ich' yu'un guerra ta schuhquil sch'uht soc ta step slapoj.

1 Crónicas 12:19

Soc ay sts'umbal Manasés te c'axic ta stojol David te c'alal baht soc te filisteohetic ta ya'beyel guerra te Saúl. (Pero te David ma ba la scoltay te filisteohetic, como te jtsobawetic yu'un te filisteohetic, c'alal stsoboj sbahic, la snopic te ya sticonic bahel te David, hich la yalic: Ya me yich' loq'uesel joltic teme ya xc'ax bahel ta stojol Saúl te yajwale, xchihic yu'un.)

1 Crónicas 2:13

te Isaí, ha sba-nich'an te Eliab; ha schebal te Abinadab, yoxebal te Simea,