2 Samuel 17:2 - Bible in Tzeltal Bachajón

² Ya jlumtay c'alal luhbenix soc lajemix yip a. Ya ca'be xiwel, soc spisil te pueblo sjoquinej ya me xloq'uic ta ahnel. Ha nax ya jmil te ajwalil,

Bible in Tzeltal de Oxchuc y Tenejapa

² C'alal bi ora lajemix yip, c'alal lubenix a, ya xc'o jlumtay, ya me cac'bey xiwel ta melel. Spisil te mach'atic sjoinej, ya me xloq'uic ta anel. Ma'yuc mach'a yan ya jmil, ja' nax te muc' ajwalile.

2 Samuel 17:2 ပူးပေါင်းရင်းမြစ်များ

2 Samuel 16:14

Te ajwalil soc spisil te pueblo joquimbil yu'un luhben a c'ohtic ta muc'ul-ha' Jordán, tey la scux yo'tanic a.

2 Samuel 17:1

Te Ahitofel hich la yalbe te Absalón: Ac'awon ta stsahel j'ohlil scha'pic (12,000) winiquetic, ya jnuts bahel te David yo'tic ta ahc'abal.

1 Reyes 22:31

Pero te ajwalil yu'un Siria yalbeyejix te lahchayeb scha'winic (32) capitanetic yu'un carretahetic: Ma me yanuc mach'a yac awa'beyic guerra, ha nax stuquel te ajwalil yu'un Israel, xchi.

Nehemías 4:5

Ma me xamucbe sbohlilic soc ma me xatup'be smulic ta atojol, como la slabanic te mach'atic yaquic ta scha'pasel, xchihon ta sc'oponel Dios.

Zacarías 13:7

¡Hahchan, espada, ta scontrahinel te jcanan cu'un, ta scontrahinel te winic te ha jmohlol! xchi te Jehová te scuentahinej spisil. Mila te jcanan, hich ya xpuhquic bahel te tuminchijetique, ya cac' jc'ab ta scontrahinel te tut tuminchijetique.

San Mateo 21:38

Pero te j'a'teletic c'alal la yilbeyic te snich'an, hich la yalbe sbahic: Ha ini te ya xbaht yich' te q'uinale. La'ic, jmiltic, hich ya quich'betic te sq'uinale, xchihic.

San Mateo 26:31

Hich la yal te Jesús: Yo'tic ta ahc'abal apisilic ya xjihn awo'tanic ta jtojol, como hich ts'ihbabil: Ya quehchentes te jcanan-tuminchij, hich ya xpuhc bahel te tuminchijetic, te xchihe.

San Juan 11:50

Ma xana'ic te ha lec xan te jtuhl nax winic ya xlaj ta scuenta te pueblo, te bin ut'il te ya xlaj spisil te nación, xchi.

Deuteronomio 25:18

ha te bin ut'il loc' tal stahat ta be soc te la slajinlan te mach'atic pehc'ajem yipic te patil yacalic ta talel awu'un, te c'alal ay aluhbel soc lajem awip a; jc'axel ma ba la xi' te Diose.