2 Samuel 17:17 - Bible in Tzeltal Bachajón

¹⁷ Te Jonatán soc te Ahimaas ayic ta En-rogel. Ay jtuhl criada c'oht ta halbeyel yu'un, como ma xhu' ya yac' sbahic ta ilel te ya x'ochic bahel ta pueblo. Hich baht yalbeyic te ajwalil David.

Bible in Tzeltal de Oxchuc y Tenejapa

¹⁷ Te Jonatán soc te Ahimaas ayic ta En-rogel, yu'un ma xju' ya yac' sbaic ta ilel ta yut lum. Ja' yu'un jtul criada c'ot ta alel yu'un. Jich ora bajt'ic ta yalel te muc' ajwalil David.

2 Samuel 17:17 ပူးပေါင်းရင်းမြစ်များ

2 Samuel 15:27

Te ajwalil la yalbe xan te sacerdote Sadoc: ¿Ma bal ha'ucat jalwanejat? Lamaluc me q'uinal suhtan bahel ta pueblo soc te anich'an Ahimaas, soc te Jonatán snich'an Abiatar.

2 Samuel 15:35

Ya sjoquinat tey a te sacerdote Sadoc soc te sacerdote Abiatar. Ha yu'un spisil te bin yac awa'iy ta sna te ajwalil, hich yac awalbe te sacerdotehetic Sadoc soc Abiatar.

2 Samuel 15:36

Soc tey nix ayic a te schebal snich'nabic, ha te Ahimaas snich'an Sadoc, soc Jonatán snich'an Abiatar. Ha ta scuentahic te yac awa'bon jna' spisil bintic yac awa'iyic, xchi.

1 Reyes 1:42

Yac to ta c'op a, c'oht Jonatán snich'an te sacerdote Abiatar, hich halbot yu'un te Adonías: Ochan, como muc' ac'oblal, ay bin awich'oj tal te bin lec c'ohem ta pasel, xchi.

1 Reyes 1:9

Te Adonías la smil tuminchijetic, wacaxetic soc juhp'en jcolel wacaxetic ta muc'ul ton yu'un Zohelet ta nopol En Rogel. La yic' tal spisil te yihts'inab, ha te snich'nab te ajwalil, soc spisil te winiquetic yu'un Judá, ha te a'batetic yu'un te ajwalil.

Josué 15:7

ya xmo xan bahel ta spamlej yu'un Acor c'alal ta Debir soc ya yac' buelta ta stojol Gilgal te snuhp'usitayej sba soc te mohel yu'un Adumín, te ay ta stojol sur yu'un te uc'um; ya xc'ax bahel ta ha'etic yu'un En-semes, ya xc'oht ta loq'uel ta sloq'uib-ha' Rogel;

Josué 18:16

tey co bahel c'alal ta ye'tal wits te ay ta stojol te sjuclej yu'un Ben-hinom, te ay ta norte ta jucul q'uinal yu'un Refaim; co bahel ta sjuclej yu'un Hinom, ta stojol sur yu'un jebuseo, tey co bahel ta sloq'uib-ha' yu'un Rogel.