2 Samuel 17:14 - Bible in Tzeltal Bachajón

¹⁴ Ha yu'un te Absalón soc spisil Israel la yalic: Ha lec te bin la yal te Husai te arquita-winic, ha ma ba lec c'oht te bin la yal te Ahitofel, xchihic. Como te Jehová chapalix yu'un a te ya yich' howiytesel te bin la yal te Ahitofel scuenta yu'un ha ya xc'oht ta stojol Absalón te bin chopole.

Bible in Tzeltal de Oxchuc y Tenejapa

¹⁴ Te Absalón soc ta spisil te israeletic, ja' lec la yaiyic te bi la yal te Husai, ja' ma ba lec c'ot te bi la yal te Ahitofel. (Melel te Cajwaltic chapalix yu'un a te ya yich' jowejtesel te bi melel yalojix a te Ahitofel, swenta yu'un ja' me ya xc'ot ta swenta te Absalón te bi amene.)

2 Samuel 17:14 ပူးပေါင်းရင်းမြစ်များ

Génesis 32:28

La yal te winic: Ma ba Jacob ya xhil abihil, Israel ya xc'ohtix, yu'un la atsac aba soc Dios soc winiquetic, la awa'iy tsalaw, xchi.

2 Samuel 15:31

Hich c'oht ta halbeyel te David: Te Ahitofel jun ay soc te mach'atic la shachic c'op soc te Absalón, xchihic. Ha yu'un la yal te David: ¡Jehová, jina te bin ya yal te Ahitofel! xchi.

2 Samuel 15:34

Yan teme ya suhtat bahel ta pueblo, teme hich yac awalbe te Absalón: Ajwalil, ho'on awa'baton ya xc'ohon awu'un. Hich te bin ut'il la jcac' jba ta a'batinel ta stojol te atat, hich nix ya cac' jba ta a'batinel ta atojol, xchihat. Hich yac alajimbe te bin ya yal te Ahitofel.

2 Samuel 16:23

Ta hich ora, te bin la yal te Ahitofel pajal c'ohem soc te ha yac ta c'op te Diose; hich ay spisil te bin la yal te Ahitofel ta stojol David soc ta stojol Absalón.

2 Crónicas 10:15

Te ajwalil ma la yich'be ta cuenta te sc'op te pueblo; como hich la sc'an yo'tan te Diose, scuenta yu'un ya xc'oht ta pasel te bin yaloj te Jehová ta scuenta Ahías te talem ta Silon ta stojol Jeroboam snich'an Nabat.

2 Crónicas 10:8

Pero ma ba la yich'be ta cuenta te bin halbot yu'un te mamaletic, baht sjoc'obe te jcolel winiquetic te pajal scolelic soc, te ayic ta a'batinel yu'un.

2 Crónicas 25:16

C'alal hich yac ta yalel a te jalwanej, la sjac' te ajwalil: ¿Yu'un bal awich'oj awa'tel ta j'ac'-o'tanil ta stojol te ajwalil? Coma aba. ¿Yu'un bal yac ac'an te ya jmilat? xchi. Scuenta slajibal hich la yal te jalwanej: Jna'oj te Dios snopoj ta yo'tan te ya slajinat yu'un te hich apasoj soc ma ba la ach'uhun te bin la jcalbat, xchi.

2 Crónicas 25:20

Pero te Amasías ma ba la yich' ta cuenta, como Dios la sc'an te ya ya'be ta sc'ab te scontra, ta scaj te la sle te diosetic yu'un Edom.

Nehemías 4:15

Te c'alal la ya'iyic te jcontratic te la jna'tiquix te bin chapal yu'unic soc te Dios jimbotix yu'un te bintic chapal yu'unique, jpisiltic suhtotic xan bahel ta ts'ahc, jujutuhl ta ya'tel.

Job 12:17

Ha ya swahtan te j'ac'-o'taniletic soc ya yac' sohcuc sjolic te juecetique.

Salmos 9:15

Te nacionetic ch'ayic cohel ta ch'en te ha nix spasojic; te yaquil te snac'ojic, tsacbot yoquic yu'un.

Salmos 9:16

Te Jehová la yac' sba ta na'el ta scuenta te stojil chahpanwanej te la spas; te mach'a chopol ha nix chucot yu'un te ya'tel sc'ab. Higaión. Selah

Éxodo 9:16

Pero ta smelelil la jcac' cuxajucat scuenta yu'un ya xchicnaj cu'el ta acuenta, soc scuenta yu'un ya yich' puquel bahel ta spahmal q'uinal te jbihile.

Proverbios 19:21

Bayel bintic ya schap ta yo'tan te winique, pero ha ya xc'oht ta pasel te bintic schapoj te Jehová.

Proverbios 21:30

Mayuc p'ijil-o'tanil, snopojibal, o j'ac'-o'tanil te ya xhu' ya scontrahin te Jehová.

Isaías 8:10

Nopa bin yac apasic, pero ya me yich' jinel; c'opojanic, pero ma ba ya xc'oht ta pasel, como sjoquinejotcotic te Diose.

Lamentaciones 3:37

¿Mach'a ya xhu' ya yal te ay bin ya xc'oht ta pasel teme ma hichuc yaloj ta mandar te Jehová?

Amós 9:3

Teme ya snac' sbahic ta ba wits yu'un Carmelo, tey ya jle a soc ya jtsacticlan; aunque ya snac' sbahic ta jtojol c'alal ta sc'ubulil mar, tey ya calbe ta mandar te chan te ya sti'e.

San Lucas 16:8

Te yajwal la yalbe lec sc'oblal te chopol jcanan-biluc te bin ut'il la sna' bin la yut. Como te mach'atic scuenta bahlumilal c'ax hich ya sna'ic a bin ya yut soc te smohloltac te bin ut'il te mach'atic ayic ta scuenta sacal q'uinal.

1 Corintios 3:19

Como te p'ijil-o'tanil yu'un te bahlumilal ha howilc'op ta stojol Dios, hich te bin ut'il ts'ihbabil: Ya syac ta scuenta sp'ijil yo'tanic te mach'atic p'ijique, xchi.

Deuteronomio 2:30

Pero te Sehón, ajwalil yu'un Hesbón, ma ba la sc'an ya yac'otic c'axel ta sq'uinal, como te Jehová te Dios awu'unic la stulantesbe yo'tan scuenta yu'un ya ya'beyex ta ac'abic, hich te bin ut'il c'alal ora.

Josué 11:20

Como ha nix Jehová te la ya'be tulanijuc yo'tanic scuenta yu'un ya ya'beyic guerra te Israel, scuenta yu'un jc'axel ya yich'ic lajinel, ma ba na'bot yo'bolil sbahic, hich te bin ut'il pasot ta mandar yu'un Jehová te Moisés.