2 Samuel 17:11 - Bible in Tzeltal Bachajón

¹¹ Ho'on ya calbat, ac'a stsob tal sbahic ta atojol spisil Israel ta Dan ha to ta Beerseba, c'ax bayelic hich te bin ut'il hi' ta ti'mar; soc ha'at nix ya me xbahat ta guerra.

Bible in Tzeltal de Oxchuc y Tenejapa

¹¹ Yo'tic jo'on ya calbat, ac'a stsob tel sbaic ta atojol spisil te israeletic ta spamal sq'uinalic, c'alal ta Dan soc c'alal ta Beerseba, melel mero bayalic ta jtul jichuc ji' te ay ta ti'mar. Te ja'at nix ya xba awac' ta guerra.

2 Samuel 17:11 ပူးပေါင်းရင်းမြစ်များ

Génesis 13:16

Hich yipal ats'umbal ya xc'oht cu'un te bin ut'il ts'ubil lum. Teme ay mach'a ya xhu' ya yahtay te ts'ubil lum, ha nix hich ya xhu' ya yahtay te ats'umbale.

Génesis 21:14

Hich buen sab hahch te Abraham, la yich' tal pan soc jun nuhcul yawil ha', la ya'be sq'uech bahel te Agar, soc la ya'be te yal, la sticon bahel soc. Hich loc' bahel, melmonel ta behel ta jochol taquin q'uinal Beerseba.

Génesis 22:17

ya me ca'bat bendición soc ya cac' te ya xp'ohl ats'umbal hich yipal te bin ut'il eq'uetic te ay ta ch'ulchan soc te hi' te ay ta sti'il mar; soc te ats'umbal ya me stsal spisil scontratac.

2 Samuel 12:28

Ha yu'un tsoba te soldadohetic hilemic, la', a'beya guerra te pueblo, tsala, repente ho'on ya quich', hich ya yich'bon te jbihile, xchi.

2 Samuel 24:2

Ha yu'un te ajwalil la yalbe te Joab, te jtsobaw yu'un te soldadohetic te sjoquinej: Behentayahic spisil ta chahp sts'umbal Israel ta Dan c'alal ta Beerseba, ahtaya te pueblo, scuenta yu'un ya jna' jayeb te yajwale, xchi.

2 Samuel 3:10

ha te ya yich' loq'uesel ta ajwalil te sts'umbal Saúl, ha ya x'och ta ajwalil yu'un Israel soc Judá te David, c'alal ta Dan ha to c'alal ta Beerseba, xchi.

1 Reyes 20:10

Te Ben-adad la sticombe xan ta halbeyel: Ac'a ya'bon tulan castigo te diosetic, teme tic' ya xhil a te sts'ubil Samaria te ya yich'ic johpuc jujutuhl te st'unojonic, xchi.

1 Reyes 4:20

Te Judá soc Israel mero bayelic, hich te bin ut'il hi' ta ti'mar. Yacalic ta we'el uch'el, soc mero tse'el yo'tanic.

Salmos 9:16

Te Jehová la yac' sba ta na'el ta scuenta te stojil chahpanwanej te la spas; te mach'a chopol ha nix chucot yu'un te ya'tel sc'ab. Higaión. Selah

Josué 11:4

Hich loq'uic tal soc spisil te soldadohetic yu'unic, mero bayelic, hich te bin ut'il shi'al mar, soc c'ax bayel cawuhetic soc carretahetic yu'un guerra.

Jueces 20:1

Ha yu'un loq'uic bahel spisil te snich'nab Israel, c'alal ta Dan ha to ta Beerseba soc ta sq'uinal Galaad, la stsob sbahic hich te bin ut'il jtuhl winic ta stojol Jehová ta Mizpa.

1 Samuel 13:5

Hich te filisteohetic la stsob sbahic ta ya'beyel guerra te Israel: oxpic soc ho'lajunbahc' (30,000) carretahetic yu'un guerra, ho'lajunbahc' (6,000) ta tuhl winiquetic cajajtic ta caballo, soc hich yipal soldadohetic te bin ut'il shi'al sti'il mar. Mohic talel soc la spasic scampamentohic ta Micmas, ta stojol banti ya xloc' tal c'ahc'al yu'un Bet-avén.

1 Samuel 3:20

Spisil Israel, c'alal ta Dan ha to ta Beerseba, la sna'ic te Samuel ha jalwanej yu'un Jehová te jun yo'tan ta stojol.