2 Samuel 16:4 - Bible in Tzeltal Bachajón

⁴ Ha yu'un te ajwalil hich la yalbe te Siba: Lec ay hiche. Yo'tic ha'at awu'unix spisil te bintic ay yu'un te Mefi-boset, xchi. La snijan sba te Siba, hich la yal: Te lecucon ta asit, ajwalil cu'un, xchi.

Bible in Tzeltal de Oxchuc y Tenejapa

⁴ La yal te muc' ajwalil: —Lec ay jiche. Yo'tic ja'at awu'unix spisil te bitic yu'un ta namey te Mefi-boset —xi'. —Bayal yutsil teme ya ana'bon yo'bolil jbae, muc' ajwalil cu'un —xi' ta sjaq'uel te Siba, soc la stinan sba ta stojol te muc' ajwalile.

2 Samuel 16:4 ပူးပေါင်းရင်းမြစ်များ

2 Samuel 14:22

Te Joab la squejan sba ta lum, la yich' ta muc', soc la ya'be bendición, hich la yal: Yo'tic c'ohtix ta yo'tan te a'bat awu'un te lecon ta asit, cajwal, como la spasix te ajwalil te bin c'ambot yu'un te ya'bate, xchi.

2 Samuel 14:4

Hich te ants te talem ta Tecoa baht ta stojol te ajwalil. La spahcan sba ta lum ta yich'el ta muc', hich la yalbe: Coltayawon, ajwalil, xchi.

2 Samuel 14:8

Ha yu'un te ajwalil hich la yalbe te ants: Bahan ta ana, ya me cal mandar te ya yich' chahpanel, xchi sc'oblal.

2 Samuel 16:3

Hich joc'obot yu'un te ajwalil: ¿Banti ay te smam awajwal? xchi sc'oblal. Hilem ta Jerusalén, como la yal: Yo'tic te mach'atic ayic ta Israel ya me suhtbonic te ban c'alal smacoj ta ajwalil te jmamuch, xchi.

2 Samuel 16:5

Te c'alal c'oht ta Bahurim te ajwalil David, loc' tal jtuhl sts'umbal Saúl tey a, Simei sbihil, snich'an Gera, yac ta bohlc'optaywanej,

2 Samuel 19:27

Pero la slehix ta c'op te a'bat awu'un ta stojol te ajwalil cu'un. Pero te ajwalil cu'un hich ay te bin ut'il ch'ul a'bat yu'un Dios. Pasa hiche te bin lec yac awa'iy.

2 Samuel 9:6

Hich te Mefi-boset snich'an Jonatán, smam Saúl, tal ta stojol David, la snijan sba scuenta yich'el ta muc'. Mefi-boset, xchi te David. Li' ay te a'bat awu'un, xchi te Mefi-boset.

2 Samuel 9:9

Ha yu'un te ajwalil la yic' tal te Siba te a'bat yu'un Saúl, hich la yalbe: La jca'beyix te smam te awajwal chawinic Saúl spisil te bintic ay yu'un soc nix te mach'atic ay yu'une.

Éxodo 23:8

Ma xatsac mahtanil scuenta schahpanel c'op, yu'un ha ya sc'atp'ujtes ta ts'o'sit te mach'atic ya yilic q'uinal soc ya showitesbe sc'op te mach'atic toj yo'tanique.

Proverbios 18:13

Te mach'a nahil ya sjac' te ma ba ya'iyej ta lec, ma sna' q'uinal soc q'uexlaltic sba.

Proverbios 18:17

Te mach'a nahil ya scoltay sba ta c'op, hich ya'iyel te toj ay, ha to c'alal ya xtal yan te ya sjoc'obe ta lec.

Proverbios 19:2

Ma lecuc te mach'a mayuc snopojibal yu'un, soc te mach'a ya suj sba, ya xhowiy.

Deuteronomio 19:15

Ma me x'ich'ot ta cuenta te bin ya yal jtuhl nax testigo ta scontrahinel yan te stahoj biluc falta o biluc mulil. Ha nax ta scuenta cha'tuhl u oxtuhl testigohetic te ya x'ich'ot ta cuenta bin ya yalique.