2 Samuel 16:16 - Bible in Tzeltal Bachajón

¹⁶ Te c'alal Husai te arquita-winic, te yamigo te David, tal sta te Absalón, hich la yal: ¡Viva ajwalil, viva ajwalil! xchi.

Bible in Tzeltal de Oxchuc y Tenejapa

¹⁶ Te Husai te talem ta sts'umbal arquitaetic, te jun yo'tan sba soc te David, ba sta tel te Absalón: —¡Viva muc' ajwalil, viva muc' ajwalil! —xi'.

2 Samuel 16:16 ပူးပေါင်းရင်းမြစ်များ

2 Samuel 15:32

C'alal c'oht ta ba wits te David te banti ya yich' ch'uhunel te Diose, loc' tal ta stojol te Husai te arquita-winic, ch'i'emtic sc'u' soc ya'tinej ts'u'lum te sjole.

2 Samuel 15:34

Yan teme ya suhtat bahel ta pueblo, teme hich yac awalbe te Absalón: Ajwalil, ho'on awa'baton ya xc'ohon awu'un. Hich te bin ut'il la jcac' jba ta a'batinel ta stojol te atat, hich nix ya cac' jba ta a'batinel ta atojol, xchihat. Hich yac alajimbe te bin ya yal te Ahitofel.

2 Samuel 15:37

Hich c'oht ta Jerusalén te Husai, te yamigo David, te c'alal yac ta ochel ta Jerusalén a te Absalón.

1 Reyes 1:25

Como yo'tic cohix bahel, la smilticlan wacaxetic, juhp'en alal wacaxetic soc bayel tuminchijetic, soc yic'oj spisil snich'nab te ajwalil, te capitanetic yu'un soldadohetic soc te sacerdote Abiatar. Tey yacalic ta we'el uch'el soc a, soc hich ya yalic ta aw: ¡Viva Ajwalil Adonías! xchihic.

1 Reyes 1:34

Tey me ya xmalbot aceite yu'un a te sacerdote Sadoc soc te jalwanej Natán scuenta ajwalil yu'un Israel. Oq'uesinahic xulubil soc awonanic: ¡Viva ajwalil Salomón! xchihanic me ta aw.

1 Reyes 4:5

Azarías snich'an Natán, ha scuentahinwanej gobernadoretic; Zabud snich'an Natán, ha sacerdote soc yamigo te ajwalil;

2 Reyes 11:12

Hich te Joiada la sloq'ues tal te snich'an ajwalil, la ya'be ta sjol te corona soc la ya'be te Testigo-c'op, la smal ta aceite, hich la yotsesic ta ajwalil. La smaj sc'abic soc awonic: ¡Viva ajwalil! xchihic.

Daniel 2:4

Ha yu'un te mach'atic ay sp'ijilic hich la yalbeyic te ajwalil ta arameo: ¡Ajwalil, te yacuc xcuxajat sbahtel q'uinal! Halbeya te a'batetic awu'un te awayiche, hich ya calbatcotic te bin ya sc'an ya yal, xchihic.

Daniel 5:10

Te ajwalil-ants, c'alal la ya'iy te bin la yal te ajwalil soc te príncipaletic yu'un, och tal ta banti ay te q'uin, hich la yal: ¡Ac'a cuxajuc sbahtel q'uinal te ajwalil! Ma me xiwat soc ma me sacalub asit awelaw.

Daniel 6:21

La sjac' te Daniel: ¡Sbahteluc q'uinal cuxulat, ajwalil!

Daniel 6:6

Ha yu'un te gobernadoretic soc te schebal ajwaliletic la stsob sbahic ta stojol te ajwalil, hich la yalbeyic: ¡Sbahtel q'uinal ac'a cuxajuc te ajwalil Darío!

San Mateo 21:9

Te mach'atic nahil ayic soc te mach'atic patil ayic, hich yacalic ta yalel ta aw: ¡Hosana ta stojol te snich'an David! ¡Bayel yutsil te mach'a ya xtal ta scuenta sbihil te Cajwaltique! ¡Hosana ta toyol! xchihic ta aw.

1 Samuel 10:24

Hich la yal te Samuel ta stojol spisil te pueblo: ¿La bal awilic te mach'a tsahbil yu'un Jehová? Mayuc mach'a pajal soc ta spisil te pueblo, xchi. Ha yu'un hahchic ta aw spisil te pueblo: ¡Viva ajwalil! xchihic.