2 Samuel 16:12 - Bible in Tzeltal Bachajón

¹² Ya wan yilbon jwocol te Jehová soc ya ya'bon bendición ta scaj te bohlc'optayel yu'une, xchi.

Bible in Tzeltal de Oxchuc y Tenejapa

¹² Teme yu'un ya yilbon jwocol te Cajwaltic, ya wan yac'bon bendición te bit'il bolc'optayel yacon ta yaiyel abi —xi'.

2 Samuel 16:12 ပူးပေါင်းရင်းမြစ်များ

2 Samuel 16:13

C'alal yaquic ta behel bahel a te David soc te swinictac, yac ta behel ta jehch wits te Simei, yac ta sbohlc'optayel, yac ta sch'ojticlanel ta ton soc yac ta sbuhquilanel ts'u'lum.

2 Reyes 19:4

Ya wan ya'iy Jehová te Dios awu'un spisil bintic la yal te jtsobaw soldadohetic te ticombil tal yu'un te ajwalil yu'un Asiria ta sbohlc'optayel te cuxul Dios; te yacuc ya'be castigo yu'un te bintic la yal la ya'iy te Jehová te Dios awu'une. Ha yu'un c'opombeya Dios yu'un te mach'atic cuxul hilemic, xchihic.

Salmos 10:14

Ha'at awiloj, yu'un yac awil te bintic chopol soc te uts'inel, yu'un yac awa'be stoj ta ac'ab. Ya yac' sba ta atojol te mach'a ma xhu' scanantaybel sba; ha'at jcoltaywanejat yu'un te me'ba'.

Salmos 109:28

Ac'a yalic chopol c'oblalil, pero ha'at yac awac' bendición. Ac'a hahchuquic, pero ac'a stahic q'uexlal, yan te a'bat awu'un tse'eluc me yo'tan.

Salmos 132:1

Jehová, na'a me te David soc spisil te swocole.

Salmos 25:18

Ilbon awil te uts'inel soc te wocol cu'une, soc pasbon perdón yu'un spisil jmul.

Proverbios 25:22

Teme hich yac apas, sjel te yac abusambe c'ahc'al ac'al ta sjol, soc ha ya stojbat stuquel te Jehová.

Proverbios 26:2

Hich te bin ut'il ha'mal mut te bayuc ya xbaht, o ulich te yac ta wihlel, ha nix hich te chopol c'oblalil te mayuc scuentahil, ma xc'oht ta banti sc'oblal ya xc'oht.

Isaías 27:7

Te Jehová ma ba hich la yehchentes te Israel te bin ut'il la yehchentes te scontratac; ma ba la yac' ta milel hich te bin ut'il la yac' ta milel te mach'atic la slajinic te Israel.

Joel 2:14

¡Ya wan suht sc'op soc ya wan yac' hilel bendición: ha te mahtanil harina soc malbil mahtanil yu'un Jehová, te Dios awu'unique!

Romanos 8:28

Soc jna'ojtic te lec ya xc'oht ta loq'uel spisil bintic ya xc'oht ta stojol te mach'atic c'ux ta yo'tan Dios, ha te mach'atic ic'bilic yu'un Dios hich te bin ut'il chapal yu'une.

2 Corintios 4:17

como te jteb nax jwocoltic ini te jc'axel nax ay, ha yac yac'belotic cutsilaltic te c'ax lec xan a soc te mayuc slajibal;

Deuteronomio 23:5

Pero te Jehová te Dios awu'un ma ba la yich'be ta cuenta te sc'op Balaam. Te Jehová te Dios awu'un la sc'atp'umbat ta bendición te chopol c'oblalil c'anot ta atojol, como c'uxat ta yo'tan te Jehová te Dios awu'une.

Deuteronomio 23:6

Ma me xalehbe yutsil slequilic soc ma me xawac' lahmajuc q'uinal ta stojolic te jayeb c'ahc'al cuxulic ta q'uinal.

2 Tesalonicenses 1:7

soc te ha'ex te ay awocolic ya ya'beyex acux awo'tanic soc ho'otcotic te c'alal ya xchicnaj cohel tal ta ch'ulchan ta yohlil yat c'ahc' te Cajwaltic Jesús soc te ch'ul a'batetic yu'un te ay yipic,

Hebreos 12:10

Te jtatic cheb oxeb nax ch'ahc'al la stojobtesotic, ha chican bin lec la ya'iyic stuquelic, yan te tojobtesel yu'un Dios, scuenta jlequiltic, scuenta yu'un pajal ya quich'betic te sch'ul yutsilal.

1 Samuel 1:11

Hich jc'axel la yal ta jamal: Jehová te scuentahinej spisil, teme yac awilbe swocol te a'bat awu'un, teme yac ana'on soc teme ma ba ya xch'ay ta awo'tan te a'bat awu'un, teme yac awa'be jtuhl squerem-al te a'bat awu'une, jc'axel ya ca'be te Jehová te jayeb c'ahc'al cuxul, soc ma ba ya yich' set'el stsotsel sjol, xchi.