2 Samuel 16:11 - Bible in Tzeltal Bachajón

¹¹ Patil te David hich la yalbe te Abisai soc spisil te winiquetic yu'un: Ha nix te jnich'an te yo'tanuc ya smilon, ¿ha'uc to balix a te sts'umbal Benjamín? Ihquitayahic, ac'a sbohlc'optayon, como ha nix te Jehová te halbot yu'une.

Bible in Tzeltal de Oxchuc y Tenejapa

¹¹ Patil la sc'opon te Abisai soc spisil te capitán-soldadoetic yu'une, jich la yalbey: —Melel ja' nix te mero jnich'an te yo'tanuc ya smilone. ¿Ja'uc to balix a te jtul sts'umbal Benjamín to? Ijq'uitayaic, ac'a yixtac'optayon. Ja' te Cajwaltic te ticunbil yu'une.

2 Samuel 16:11 ပူးပေါင်းရင်းမြစ်များ

Génesis 15:4

Patil tal sc'op te Jehová ta stojol, hich halbot: Ma ha'uc te ya yich'bat hilel abiluc, ha ya yich'bat hilel abiluc te mero anich'an, xchi.

Génesis 45:5

Ma me xamel awo'tanic soc ma me xawilintay abahic yu'un te la achononic tal li'i, como scuenta scoltayel scuxlejal ants-winiquetic te nahil la sticonon tal awu'unic te Diose.

2 Samuel 20:1

Ay jtuhl chopol winic tey a, Seba sbihil, snich'an Bicri, sts'umbal Benjamín, te la yoq'uesin xulubil soc hich la yal: Mayuc bin ay cu'untic ta stojol David, mayuc bin quich'ojtic yu'un te snich'an Isaí. ¡Ta jujutuhl bahan ta anahic, Israel! xchi.

2 Samuel 7:2

te ajwalil hich la yalbe te jalwanej Natán: Ilawil, ho'on nahinemon ta na te pasbil ta cedro, yan te scaxahul te chapbil-c'op yu'un Dios ay ta nahilpac', xchi.

2 Reyes 19:37

Te c'alal yac ta sch'uhuntayel ta templo yu'un te sdios Nisroc a, te Adramelec soc Sarezer te snich'nab la smilic ta espada soc loq'uic ta ahnel ta sq'uinal Ararat. Ha och ta sjelol ta ajwalil te Esarhadón te snich'ane.

2 Crónicas 32:21

Hich te Jehová la sticon tal ch'ul a'bat te la smil spisil te mach'atic ma xiwic soc te jtsobawetic soc capitanetic ta campamento yu'un te ajwalil yu'un Asiria. Hich q'uexaw suhtel ta sq'uinal. Te c'alal och bahel ta templo yu'un te dios yu'une, tey milot yu'un a te mero snich'nabe.

Salmos 109:28

Ac'a yalic chopol c'oblalil, pero ha'at yac awac' bendición. Ac'a hahchuquic, pero ac'a stahic q'uexlal, yan te a'bat awu'un tse'eluc me yo'tan.

Ezequiel 14:9

Teme ay jalwanej te ya xlo'loyot soc ay bin ya yal, ho'on Jehovahon la jlo'loy te jalwaneje. Ya jach jc'ab ta scontrahinel soc ya jlajin ta yohlil te pueblo Israel cu'une.

Ezequiel 20:25

Ha yu'un la jc'abe yantic mandariletic te ma lecuc soc halbil mandariletic te ma xhu' ya sta scuxlejalic yu'une.

San Mateo 10:21

Te jtuhle ya yac' ta milel te yermano, te tatil ya yac' ta milel te snich'ane. Te al-nich'anetic ya scontrahinic te sme'static soc ya me yaq'uic ta milel.

1 Samuel 26:19

Awocoluc, cajwal, a'iybeya sc'op te a'bat awu'une. Teme ha te Jehová te la yac' te yac acontrahinon, ac'a stsac te mahtanile; yan teme ha winiquetic, jc'axel me bohlobenuc sc'oblalic ta stojol Jehová, como la stenoniquix loq'uel scuenta yu'un ma ba ya xc'ohtix ta jcuenta te bin ya ya'botic te Jehová, hich ya yalbonic: Bahan, ac'a aba ta a'batinel ta stojol yantic diosetic, xchihic.