2 Samuel 16:10 - Bible in Tzeltal Bachajón

¹⁰ Pero la sjac' te ajwalil: ¿Bin cochelex a te ha'ex, yalatac Sarvia? Teme hich yac ta bohlc'optaywanej, yu'un hich halbot yu'un Jehová te ya sbohlc'optay te David. ¿Mach'a ya xhu' ya yalbe: Bin yu'un te hich yac apas? xchi.

Bible in Tzeltal de Oxchuc y Tenejapa

¹⁰ Pero la sjac' te muc' ajwalil: —Ma awentauc ja'ex, yalatac Sarvia. Teme ya yixtac'optayone, yu'un ja' nix te Cajwaltic te ticunbil yu'une. Teme jiche, ¿mach'a ya xju' ya sjojc'obey bi yu'un jich ya spas? —xi' te David.

2 Samuel 16:10 ပူးပေါင်းရင်းမြစ်များ

Génesis 50:20

Te ha'exe la ac'anic te yac apasbonic te bin chopol, pero lec c'oht yu'un stuquel te Diose scuenta yu'un ya xc'oht ta pasel te bin ya quiltic ta ora ini, ha te ya xcuxajic tsobol ants-winiquetic a.

2 Samuel 19:22

La sjac' te David: ¿Bin cochelex a, yalatac Sarvia, yu'un te jcontra ya xc'ohex yo'tic? ¿Ya bal sc'an te ay mach'a ya xlaj yo'tic ta Israel? ¿Ma bal jna'oj te yo'tic ya xcha'ochon ta ajwalil yu'un Israel? xchi.

2 Samuel 19:23

Patil te ajwalil hich la yalbe te Simei: Ma ba ya xlajat, xchi. Te ajwalil hich la yal ta jamal.

2 Samuel 3:39

Mayuc quip yo'tic, aunque tsahbilon ta ajwalil. Te winiquetic ini, ha te yalatac Sarvia, c'ax tulanic stuquelic. ¡Ac'a ya'be stoj Jehová te mach'a chopol bin ya spas, ha chican bin yilel te schopolile! xchi.

1 Reyes 17:18

Te ants hich la yalbe te Elías: ¿Bin awochelon a, winicat yu'un Dios? ¿Tal bal awa'bon jna' te muliletic cu'un soc te yac awac' chamuc te cale? xchi.

1 Reyes 2:5

Ana'ojix te bin la spasbon te Joab, te yal Sarvia, ha te bin la spasticlambe te cheb jtsobaw soldadohetic yu'un Israel, ha te Abner snich'an Ner, soc te Amasa snich'an Jeter, te la smilticlan, la smal ch'ich' yu'un guerra ta yorahil lamal q'uinal, la yaq'uix ch'ich' yu'un guerra ta schuhquil sch'uht soc ta step slapoj.

2 Reyes 18:25

¿Yu'un bal ma ba sticonejon tal li'i te Jehová ta sjinel? Hich la yalbon te Jehová: Mohan bahel ta q'uinal ini yu'un yac ajin, xchi.

Job 9:12

Teme ay bin ya sloq'ues, ¿mach'a ya xhu' ya scom? ¿Mach'a ya xhu' ya sjoc'obe: ¿Bin yac apas? te xchihe?

Salmos 39:9

Ch'abon, ma ba la jam que, como ha'at la apas ini.

Eclesiastés 8:4

Ha toyol te sc'op te ajwalile, mayuc mach'a ya xhu' ya yalbe: ¿Bin yac apas? te xchihe.

Lamentaciones 3:37

¿Mach'a ya xhu' ya yal te ay bin ya xc'oht ta pasel teme ma hichuc yaloj ta mandar te Jehová?

Daniel 4:35

Te mach'atic nahinemic ta bahlumilal hich c'ohemic te mayuc sc'oblalic ta stojol; ha ya spas te bin ya sc'an yo'tan ta stojol tsobolic ta ch'ulchan soc te mach'atic nahinemic ta bahlumilal. Mayuc mach'a ya xhu' ya scombe sc'ab o te hich ya yalbe: ¿Bin yac apas? te xchihe.

San Mateo 16:23

Pero la sut sba te Jesús, hich la yalbe te Pedro: ¡Loc'an ta jtojol, Satanás! Ha'at c'ohchinojibalat cu'un, como ma ha'uc ya xbaht ta awo'tan te bintic scuenta Dios, ha nax te bintic scuenta winiquetic, xchi sc'oblal.

San Mateo 8:29

Hich la yawtayic te Jesús: ¿Bin awochelotcotic a, Jesús Snich'anat Dios? ¿Tal bal awac'otcotic ta wocol te ma to ba stahoj yorahil? xchihic ta aw.

San Juan 18:11

Jesús la yalbe te Pedro: Otsesa ta sna te espada awu'un. Te copa te la ya'bon cuch' te Tatil, ¿ma bal yacuc cuch'? xchi.

Romanos 9:20

Pero, ¿mach'ayat a te yac asut ta c'op te Diose? Te vaso pasbil ta ahch'al ¿ya bal yalbe te jpaswanej yu'un: ¿Bin yu'un te hich la apason? xchi bal?

1 Pedro 2:23

Te c'alal la yixta'c'optayic, ma ba la sutbe ta ixta'c'op; te c'alal c'ax swocol, ma ba la yal te ya sutbe spacol, ha la yac' sba ta sc'ab te mach'a toj ya xchahpanwan.

1 Samuel 26:19

Awocoluc, cajwal, a'iybeya sc'op te a'bat awu'une. Teme ha te Jehová te la yac' te yac acontrahinon, ac'a stsac te mahtanile; yan teme ha winiquetic, jc'axel me bohlobenuc sc'oblalic ta stojol Jehová, como la stenoniquix loq'uel scuenta yu'un ma ba ya xc'ohtix ta jcuenta te bin ya ya'botic te Jehová, hich ya yalbonic: Bahan, ac'a aba ta a'batinel ta stojol yantic diosetic, xchihic.