2 Samuel 16:1 - Bible in Tzeltal Bachajón

¹ C'axel to bahel ta ba wits a te David, loc' tal ta tahel yu'un Siba te ya'bat Mefi-boset, yic'oj cheb burrohetic te yich'ojic smonturahic soc scuchoj lajunwinic (200) ta pehch pan, ho'winic (100) ta pehch pasas, ho'winic (100) ta pehch taquijtesbil higohetic soc jun yawil vino.

Bible in Tzeltal de Oxchuc y Tenejapa

¹ Jteb to nax xc'axel bael ta ba wits a te David, loc' ta tael yu'un Siba, ja' te yabat Mefi-boset. Yic'oj cheb burroetic, chajbajtic soc scuchoj lajunwinic (200) ta jpejch' pan, jo'winic (100) ta jpejch' taquintesbil ts'usub, jo'winic (100) ta jp'is sit awalts'unubiletic te yorail sit a, soc jpojc' ta nujc'ulil vino.

2 Samuel 16:1 ပူးပေါင်းရင်းမြစ်များ

2 Samuel 15:30

Te David mo bahel ta Wits yu'un Olivohetic; yac ta oq'uel mohel a, smucoj sjol soc mayuc step. Ha nix hich spisil te pueblo te joquimbil yu'un, smucoj sjolic jujutuhl soc yacalic ta oq'uel mohel.

2 Samuel 15:32

C'alal c'oht ta ba wits te David te banti ya yich' ch'uhunel te Diose, loc' tal ta stojol te Husai te arquita-winic, ch'i'emtic sc'u' soc ya'tinej ts'u'lum te sjole.

2 Samuel 19:17

Sjoquinej tal lajunwinic yoxbahc' (1,000) ta tuhl winiquetic yu'un Benjamín. Ha nix hich te Siba, te ya'bat te mach'atic ay yu'un te sna Saúl, soc te ho'lajuntuhl (15) snich'nab soc jtahb (20) ta tuhl ya'bat, ora co bahel ta Jordán ta stojol te ajwalil.

2 Samuel 19:32

Mamalix te Barzilai, ayix chanwinic (80) ya'bilal. Ya'beyejix biluquetic te ajwalil te c'alal ay ta Mahanaim, como mero jc'ulej winic.

1 Crónicas 12:40

Ha nix hich te spat-xuhquic c'alal Isacar, Zabulón soc Neftalí, la scuchic tal we'eliletic ta burrohetic, camellohetic, machohetic soc ta j'a'tel-wacaxetic. Ay bayel we'eliletic la schahpanic tal: harina, higohetic, pasas, vino, aceite, torohetic soc tuminchijetic, como bayel tse'el-o'tanil ta Israel.

Proverbios 18:16

Te mahtanil ya sjam te sbe te winique soc ya x'ic'ot ochel yu'un ta stojol te mach'a ay sc'oblale.

Jeremías 40:10

Te ho'one ya xhilon ta Mizpa scuenta yu'un ya xc'opojon awu'unic ta stojol te caldeohetic te ya xtalic ta jtojoltic. Te ha'exe tsobahic te vino, te sit te'etic yu'un te yorahil ha'alel q'uinal, soc te aceite, ac'ticlanahic ta yawil, nahinanic ta pueblohetic te awich'ojique, xchi.

Jeremías 40:12

spisil te judiohetic loq'uic tal ta spisil banti tenotic bahel, suhtic talel ta sq'uinal Judá ta stojol Gedalías ta Mizpa. La stsobic bayel vino soc sit ts'unub awaliletic.

Amós 8:1

Ha la ya'bon quil ini te Jehová te Ajwalil: jun moch te nojel ta sit awal-ts'unubil te sc'analixe.

Miqueas 7:1

¡Obol jba! yu'un hich c'ohemon te bin ut'il c'alal tsobilix sit a ta yorahil snahtil c'ahc'al, c'alal c'axemix ta lehel a te bintic hilem yu'un te ts'usubil, mayuc hilem jchejuc ta we'el, mayuc hilem te sit te bayel ya jmulan.

1 Samuel 10:3

Ya xbehenat xan bahel, te c'alal ya xc'ohat ta jihte' yu'un Tabor, ya me xtal stahat oxeb winiquetic te yacalic ta mohel bahel ta Bet-el ta stojol Dios, te jtuhle yic'oj oxeb tentsunetic, te yane yich'oj oxeb pan, te yoxebal yich'oj yawil vino.

1 Samuel 16:20

Ha yu'un te Isaí la stsac jcoht burro te scuchoj pan, jun yawil vino soc jcoht tut tentsun, la sticombe bahel te Saúl ta scuenta David te snich'ane.

1 Samuel 25:18

Ha yu'un te Abigail ora la yich' bahel lajunwinic (200) ta pehch pan, cheb yawil vino, ho'coht wohbil tuminchij, ho'p'is ch'ilbil trigo, ho'winic (100) ta pehch taquijtesbil ts'usub soc lajunwinic (200) ta pehch taquijtesbil higo, la ya'be scuch bahel burrohetic.