2 Samuel 15:8 - Bible in Tzeltal Bachajón

⁸ Como te a'bat awu'un, te c'alal ay ta Gesur ta Siria a, ay bin la jchahpan, hich la jcal: Teme ya yac'on suhtel tal ta Jerusalén te Jehová, ya xtal quich' ta muc' te Jehová, xchi.

Bible in Tzeltal de Oxchuc y Tenejapa

⁸ Te c'alal nainemon ta Gesur ta Siria a te jo'on te abaton awu'une, la cal ta stojol te Cajwaltic, teme ya yac'on sujt'el tel ta Jerusalén, ya me calbey wocol —xi'. La sjac' te muc' ajwalil:

2 Samuel 15:8 ပူးပေါင်းရင်းမြစ်များ

2 Samuel 14:23

Hich te Joab baht ta Gesur, la yic' tal te Absalón ta Jerusalén.

2 Samuel 14:32

La sjac' te Absalón: La jticonat ta iq'uel tal li'i yu'un ya jticonat bahel yu'un hich yac awalbe te ajwalil: ¿Bin yu'un te talon ta Gesur? Ha lec te teyuc ayon a. Co'tanuc ya quilbe sit te ajwalil; teme ay jmule, milawon, xchi.

2 Samuel 15:9

Junuc me awo'tan ya xbahat, xchi sc'oblal yu'un te ajwalil. Hich baht ta Hebrón te Absalón.

2 Samuel 3:3

te schebal, Quileab, ha yal Abigail te me'ba' ants yu'un Nabal te talem ta Carmel; te yoxebal, Absalón, ha yal Maaca te yantsil-nich'an Talmai, ajwalil yu'un Gesur;

Salmos 56:12

Dios cu'un, ay ta jtojol te bintic calbeyejat ta jamal; ya ca'bat amahtan yu'un yalel wocol ta atojol,

Eclesiastés 5:4

Teme ay bin yac awal ta stojol Dios, ma me xhalajat ta spasel, como ma smulan te mach'a ma sna' q'uinal. Pasa te bin awaloje.

Isaías 28:15

Hich la awalic: Jchapoj jc'optic soc te lajele, jchapoj jc'optic soc te muquenale. Te c'alal ya xtal tulan wocol ma ba ya stahotic; como ha cac'ojtic ta ahnibal cu'untic te lote, ya jnac' jbahtic ta stojol te bin ma meleluque, xchihex.

Jeremías 42:20

¿Bin yu'un la alo'loy abahic? Ha'ex nix la aticononic ta stojol Jehová te Dios awu'unic, te hich la awalic: C'opombotic Jehová te Dios cu'untic, soc a'botcotic jna'cotic spisil te bin ya yal te Jehová te Dios cu'untic, hich me ya jpascotic, xchihex.

Josué 24:15

Teme ma lecuc yac awa'iyic te yac awac' abahic ta a'batinel yu'un Jehová, tsaha mach'a yac awac' abahic ta a'batinel yu'un: teme ha te diosetic te la yac' sbahic ta a'batinel yu'un te ame'atatic ta jehch te muc'ul-ha', o ha te diosetic yu'un te amorreohetic te banti nahinemexix ta sq'uinalique; pero te ho'on soc te mach'atic ay cu'un ya cac' jbahcotic ta a'batinel yu'un te Jehová, xchi te Josué.

1 Samuel 1:11

Hich jc'axel la yal ta jamal: Jehová te scuentahinej spisil, teme yac awilbe swocol te a'bat awu'un, teme yac ana'on soc teme ma ba ya xch'ay ta awo'tan te a'bat awu'un, teme yac awa'be jtuhl squerem-al te a'bat awu'une, jc'axel ya ca'be te Jehová te jayeb c'ahc'al cuxul, soc ma ba ya yich' set'el stsotsel sjol, xchi.

1 Samuel 16:2

La yal te Samuel: ¿Bin ut'il ya xbohon? Teme ya ya'iy te Saúl, ya smilon yu'un, xchi. La sjac' te Jehová: Ic'a bahel jcoht tut wacax, hich yac awal: Talemon ta ya'beyel milbil smahtan Jehová, xchihat.