2 Samuel 15:31 - Bible in Tzeltal Bachajón

³¹ Hich c'oht ta halbeyel te David: Te Ahitofel jun ay soc te mach'atic la shachic c'op soc te Absalón, xchihic. Ha yu'un la yal te David: ¡Jehová, jina te bin ya yal te Ahitofel! xchi.

Bible in Tzeltal de Oxchuc y Tenejapa

³¹ Te c'alal albot te David te ja' nix te Ahitofel te sjoy ta jach-c'op te Absalón, la yalbey wocol Cajwaltic yu'un te yacuc yac' ch'ayuc ta jich nax te bi ya yal te Ahitofel.

2 Samuel 15:31 ပူးပေါင်းရင်းမြစ်များ

2 Samuel 17:23

Te Ahitofel, c'alal la yil te ma ba la spasic te bin la yal, la schahpan sburro, baht ta sna ta slumal. C'alal laj yalbel mandar ta sna, la sjihpan sba, hich laj; la yich' muquel ta banti mucul te state.

2 Samuel 17:14

Ha yu'un te Absalón soc spisil Israel la yalic: Ha lec te bin la yal te Husai te arquita-winic, ha ma ba lec c'oht te bin la yal te Ahitofel, xchihic. Como te Jehová chapalix yu'un a te ya yich' howiytesel te bin la yal te Ahitofel scuenta yu'un ha ya xc'oht ta stojol Absalón te bin chopole.

Santiago 3:15

Te p'ijil-o'tanil ini ma ha'uc te talem te toyol, scuenta nax bahlumilal, scuenta nax ch'ich'-baq'uet, ha yu'un pucuj.

Salmos 41:9

Ha nix hich te mach'a c'ux ya ca'iy jba soc, te ha smuc'ul co'tan sc'oblal, te mach'a jun ya xwe'on soc, hahch scontrahinonix.

2 Samuel 16:23

Ta hich ora, te bin la yal te Ahitofel pajal c'ohem soc te ha yac ta c'op te Diose; hich ay spisil te bin la yal te Ahitofel ta stojol David soc ta stojol Absalón.

1 Corintios 1:20

¿Banti ay te mach'a p'ij? ¿Banti ay te escribano? ¿Banti ay te mach'a ya xtsalawan ta c'op ta bahlumilal? ¿Ma bal ha'uc te Dios la yac' ta howil c'op te sp'ijil mach'atic ayic ta bahlumilal?

Salmos 3:1

¡Jehová, c'ax bayel p'ohlemic te jcontratac! ha tsobolic te ya xhahch scontrahinonic.

Job 5:12

Ha ya sjimbe te bintic snopoj te mach'atic ya xlo'loywanic, scuenta yu'un mayuc bin ya xhu' yu'unic spasel a.

2 Samuel 15:12

Te c'alal yac ta aq'uel milbil mahtaniletic a te Absalón, la sticon ta iq'uel tal jtuhl jtojobteswanej yu'un David, Ahitofel te gilon-winic, talem ta Gilo. Hich behbe yich'bel yip te c'op ta scontrahinel te ajwalil, soc yac ta p'ohlel te mach'atic yac st'umbelic te Absalón.

San Juan 13:18

Ma apisilicuc te hich ya calbeyex ac'oblalic; jna'oj mach'atic te tsahbilix cu'un. Pero ya sc'an te hich ya xc'oht ta pasel te bin ts'ihbabil ta Shun Dios: Te mach'a pajal ya xwe'on soc, la spason ta jcontra, te xchihe.

Isaías 19:3

Ya xlaj yip yo'tanic te egipciohetic, ya jlajimbe te bin schapojique. Ha yu'un ya sjoc'obeyic te yahcananic soc te mach'atic ya sc'oponic ch'uhlelaletic, te jwoyawetic soc te jna'ojeletique.

Salmos 109:3

La sjoytayonic ta c'op yu'un il-o'tantayel, mayuc scuentahil te ya ya'bonic guerra.

Salmos 55:12

Te ha'uc jcontra te la slabanon, ya xcuhch cu'un te hichuque; soc te ha'uc mach'a ya sp'ajon te la scontrahinon, ya xhu' ya jnac' jba ta stojol te hichuque.

Isaías 44:25

te ya cac' te ma xc'oht ta pasel te señahiletic yu'un te lotil jalwanejetic; te ya cac' te sonso ya xc'oht te jna'ojeletic; ya cac' ya sut ta spatic te mach'atic ay sp'ijilic soc ya jsutp'in ta sonsohil te sp'ijil yo'tanique.

2 Samuel 17:5

La yal te Absalón: Ic'a tal te Husai te arquita-winic scuenta yu'un ya ca'iytic te bin ya yal, xchi.

2 Samuel 17:7

La sjac' te Husai: Ma ba lec te bin la yal yo'tic te Ahitofel, xchi.

Salmos 55:10

C'ahc'al ahc'abal ya sjoyintayic ta sba te sts'acule; ay mulil soc uts'inel ta yohlil te pueblo.