2 Samuel 15:30 - Bible in Tzeltal Bachajón

³⁰ Te David mo bahel ta Wits yu'un Olivohetic; yac ta oq'uel mohel a, smucoj sjol soc mayuc step. Ha nix hich spisil te pueblo te joquimbil yu'un, smucoj sjolic jujutuhl soc yacalic ta oq'uel mohel.

Bible in Tzeltal de Oxchuc y Tenejapa

³⁰ Te David mo bael ta Wits Olivailtic. T'axal yacan, ma'yuc step, yac ta oq'uel, soc smacoj sjol seña xc'uxul wocol. Spisil te mach'atic joinbil yu'une, smacoj sjolic uuc, soc yacalic ta oq'uel ta moel.

2 Samuel 15:30 ပူးပေါင်းရင်းမြစ်များ

2 Samuel 15:29

Ha yu'un te Sadoc soc Abiatar la yich'ic suhtel ta Jerusalén te scaxahul te chapbil-c'op yu'un Dios, tey hilic a.

2 Samuel 19:4

Te ajwalil smacoj sit, tulan yac ta aw: ¡Jnich'an, Absalón, Absalón, jnich'an, jnich'an! xchi.

2 Samuel 19:5

Ha yu'un te Joab baht ta na banti ay te ajwalil, hich la yalbe: Yo'tic awac'oj ta q'uexlal te a'batetic awu'un te la scoltaybatix acuxlejal soc te queremetic, ach'ixetic awu'un, te antsetic awu'un soc te yan antsetique.

Ester 6:12

Ta patil te Mardoqueo suht bahel ta yochibal sna te ajwalil, te Amán ora baht ta sna, yac ta mel-o'tan soc smacoj bahel sjol.

Salmos 42:3

Ha jwe'el c'ohem te ya'lel jsit jujun c'ahc'al, ahc'abal, te c'alal hich ya yalbonic spisil ora: ¿Banti ay te Dios awu'un? te xchihique.

Salmos 43:5

¿Bin yu'un ya xlaj awip, jch'uhlel, soc te ayat ta mel-o'tan? Ac'a smuc'ulin awo'tan te Diose, yu'un ya to calbe xan yutsil sc'oblal, te Jcoltaywanej soc te Dios cu'une.

Ezequiel 24:17

Ahcanajan ta muquen, ma me x'oc'at yu'un te mach'a chamene. Chuca spohtsil ajol, lapa atep, ma me xamac awelaw soc ma me xawe' te pan yu'un mel-o'tan, xchi.

Ezequiel 24:23

ay me ta ajolic te spohtsil ajolic soc alapoj atepic; ma ba yac amel awo'tanic soc ma ba ya x'oq'uex, pero ya xlajex ta scaj te achopolilic soc talel c'axel ya x'ahcanajex.

Zacarías 14:4

Ta hich ora ya stehc'an sba ta Wits yu'un Olivohetic, te snuhp'usitayej sba soc Jerusalén ta stojol banti ya xloc' tal c'ahc'al. Ya xtop' ta ohlil te Wits yu'un Olivohetic, ta stojol banti ya xloc' tal c'ahc'al c'alal ta stojol smahlib c'ahc'al, ha muc'ul spamlej ya xc'oht a. Te j'ohlil wits ya xbaht ta stojol norte, te j'ohlil xan ya xbaht ta stojol sur.

San Mateo 5:4

Bayel me yutsilic te mach'atic ya x'oq'uic, como ya xmuc'ubtesbot q'uinal ya'iyic.

San Lucas 19:29

C'alal nopol ya xc'oht ta Betfagé soc Betania, ta wits Olivohetic sbihil, la sticon bahel cheb jnopojeletic yu'un,

San Lucas 19:37

C'alal nopol ya xc'ohtix ta banti cohel bahel ta Wits yu'un Olivohetic, spisil te ipal jnopojeletic tse'el yo'tanic hahch yalbeyic yutsilal Dios ta tulan aw yu'un spisil te bintic jelawen yutsil pasbot yilique.

San Lucas 19:41

Te c'alal c'oht ta nopol Jerusalén soc te c'alal la yil, la yoq'uetay,

San Lucas 21:37

Jujun c'ahc'al la ya'iy p'ijubteswanej ta Templo te Jesús, ta ahc'abal loc' bahel, baht ta wayel ta Wits yu'un Olivohetic sbihil.

San Lucas 22:39

Loc' bahel te Jesús, baht ta Wits yu'un Olivohetic, hich bin ut'il c'ahyem ta spasel; soc t'unot bahel yu'un te jnopojeletic yu'un.

Hechos 1:12

Hich loq'uic bahel ta wits yu'un Olivohetic sbihil, suhtic ta Jerusalén, nopol yiloj sbahic, hich snamalil te bin ut'il ya xhu' ya xbehenic ta sc'ahc'alel cux-o'tan.

Romanos 12:15

Tse'eluc me awo'tanic soc te mach'atic tse'el yo'tanic; oc'anic me soc te mach'atic ya x'oq'uic.

1 Corintios 12:26

Teme ay swocol junuc, pajal ya ya'iybe swocol sc'uxul, soc teme ay junuc te ya x'ich'ot ta muc', spisilic tse'el yo'tanic yu'un.