2 Samuel 15:2 - Bible in Tzeltal Bachajón

² Te Absalón ya xhahch ta sab, ya yac' sba ta ti'be ta yochibal te pueblo. Mach'ahuc a te ay c'op yu'unic te ya xtal yac' sbahic ta chahpanel yu'un te ajwalil, ya yic'ticlan soc ya sjoc'obe: ¿Banti talemat? xchi. Hich ya sjaq'uic: Te a'bat awu'un talem ta jchahp yu'un Israel, xchi.

Bible in Tzeltal de Oxchuc y Tenejapa

² Buen sab ya xjajch', ya yac' sba ta ti'be ta yochibal te lume. Spisil te mach'atic ya xc'otic yu'un ya yac' sbaic ta chajbanel yu'un muc' ajwalil, ya yic' soc ya sjojc'obey banti lumil talem. Teme ay ya yalic te talemic ta jchajp sts'umbal Israel,

2 Samuel 15:2 ပူးပေါင်းရင်းမြစ်များ

Génesis 34:20

Ha yu'un te Hamor soc te Siquem talic ta yochibal te pueblo, la sc'oponic te slumalic, hich la yalbeyic:

2 Samuel 19:8

Ha yu'un hahch te ajwalil, la shuhcan sba ta yochibal te pueblo. C'alal halbot spisil te pueblo: Ha hucul ta yochibal te pueblo te ajwalil, te xchihe, hich tal spisil te pueblo ta stojol te ajwalil. Yan te israeletic, jujutuhl ahniquix bahel ta snahic a.

2 Crónicas 10:7

La yalic: Teme lec bin yac apasbe, teme lec bin yac awalbe, stalel ya yac' sbahic ta a'batinel awu'un, xchihic.

Job 24:14

Te jmilawal buen sab ya xhahch ta milaw, ya smil te pobre soc te mach'a mayuc bin ay yu'un, soc hich ya xc'oht te bin ut'il j'elec' ta ahc'abal.

Éxodo 18:14

C'alal la yil te snihal-mamal Moisés spisil te bin yac ta spasbeyel te pueblo, hich la yal: ¿Bin a te yacat ta spasel soc te pueblo? ¿Bin yu'un te atuquel huculat ta schahpanel, soc spisil te pueblo tec'ajtic ta atojol ta sab c'alal ta tibiltic? xchi.

Éxodo 18:16

Te c'alal ay c'opetic yu'unic, ya xtalic ta jtojol; ya jchahpan ta schebalic soc ya calbe ya'iyic te bin ya yal te mandariletic yu'un te Diose, xchi.

Éxodo 18:26

Ha'ic la ya'iyic chahpanwanej ta spisil ora te banti ma ba tulan sc'oblal. Yan te banti chuhcul te c'op, la yich'ic tal ta stojol Moisés.

Proverbios 4:16

Como ma xwayic ha to teme la spasic te bin chopole; ma ba ya xtal swayelic teme mayuc mach'a la syahltesic.

Daniel 11:21

Ya xchicnaj sjelol jtuhl winic te p'ajbil, te ma ba ac'ot ta ich'el ta muc' hich te bin ut'il ya sc'an ajwalil. Repente nax ya xtal soc ya yich' ya'tel ta ajwalil ta scuenta lo'loywanej.

San Mateo 27:1

C'alal sacub q'uinal, spisil te principal sacerdotehetic soc te mamaletic yu'un te pueblo la schapbeyic sc'oblal te Jesús yu'un ya yaq'uic ta lajel.

Deuteronomio 17:8

Teme ay bin chuhcul ta chahpanel yac awa'iy, teme milaw, pleito, ehchenteswanej, chican biluc c'opil ay ta pueblohetic awu'un, ya me xbahat ta lugar te banti stsahoj te Jehová te Dios awu'une.

Rut 4:1

Patil, te Booz baht ta yochibal te pueblo, la shuhcan sba tey a. Ha yorahil te c'ax tey a te winic te ma yanuc parte yu'un te Rut, te halbot sc'oblal yu'un Booz. Hich la yalbe: A'iya awa'iy, la', huhcana aba, xchi. Hich tal shuhcan sba te winique.