2 Samuel 15:12 - Bible in Tzeltal Bachajón

¹² Te c'alal yac ta aq'uel milbil mahtaniletic a te Absalón, la sticon ta iq'uel tal jtuhl jtojobteswanej yu'un David, Ahitofel te gilon-winic, talem ta Gilo. Hich behbe yich'bel yip te c'op ta scontrahinel te ajwalil, soc yac ta p'ohlel te mach'atic yac st'umbelic te Absalón.

Bible in Tzeltal de Oxchuc y Tenejapa

¹² Soc ja' nix jich la sticun ta iq'uel jtul jtojteswanej yu'un David, Ahitofel sbiil, te nainem ta Gilo, swenta yu'un ya me xjoinot yu'un te c'alal yac ta yaq'uel a te milbil smajt'an Diose. Ja' yu'un bebe yich'bel yip sc'op, soc yac xan ta esmajel te mach'atic ya st'unic te Absalón.

2 Samuel 15:12 ပူးပေါင်းရင်းမြစ်များ

2 Samuel 15:31

Hich c'oht ta halbeyel te David: Te Ahitofel jun ay soc te mach'atic la shachic c'op soc te Absalón, xchihic. Ha yu'un la yal te David: ¡Jehová, jina te bin ya yal te Ahitofel! xchi.

2 Samuel 16:15

Hich ora te Absalón soc spisil te winiquetic yu'un Israel ochic ta Jerusalén soc Ahitofel.

2 Samuel 17:14

Ha yu'un te Absalón soc spisil Israel la yalic: Ha lec te bin la yal te Husai te arquita-winic, ha ma ba lec c'oht te bin la yal te Ahitofel, xchihic. Como te Jehová chapalix yu'un a te ya yich' howiytesel te bin la yal te Ahitofel scuenta yu'un ha ya xc'oht ta stojol Absalón te bin chopole.

2 Samuel 17:23

Te Ahitofel, c'alal la yil te ma ba la spasic te bin la yal, la schahpan sburro, baht ta sna ta slumal. C'alal laj yalbel mandar ta sna, la sjihpan sba, hich laj; la yich' muquel ta banti mucul te state.

2 Samuel 23:34

Elifelet snich'an Ahasbai, snich'an Maaca; Eliam snich'an Ahitofel, te talem ta Gilo;

1 Reyes 21:12

La yalic te ya me yich' comel we'elil, la shuhcanic te Nabot ta stojol te pueblo.

1 Reyes 21:9

Hich la yal te cartahetic te la sts'ihbay: Halahic te ya me yich' comel we'elil, soc huhcanahic te Nabot ta stojol te pueblo.

1 Crónicas 27:33

Ha nix hich te Ahitofel, ha j'ac'-o'tanil yu'un te ajwalil; soc te Husai te arquita-winic, ha te mach'a jun yo'tan sba soc te ajwalil.

Salmos 41:10

Pero ha'at Jehová, c'uxultayawon, hachawon yu'un ya ca'be spacol.

Salmos 41:9

Ha nix hich te mach'a c'ux ya ca'iy jba soc, te ha smuc'ul co'tan sc'oblal, te mach'a jun ya xwe'on soc, hahch scontrahinonix.

Proverbios 15:8

Te Jehová ya yihlay te chic'bil mahtanil ya yaq'uic te mach'atic chopol yo'tanic, pero lec yo'tan yu'un te mach'atic toj yo'tanique.

Proverbios 21:27

Ihlaybil te milbil mahtanil ya yac' te mach'atic chopolic, c'ax to xan hich a teme chopol bin snopoj ta yo'tan a te ya yaq'ue.

Jeremías 6:20

¿Bin stuc cu'un te pom yu'un Sabá o te chi'il jalal te ya xtal ta namal q'uinal? Ma ba ya jtsac te scohtol chic'bil mahtaniletic awu'unic, soc ma lecuc co'tan yu'un te chic'bil mahtaniletic awu'unic, xchi te Jehová.

Números 23:1

Te Balaam la yalbe te Balac: Pasbon huqueb scajtajib ta chiq'uel mahtaniletic li'i, soc chahpambon huqueb jcolel torohetic soc huqueb tat tuminchijetic, xchi.

Números 23:14

Hich la yic' bahel ta spamlej yu'un Zofim, ta ba wits Pisga, soc la spasbe huqueb scajtajib ta chiq'uel mahtanil, soc la yac' jcoht jcolel toro soc jcoht tat tuminchij ta jujun scajtajib.

Números 23:30

Te Balac hich la spas te bin la yal te Balaam. Ta jujun scajtajib la yac' jujucoht jcolel toro soc jujucoht tat tuminchij.

San Juan 13:18

Ma apisilicuc te hich ya calbeyex ac'oblalic; jna'oj mach'atic te tsahbilix cu'un. Pero ya sc'an te hich ya xc'oht ta pasel te bin ts'ihbabil ta Shun Dios: Te mach'a pajal ya xwe'on soc, la spason ta jcontra, te xchihe.

Tito 1:16

Ya sna'beyic sba Dios ta sc'opic, pero chican ta ya'telic te ma hichuc, te bin ut'il ihlaybilic, jc'axun-c'opetic, soc ma sna'ic spasel lequil a'telil.

Josué 15:51

Gosén, Holón soc Gilo; bulucheb (11) pueblohetic soc te tut pueblohetic yu'unique.