2 Samuel 15:10 - Bible in Tzeltal Bachajón

¹⁰ Pero te Absalón la sticon bahel winiquetic ta stojol spisil ta chahp yu'un Israel, hich la yal: Te c'alal yac awa'iyic ya x'oc' te xulubil hich me yac awalic: Ochix ta ajwalil ta Hebrón te Absalón, xchihex me.

Bible in Tzeltal de Oxchuc y Tenejapa

¹⁰ Pero jich ora la sticun ta alel ta muquen ta stojol spisil ta chajp sts'umbal Israel te ya me yalic te ochix ta muc' ajwalil ta Hebrón te Absalón, te c'alal ya yaiyic ya x'oc' te xulubil.

2 Samuel 15:10 ပူးပေါင်းရင်းမြစ်များ

2 Samuel 13:28

Te Absalón hich la yalbe te a'batetic yu'un: Ya me awilic ta lec te Amnón te c'alal yacubenix yu'un vino a. Te c'alal hich ya cal: Milahic te Amnón, teme xchihone, ya me amilic. Ma me xiwex, como ho'on jmandar. Ac'a fuersa, ayuc me yip awo'tanic ta spasel, xchi.

2 Samuel 14:30

Ha yu'un te Absalón hich la yalbe te a'batetic yu'un: Ilawilic, te sq'uinal Joab slac'oj sba soc te cu'une, ay sts'unoj cebada tey a. Bahan, tsumbeyahic sc'ahc'al, xchi. Hich te a'batetic yu'un Absalón, baht ya'beyic sc'ahc'al te q'uinale.

2 Samuel 15:9

Junuc me awo'tan ya xbahat, xchi sc'oblal yu'un te ajwalil. Hich baht ta Hebrón te Absalón.

2 Samuel 19:10

Te Absalón, te la jcotsestic ta ajwalil cu'untic, lajix ta guerra. ¿Bin yu'un te ma xc'opojex yu'un te yacuc suht xan tal te ajwalil? xchihic.

2 Samuel 2:1

Patil te David la sjoc'obe te Jehová: ¿Ya bal xhu' ya xmohon bahel ta junuc pueblo ta sq'uinal Judá? xchi. La yal te Jehová: Mohan bahel, xchi. ¿Banti ya xbohon? xchi te David. La sjac' te Jehová: Ta Hebrón, xchi sc'oblal.

2 Samuel 2:11

Te jayeb ha'bil te ay ta ajwalil yu'un Judá ta Hebrón te David, ha huqueb ha'bil soc waqueb u.

2 Samuel 5:5

Huqueb ha'bil soc waqueb u ay ta ajwalil yu'un Judá ta Hebrón. Ta Jerusalén ay ta ajwalil yu'un spisil Israel soc Judá oxlajuneb scha'winic (33) ha'bil.

1 Reyes 1:11

Ha yu'un te Natán hich la yalbe te Betsabé te snan te Salomón: ¿Awa'iyej bal te Adonías yal Haguit la yotsesix sba ta ajwalil, te ma ba sna'oj te David te ajwalil cu'untic?

1 Reyes 1:34

Tey me ya xmalbot aceite yu'un a te sacerdote Sadoc soc te jalwanej Natán scuenta ajwalil yu'un Israel. Oq'uesinahic xulubil soc awonanic: ¡Viva ajwalil Salomón! xchihanic me ta aw.

2 Reyes 9:13

Ora la scholic te smehyil paq'uic ta tuhlultuhl, la slimbeyic ta sba te cajalcaj mohel ta banti ay te Jehú, la yoq'uesinic xulubil soc awonic: ¡Ha ajwalil te Jehú! xchihic ta aw.

1 Crónicas 11:3

Tal spisil te mamaletic yu'un Israel ta stojol te ajwalil ta Hebrón; te David la schap sc'op soc te mamaletic ta stojol Jehová. Hich la smalic ta aceite te David scuenta ajwalil yu'un Israel, hich te bin ut'il yaloj Jehová ta scuenta Samuel.

1 Crónicas 12:23

Ha'ic ini te soldadohetic te chapalic yu'un yaq'uel guerra, te talic ta stojol David ta Hebrón yu'un ya sc'asesbeyic te ya'tel ta ajwalil te Saúl ta stojol David, hich te bin ut'il yaloj te Jehová.

1 Crónicas 12:38

Spisil ha'i winiquetic yu'un guerra ini chapalic ta yaq'uel guerra, jun yo'tanic talic ta Hebrón yu'un ya yotsesic ta ajwalil te David ta stojol Israel. Ha nix hich spisil Israel, jun yo'tanic ya yotsesic ta ajwalil te David.