2 Samuel 14:7 - Bible in Tzeltal Bachajón

⁷ Yo'tic spisil te mach'atic ay cu'un ma lecuc yo'tanic ta jtojol yu'un, hich ya yalic: Ac'a ta c'abal te mach'a la smil te yermano scuenta yu'un ya cac'cotic ta lajel yu'un te la smil te yermanohe. Hich ya jmilcotic te mach'a hilem te ya yich' te bin ay yu'un te state, xchihic. Hich ya stup'bonic te ac'al te hil cu'une. Hich ya stup'beyic ta bahlumilal te sbihil soc sts'umbal te jmamalal, xchi.

Bible in Tzeltal de Oxchuc y Tenejapa

⁷ Yo'tic spisil te jpat-jxujq'ue ma lecuc yo'tanic ta jtojol, ya sc'anic te ya cac'bey ta sc'abic te mach'a la smil te yermano. Yu'un laj ya sujt'esbey spacol te xch'ich'el te mach'a laj ta milele. Jich ya smilic te jtul xan mach'a ay ta swenta yich'el jilel te bi ay yu'un te state. Jich ya stup'bonic te jun xan ac'al c'oem te jil cu'une. Jich ya stup'beyic sts'umbal soc sbiil ta balumilal te jmamlale —xi' te antse.

2 Samuel 14:7 ပူးပေါင်းရင်းမြစ်များ

Génesis 27:45

Te c'alal lajix a te yilimba te abanquil ta atojol soc te ch'ayix ta yo'tan te bin la apasbe, ya jticonat ta iq'uel tal. ¿Bistuc ya xch'ayex cu'un achebalic ta junax c'ahc'al? xchi.

Génesis 4:14

Yo'tic yac atenonix loq'uel ta q'uinal, ya xloc'onix ta atojol, jbehyemon soc jyanlumon ya xc'ohon ta q'uinal, soc mach'ayuc a te ya stahon ya me smilon, xchi.

2 Samuel 12:17

Te mamaletic te ayic ta sna, baht yalbeyic wocol te yacuc xhahch te wayal ta lum, pero ma ba la sc'an hahch soc ma ba la sjoquinic ta we'el.

2 Samuel 14:6

Ay cheb yalatac te awa'bate, ta schebalic la smaj sbahic ta aquiltic. Pero mayuc mach'a jatotic yu'un, te jtuhle la yehchentes te yane, jc'axel la smil.

2 Samuel 14:8

Ha yu'un te ajwalil hich la yalbe te ants: Bahan ta ana, ya me cal mandar te ya yich' chahpanel, xchi sc'oblal.

Números 35:19

Te mach'a ya sutbe spacol te ch'ich' malbil, ha ya smil te jmilaw; te c'alal ya sta, ya me smil.

San Mateo 21:38

Pero te j'a'teletic c'alal la yilbeyic te snich'an, hich la yalbe sbahic: Ha ini te ya xbaht yich' te q'uinale. La'ic, jmiltic, hich ya quich'betic te sq'uinale, xchihic.

Deuteronomio 25:6

Te sba-al te ants, teme querem, ha sjelol ya xc'oht te yermano chame, scuenta yu'un hich ma xch'ay sbihil ta Israel a.