2 Samuel 14:4 - Bible in Tzeltal Bachajón

⁴ Hich te ants te talem ta Tecoa baht ta stojol te ajwalil. La spahcan sba ta lum ta yich'el ta muc', hich la yalbe: Coltayawon, ajwalil, xchi.

Bible in Tzeltal de Oxchuc y Tenejapa

⁴ te ants talem ta Tecoa bajt' ta stojol te muc' ajwalile. La stinan sba coel c'alal ta lum, la yac'bey sta lum te sti'ba swenta seña yich'el ta muc', jich la yalbey: —Wocoluc, muc' ajwalil, coltayawon —xi' c'oel.

2 Samuel 14:4 ပူးပေါင်းရင်းမြစ်များ

2 Samuel 1:2

ta yoxebal c'ahc'al c'oht jtuhl winic te hahch tal ta campamento yu'un Saúl, ch'i'emtic sc'u' spac' soc ya'tinej ts'u'lum sjol a. C'alal c'oht ta stojol David, la spahcan sba ta lum scuenta yich'el ta muc' te David.

2 Samuel 14:22

Te Joab la squejan sba ta lum, la yich' ta muc', soc la ya'be bendición, hich la yal: Yo'tic c'ohtix ta yo'tan te a'bat awu'un te lecon ta asit, cajwal, como la spasix te ajwalil te bin c'ambot yu'un te ya'bate, xchi.

2 Samuel 14:5

¿Bin la apas? xchi sc'oblal yu'un te ajwalile. La sjac': Hilemon ta me'ba' ants, chamix jmamalal.

2 Samuel 18:28

Te Ahimaas la yawtay te ajwalil: Lamal me q'uinal, xchi. La squejan sba ta lum ta stojol te ajwalil soc hich la yalbe: Bayel me yutsil te Jehová te Dios awu'un, la yaq'uix ta c'abal te winiquetic te la shach sc'abic ta stojol te ajwalil cu'uncotic, xchi.

1 Samuel 20:41

Te c'alal bahtix a te quereme, loc' tal te David ta sts'ehl te ton, oxeb buelta la spahcan sba c'alal ta lum ta stojol; la yuhts'uy sbahic soc la yoq'uetay sbahic, ha tulan xan oc' a te David.

1 Samuel 25:23

Te Abigail c'alal la yil te David, ora co ta sburro, la spahcan sba c'alal ta lum ta stojol te David.