2 Samuel 14:30 - Bible in Tzeltal Bachajón

³⁰ Ha yu'un te Absalón hich la yalbe te a'batetic yu'un: Ilawilic, te sq'uinal Joab slac'oj sba soc te cu'une, ay sts'unoj cebada tey a. Bahan, tsumbeyahic sc'ahc'al, xchi. Hich te a'batetic yu'un Absalón, baht ya'beyic sc'ahc'al te q'uinale.

Bible in Tzeltal de Oxchuc y Tenejapa

³⁰ Ja' yu'un te Absalón la spas ta mandal te abatetic yu'une: —Ila awilic, te sq'uinal Joab slac'oj sba soc te cu'une, sts'unojbey cebada. Baanic, tsumbeyaic sc'aal —la yut. Te abatetic yu'un Absalón, bajt'ic, la stsumbeyic sc'aal te sq'uinal Joab.

2 Samuel 14:30 ပူးပေါင်းရင်းမြစ်များ

2 Samuel 14:29

Te Absalón la sticon ta iq'uel tal te Joab yu'un ya sticon bahel ta stojol te ajwalil, pero te Joab ma ba la sc'an tal. La sticon ta halbeyel schebal buelta, pero ma ba la sc'an tal.

2 Samuel 14:31

Te Joab ora baht ta sna te Absalón, hich la sjoc'obe: ¿Bin yu'un la ya'beyic sc'ahc'al te jq'uinal te a'batetic awu'une? xchi.

2 Samuel 18:14

La sjac' te Joab: Ma ba ya jc'ases tiempo cu'un ta atojol a, xchi. Hich te Joab la stsac oxeb te' te ay sni'il, la slowticlambe yo'tan a te Absalón, te cuxul to jipil ta jihte'.

2 Reyes 9:33

La yal te Jehú: ¡Ch'ojahic cohel tal te antse! xchi. Hich la sch'ojic cohel, ay ts'iht sch'ich'el ta pahc' soc ta cawuhetic te la sts'o'ts'o'tec' te Jezabel.

Jueces 15:3

Ha yu'un hich la sjac' te Sansón: Ma jmuluc ya xc'oht te bin ma lecuc ya jpasbe ta ora ini te filisteohetic, xchi.