2 Samuel 14:2 - Bible in Tzeltal Bachajón

² Ha yu'un la sticon ta iq'uel tal jtuhl p'ijil ants ta Tecoa, hich la yalbe: Ya calbat wocol te yacuc ap'is aba te ayat ta mel-o'tan, lapa c'u'ul scuenta mel-o'tan, ma me xawa'be aba perfume, ya sc'an te hich yac awac' aba te bin ut'il ants te ayix bayel c'ahc'al ay ta mel-o'tan ta scuenta te ay mach'a cham yu'une.

Bible in Tzeltal de Oxchuc y Tenejapa

² Ja' yu'un la sticun ta iq'uel tel jtul ants nainem ta Tecoa te mero ay sp'ijil yo'tan, jich la yalbey: —Pasa aba te ayat ta mel-o'tan, lapa c'u'il swenta mel-o'tan, ma me xawac'bey aba perfume. Melel ya me sc'an te jich ya awac' aba te bit'il ants te ayix bayal c'aal te ay ta mel-o'tan ta swenta te ay mach'a lajem yu'une.

2 Samuel 14:2 ပူးပေါင်းရင်းမြစ်များ

Génesis 38:19

Patil loc' bahel te Tamar, la sloq'ues te pac' smucoj sit a, la scha'lap xan te sc'u' slapoj scuenta me'ba' ants.

2 Samuel 11:26

C'alal la ya'iy te yihnam Urías te lajix te smamalal, la yoq'uetay.

2 Samuel 12:20

Hich te David hahch ta lum, atin, la ya'be sba perfume, la sjeltay sc'u' spac', och bahel ta sna te Jehová soc la sch'uhuntay. Patil baht ta sna, la sc'an swe'el, hich we'.

2 Samuel 20:16

Ay jtuhl ants te ay sp'ijil, hahch ta aw ta pueblo, hich la yal: ¡A'iya awa'iyic! ¡A'iya awa'iyic! Awocoluc, halbeyahic te Joab te ac'a taluc yu'un ya xc'opojon soc, xchi.

2 Samuel 23:26

Heles te paltita-winic; Ira snich'an Iques, te talem ta Tecoa;

1 Reyes 14:2

Te Jeroboam hich la yalbe te yihnam: Bahan, lapa yan c'u'ul te ma xna'ot aba yu'un, scuenta yu'un hich ma ba ya xna'ot a te ha'at yihnamat Jeroboam, bahan ta Silo; como tey ay a te jalwanej Ahías te la yalbon te ho'on ya x'ochon ta ajwalil yu'un te nación.

1 Reyes 14:5

Pero halbot yu'un Jehová te Ahías: Ya xtal te yihnam Jeroboam ta sjoc'oyel te bin ya xc'oht ta stojol te yal te ay ta chamel. Ya calbat te bin yac awalbe. Te c'alal ya xtal, scuyoj sba ta yan ants, xchi.

2 Crónicas 11:6

ha te Belén, Etam, Tecoa,

2 Crónicas 20:20

C'alal hahchic ta sab, bahtic ta jochol taquin q'uinal Tecoa. Te c'alal yaquic ta bahel a, te Josafat la stehc'an sba, hich la yal: A'iybon awa'iyic jc'op, Judá soc mach'atic nahinemic ta Jerusalén. Ayuc me sch'uhunel awo'tanic ta stojol Jehová te Dios awu'unic, hich mayuc bin ya xc'oht ta acuentahic a; ch'uhunahic te bin ya yal te jalwanejetic yu'un, hich lec ya xc'ohex yu'un, xchi.

Nehemías 3:27

Ta sts'ehl tey ay a te mach'atic talemic ta Tecoa, la scha'pasic jmahc' xan ta stojol te ilo-q'uinal ha to c'alal ta sts'ahcul Ofel.

Nehemías 3:5

Tey nix ta sts'ehl a'tejic te mach'atic yu'un Tecoa, pero te mach'atic ich'bilic ta muc' yu'unic ma ba la scoltayic ta a'tel te jcuentahinej a'tel yu'unique.

Salmos 104:15

soc te vino te ya yac' stse'ejin yo'tan, te aceite te ya yac' te xch'ulet yelaw yu'un, soc te pan te ya xcuxaj ants-winiquetic yu'un.

Eclesiastés 9:8

Spisiluc me ora sac ac'u' apac' yac alap, soc spisiluc me ora ayuc perfume ta ajol.

Jeremías 6:1

¡Ahnanic bahel, sts'umbalex Benjamín, ahnanic loq'uel ta Jerusalén! ¡Oq'uesinahic corneta ta Tecoa, toyahic mohel señahil ta Bet-haquerem! como ay bin chopol ya xtal ta stojol norte, ya xtal muc'ul jinel.

Amós 1:1

Ha sc'op Amós, jtuhl jcanan-tuminchij ta Tecoa, te la yalbe sc'oblal te Israel ta yorahil Uzías ajwalil yu'un Judá, soc te Jeroboam snich'an Joás, ajwalil yu'un Israel, cheb ha'bil ma to xtal nihquel a.

San Mateo 6:17

Yan te ha'ate, te c'alal yac acom awe'el, poca asit soc tesa ajol,

Rut 3:3

Ha yu'un atinan, soc atina perfume, lapa te lec ac'u' apac', bahan ta swuyojibal spat cebada; pero ma me xawac' yilat te winic ha to c'alal lajix yo'tan ta we'el uch'el a.