2 Samuel 14:16 - Bible in Tzeltal Bachajón

¹⁶ Te ajwalil ya wan yich' ta cuenta, ya wan scoltay loq'uel te ya'bat ta sc'ab te winic te ya sc'an ya slajinon soc te cal tey ta q'uinal te a'bot yu'un Dios.

Bible in Tzeltal de Oxchuc y Tenejapa

¹⁶ Teme ya awich'bon ta wenta te jc'ope, ya me xju' ya xcolon loq'uel ta sc'ab te mach'a ya sc'an sbulon loq'uel soc te cal, tey ta lumq'uinal te ja' yu'un te Diose.

2 Samuel 14:16 ပူးပေါင်းရင်းမြစ်များ

2 Samuel 14:15

Te bin ut'il talonix ta yalbeyel ini te ajwalil cu'un, ha ta scaj te la xiwteson te pueblo. Hich la yal te a'bat awu'un: Ya jc'opon te ajwalil, ya wan spas te bin ya xhalbot yu'un te a'bat yu'une.

2 Samuel 20:19

Ho'on lamal co'tan soc jun co'tan ta Israel. Ha'at c'an alajinix jun pueblo te ha nanil ta Israel. ¿Bin yu'un te yac alajin te bintic ay yu'un Jehová? xchi.

Salmos 72:12

Ya me scoltay te pobre te ya x'awon soc te mach'a ay swocol te mayuc mach'a ya xcoltayot yu'une.

Proverbios 16:10

Te ajwalil ya yal te bin ya xhalbot yu'un Dios, ma xhowiy ta c'op ta schahpanel.

Deuteronomio 32:9

Como te bin ay yu'un Jehová, ha te pueblo yu'un, ha te Jacob, te ha yu'un c'oht.

1 Samuel 26:19

Awocoluc, cajwal, a'iybeya sc'op te a'bat awu'une. Teme ha te Jehová te la yac' te yac acontrahinon, ac'a stsac te mahtanile; yan teme ha winiquetic, jc'axel me bohlobenuc sc'oblalic ta stojol Jehová, como la stenoniquix loq'uel scuenta yu'un ma ba ya xc'ohtix ta jcuenta te bin ya ya'botic te Jehová, hich ya yalbonic: Bahan, ac'a aba ta a'batinel ta stojol yantic diosetic, xchihic.