2 Samuel 14:12 - Bible in Tzeltal Bachajón

¹² La yal xan te antse: Awocoluc, ac'a xan ta c'op te a'bat awu'un ta stojol te ajwalil cu'un, xchi. C'opojan, xchi te ajwalil.

Bible in Tzeltal de Oxchuc y Tenejapa

¹² Pero te ants cha'c'opoj xan: —Ac'awon xan ta c'op te jo'on te abaton awu'une, jp'aluc xanix, teme ya awac'bon permisoe —xi'. —C'opojan —xi' te muc' ajwalile.

2 Samuel 14:12 ပူးပေါင်းရင်းမြစ်များ

Génesis 18:27

La sjac' xan te Abraham: Hahchemonix ta c'op soc te Cajwal, aunque ts'ubilumon soc tanon.

Génesis 18:32

La yalbe xan: Ma me x'ilinat, Cajwal, teme ya jc'oponat jun xan buelta: ¿Ha xan teme ay lajuntuhl (10) tey a? xchi. Halbot yu'un: Ma ba ya jlajin ta scaj te lajuntuhl (10), xchi te Jehová.

Génesis 44:18

Ha yu'un te Judá nohpoj tal ta stojol, hich la yalbe: Ay, cajwal, awocoluc, ac'a sc'oponat ta achiquin te a'bat awu'un, ma me xawilintay te awa'bate, como te ha'ate pajal c'ohemat soc faraón.

2 Samuel 14:11

Ha yu'un la yal te ants: Awocoluc, ajwalil, c'opona te Jehová te Dios awu'un te manchuc ya ya'bon xan jwocol te mach'a c'an ya'be spacol te ch'ich', te manchuc ya smilbonic te jtuhl xan cale, xchi. La yal te ajwalil: ¡Yiloj Jehová! ma me xch'ay cohel ta lum jlihcuc stsotsel sjol te awale, xchi.

2 Samuel 14:13

Hich la sjac' te antse: ¿Bin yu'un anopoj te hich nix yac apas ta scontrahinel te pueblo yu'un Dios? Como te bin ut'il hich ya yal te ajwalil, ha nix ya yal sba te ay smul, te bin ut'il ma ba ya yiq'uix suhtel tal te mach'a stenoj loq'uel.

2 Samuel 20:17

Te c'alal nohpoj bahel te Joab ta stojol te ants, hich la yalbe: ¿Ha'at bal te Joab? xchi. Ho'on, xchi. A'iybeya awa'iy sc'op te awa'bat, xchi te antse. Ya me ca'iy, xchi te Joab.

1 Reyes 2:14

Soc la yal xan: Ay bin ya calbat, xchi. Halbon ca'iy, xchi te Betsabé.

Jeremías 12:1

Toj te bin yac apas, Jehová, te c'alal ya calbat te bin ut'il ayon. Pero ay bin ya joc'obat: ¿Bin yu'un te lec ya xc'oht ta loq'uel te mach'atic chopolic, soc te lec ayic te j'ac'awetic ta c'abal?

Hechos 26:1

Te Agripa la yalbe te Pablo: Ya xhu' te ha'at nix ya xc'opojat ta acuenta, xchi. Ha yu'un te Pablo la shach sc'ab, hich hahch scoltay sba ta c'op:

1 Samuel 25:24

La spahcan sba ta ye'tal yoc, hich la yal: Cajwal, ho'on ac'a c'ohtuc ta jcuenta te mulile. Awocoluc, ac'a sc'oponat te a'bat awu'un, a'iybeya awa'iy te sc'op te ya yalbate.