2 Samuel 13:29 - Bible in Tzeltal Bachajón

²⁹ Te a'batetic yu'un Absalón hich nix la spasic te bin ut'il halbotic yu'un te Absalón. Ha yu'un spisil te snich'nab te ajwalil mo ta smulahic, bahtic ta ahnel.

Bible in Tzeltal de Oxchuc y Tenejapa

²⁹ Ja' yu'un jich c'ot ta pasel te smandal te Absalón. Te abatetic yu'un la smilic te Amnón. Ja' yu'un spisil te snich'nab te muc' ajwalil, mo ta smulaic soc bajt'ic ta anel.

2 Samuel 13:29 ပူးပေါင်းရင်းမြစ်များ

Génesis 36:24

Te snich'nab Zibeón: ha Aja soc Aná. Te Aná ha te la sta banti ya xloc' tal ha'etic ta jochol taquin q'uinal te c'alal yac scanantaybel burrohetic yu'un te stat, ha te Zibeón.

2 Samuel 12:10

Ha yu'un mayuc bin ora ya yihquitayat te espada ta ana, como la ap'ajon soc la awic' awihnamin te yihnam Urías te heteo-winique.

2 Samuel 13:30

C'alal ayic to ta behel a, hul ta halbeyel te David: Milot yu'un Absalón spisil te snich'nab ajwalil, mayuc cuxul hilel jtuhluc, xchi.

2 Samuel 14:6

Ay cheb yalatac te awa'bate, ta schebalic la smaj sbahic ta aquiltic. Pero mayuc mach'a jatotic yu'un, te jtuhle la yehchentes te yane, jc'axel la smil.

2 Samuel 18:9

Te Absalón tahot yu'un te winiquetic yu'un David, cajal ta smacho a. Te smacho och bahel ta banti c'ab-te'etic ta muc'ul jihte', ipaj hilel sjol ta c'ab-te'etic, jipil hilel te Absalón ta toyol, baht stuquel te smacho.

1 Reyes 1:33

hich halbotic yu'un: Ic'a ajoquinic te a'batetic yu'un te ajwalil awu'unic, mohtesahic ta jmula te jnich'an Salomón, ic'ahic bahel ta Gihón.

1 Reyes 1:38

Ha yu'un te sacerdote Sadoc, te jalwanej Natán, Benaía snich'an Joiada, te cereteohetic soc te peleteohetic, cohic bahel soc la smohtesic te Salomón ta smula te ajwalil David, la yiq'uic bahel ta Gihón.

Proverbios 29:12

Teme ay ajwalil te ya yich' ta cuenta te lotil-c'op, ha nix hich chopol yo'tanic spisil te j'a'teletic yu'une.

Levítico 19:19

Ya me apas te bintic chapal cu'une. Te chambahlametic awu'un ma xawa'be scuch sba soc yantic chambahlametic te yan sts'umbale. Ma xacap soc yan awalil te awawal ta aq'uinal. Ma xalap c'u'ul te capal snahul jalbil a.

Miqueas 7:3

Scuenta ts'acal ya spas te bin chopol, te príncipal ay bin ya xc'ambot yu'un, te juez ya sc'an smahtan ta chahpanwanej; te mach'a muc' sc'oblal ya yal chican bin ya sc'an yo'tan, pajal ya yaq'uic c'ohtuc ta pasel.