2 Samuel 13:22 - Bible in Tzeltal Bachajón

²² Pero te Absalón mayuc bin lec o mayuc bin chopol la yalbe te Amnón, aunque la yihlay te Amnón yu'un te la stsac te Tamar te yihts'ine.

Bible in Tzeltal de Oxchuc y Tenejapa

²² Jich nix te Absalón ma'yuc bi la yalbey te Amnón, manchuc me xcupet slab yo'tan yu'un te la sjinbey sc'oplal te yijts'in Tamar.

2 Samuel 13:22 ပူးပေါင်းရင်းမြစ်များ

Génesis 24:50

La sjaq'uic te Labán soc te Betuel: Yu'un Jehová ini; ma xhu' ya calbatcotic teme lec o ma lecuque.

Génesis 31:24

Ta ahc'abal c'oponot yu'un Dios ta swayich te Labán te arameo-winic, hich halbot yu'un: Tsahtaya me aba, ma me ayuc bin chopol yac awalbe te Jacob, xchi sc'oblal.

Génesis 31:29

Ay quip yu'un ya ca'bat awocol; pero te Dios yu'un te atat la sc'oponon ahc'abe, hich la yalbon: Tsahtaya me aba, ma me ayuc bin chopol yac awalbe te Jacob, xchi.

2 Samuel 13:21

Te c'alal la ya'iy spisil te bin c'ohem ta pasel te ajwalil David, bayel ilin yu'un.

Proverbios 10:18

Te mach'a ya smuc te il-o'tantaywanej, ya ya'iy lot, soc te mach'a ya spuc ta halel labanel, ma sna' q'uinal.

Proverbios 25:9

Chahpana te c'op soc te apat-axuhc, ma me xawalbe yan te bin muquen ay,

Proverbios 26:24

Te mach'a ya x'il-o'tantaywan, ma xyac' sba ta na'el ta sc'op, pero ay ta yo'tan lo'loywanej.

Proverbios 26:26

Aunque smucoj ta sc'op te il-o'tantaywanej, ya xchicnaj ta tsoblej te bin chopol ay ta yo'tan.

Eclesiastés 7:9

Ma me orahuc ya x'ilinat, como te ilimba ay ta yo'tan te mach'a ma sna' q'uinal.

San Mateo 18:15

Ha yu'un teme ay la sta smul ta atojol te awermano, bahan, a'beya sna' te smul ta stuquel. Teme lec la ya'iybat te ac'ope, lec ayat soc a te awermanohe.

Efesios 4:26

Teme ya x'ilinex, ma me xata amulic yu'un; ma me yaleluc stibiltayel yaquex ta ilimba,

Efesios 4:31

Jc'axel hiluc awu'unic spisil lablab-o'tantaywanej, c'ahc'ubel, ilimba, utaw, ixta'c'op, soc spisil bintic chopol.

1 Juan 2:11

Yan te mach'a ya sp'aj te yermano, ay ta yihc'al q'uinal, soc yac ta behel ta yihc'al q'uinal, ma sna' banti ya xbaht, como ha macbibil sit yu'un te yihc'al q'uinale.

1 Juan 2:9

Te mach'a ya yal te ay ta sacal q'uinal pero teme ya sp'aj te yermano, ay to ta yihc'al q'uinal abi.

1 Juan 3:10

Hich ya xchicnaj mach'atic a te yal-snich'nab Dios soc mach'atic a te yal-snich'nab te pucuje: Spisil mach'a ma ba ya spas te bin toj ta pasel soc te ma c'uxuc ya ya'iy ta yo'tan te yermano, ma yu'unuc Dios stuquel.

1 Juan 3:12

Ma me hichucotic te bin ut'il Caín, te ha yu'un te pucuj, te la smil te yihts'ine. ¿Bin yu'un te la smile? Yu'un chopol te ya'tel te Caín, yan te yihts'in toj ya'tel stuquel.

1 Juan 3:15

Spisil mach'a ya yil-o'tantay te yermano, jmilaw me c'ohem. Ana'ojic te mayuc jtuhluc jmilaw te ay scuxlejal scuenta sbahtel q'uinal.