2 Samuel 12:9 - Bible in Tzeltal Bachajón

⁹ ¿Bin yu'un te mayuc sc'oblal ta awo'tan te sc'op te Jehová te la apas te bin chopol ta stojol? La awac' ta milel ta espada te Urías te heteo-winic soc la awic'be te yihname. La awac' ta milel ta scuenta te espada yu'un te amonetique.

Bible in Tzeltal de Oxchuc y Tenejapa

⁹ ¿Bi yu'un te ma'yuc sc'oplal ta awo'tan te jc'ope? ¿Bi yu'un ja' la apas te bi ma jmulane? Melel la achap ta awo'tan te la amil te Urías te hitita-winique, ja' la awac' milotuc yu'un te amonetique. Soc la awic'beyix te yiname.

2 Samuel 12:9 ပူးပေါင်းရင်းမြစ်များ

2 Samuel 11:4

Te David la sticon bahel a'batetic ta yiq'uel tal. Hich tal ta stojol, way soc. (Slecubtesejix sba a yu'un te bohloben sc'oblal yu'un te schamel scuenta jujun u.) Patil suht bahel ta sna.

2 Samuel 12:10

Ha yu'un mayuc bin ora ya yihquitayat te espada ta ana, como la ap'ajon soc la awic' awihnamin te yihnam Urías te heteo-winique.

2 Samuel 16:7

Te Simei hich yac ta bohlc'optaywanej: ¡Loc'an bahel li'i, loc'an bahel li'i, jmilawal soc jchopol-o'tan!

1 Reyes 15:5

como te David la spas te bintic toj ta stojol Jehová, soc mayuc bin ma ba la spas te bintic halbot yu'un Dios te jayeb c'ahc'al cuxul, ha nax te bin la spasbe te Urías te heteo-winique.

1 Reyes 21:19

Hich me yac awalbe: Hich ya yal te Jehová: ¿Ma bal lajuc awa'iy milaw soc la apojbe sq'uinal? xchihat. Soc hich yac awalbe xan: Hich ya yal te Jehová: Ta banti lugar te lec'bot sch'ich'el Nabot yu'un ts'i'etic, tey nix ya slec'bat ach'ich'el a te ts'i'etique, xchi.

2 Crónicas 33:6

La yac' c'axuc ta c'ahc' te snich'nab ta sjuclej Ben-hinom, la spasbe ya'tel j'ilojel, jna'ojel soc jpas señahiletic, soc la sjoc'obe te mach'a ya sc'opon ch'uhlelaletic soc bohl espirituhetic. C'ax bayel chopol bintic la spas ta stojol Jehová, ha to c'alal la shachbe yilimba.

Salmos 51:14

Coltayawon te manchuc ya ca'iy milaw, Dios cu'un, Diosat yu'un te jcolele; hich ya jc'ayojtaybe sc'oblal te stojil awa'tele.

Salmos 51:16

Como ma xac'an milbil mahtanil, te yacuc ca'bate, ma xac'an scohtol chic'bil mahtaniletic.

Salmos 51:4

Ha'at nax ta atojol te jtahoj jmul, ha'at nax atuquel, la jpas ta atojol te bin chopol, scuenta yu'un ya xna'ot te stojil bin yac awal, soc te stojil ya xchahpanwanat.

Salmos 90:8

La awac' ta atojol te jmulcotic, te muquen jmulcotic la awac' ta sacal q'uinal te ay ta atojol.

Proverbios 14:2

Te mach'a toj ya xbehen, ya xi' te Jehová, yan te mach'a chopol sbe, ha ya sp'aj.

Isaías 5:24

Ha yu'un, hich te bin ut'il ya slajin c'ajben te yat c'ahc', soc te ya slajin ac te c'ahq'ue, ha nix hich ya xc'a' te slohp'ic, soc ya xch'ay bahel snichic hich te bin ut'il ts'ubilum; como la sp'ajbe te ley yu'un Jehová te scuentahinej spisil, soc la yihlayic te sc'op te Ch'ul Dios yu'un Israel.

Jeremías 18:10

pero teme ya spas te bin chopol ta jtojol, teme ma ba ya sch'uhumbon te jc'ope, ya jsuht jc'op yu'un te bin lec te jnopoj te ya jpasbe.

Amós 2:4

Hich yaloj te Jehová: Ta scuenta oxchahp mulil yu'un Judá, ta scuenta chanchahp, ma ba ya jcom te castigo yu'une; como la sp'aj te ley yu'un Jehová, ma ba la sch'uhumbe te mandariletic yu'un, howiyic yu'un slotic, te ha nix la st'unic te sme'statique.

1 Samuel 15:19

¿Bin yu'unix a te ma ba la ach'uhumbe sc'op te Jehová? ¿Bin yu'un la atsac te biluquetic soc la apas te bin chopol ta stojol Jehová? xchi.

1 Samuel 15:23

Como te toybahil ha pajal mulil soc te bin ay ta lom-na'el, te tulan-o'tanil ha pajal mulil soc sch'uhuntayel loc'ombahetic. Te bin ut'il la ap'ajbe sc'op te Jehová, ha nix hich la sp'ajat te ma ba ya xhilatix ta ajwalil, xchi.

1 Samuel 15:26

Ma ba ya joquinat bahel, como la ap'ajbe sc'op te Jehová, soc te Jehová la sp'ajatix scuenta yu'un ma ba ajwalil ya xhilatix ta Israel, xchi te Samuel.