2 Samuel 12:13 - Bible in Tzeltal Bachajón

¹³ Te David hich la yal ta stojol te Natán: La jta jmul ta stojol Jehová, xchi. Te Natán la yalbe te David: Te Jehová la spasbatix perdón yu'un te amule, ma ba ya xlajat yu'un.

Bible in Tzeltal de Oxchuc y Tenejapa

¹³ Te David jich la yal ta stojol te Natán: —La jta jmul ta stojol te Cajwaltique —xi'. Jac'bot yu'un Natán, jich la yal: —Te Cajwaltic la spasbatix perdón yu'un te amule, ma ba ya xlajat yu'un.

2 Samuel 12:13 ပူးပေါင်းရင်းမြစ်များ

Génesis 39:9

Mayuc yan mach'a toyol xan te bin ut'il ho'on li' ta na ini, soc mayuc bin ma ba ya'beyejon ta jcuenta, ha'at xanix te yihnamat. ¿Bin ut'il c'an jpas te bin chopol ini, te ya jta jmul ta stojol te Diose? xchi.

2 Samuel 24:10

Te c'alal laj yo'tan te David ta yahtayel te pueblo, pich'bot yo'tan yu'un, hich la yalbe te Jehová: Mero bayel la jta jmul yu'un te bin la jpas. Ya calbat wocol ta atojol, Jehová, te yacuc apasbe perdón te smul te awa'bate. Scaj jsonsohil te hich la jpase, xchi.

2 Samuel 24:17

C'alal la yil David te ch'ul a'bat te yac ta slajinel te pueblo, hich la yalbe te Jehová: Ho'on la jta jmul, ho'on la jpas te bin chopole. ¿Bin la spasic te ants-winiquetic ini? Ya calbat wocol te ha'uc ya xc'oht ac'ab ta jtojol soc ta stojol te sna te jtate, xchi.

1 Reyes 13:4

Te c'alal la ya'iy te ajwalil Jeroboam te bin la yal te winic yu'un Dios ta scontrahinel te scajtajib ta chiq'uel pom ta Bet-el, tey ta scajtajib a la shach sc'ab, hich la yal: ¡Tsacahic! xchi. Pero te sc'ab te la shach ta stojol te winique, taquij, ma ba la sc'anix cuts'el yu'un.

1 Reyes 21:20

Te Acab la yalbe te Elías: ¿La bal atahonix, jcontrahat? xchi. La yal te Elías: La jtahat, como la awac' aba ta spasel te bin chopol ta stojol Jehová.

1 Reyes 22:8

Te ajwalil yu'un Israel la yalbe te Josafat: Ay jtuhl winic te ya xhu' ya joc'obetic Jehová ta scuenta, ha te Micaías snich'an Imla, pero ya quihlay, como mayuc bin ora ya yalbon te bin lec, puro ma lecuc, xchi. Pero la yal te Josafat: Ma lecuc hich ya yal te ajwalil, xchi sc'oblal.

2 Reyes 1:9

Hich la sticon bahel ta stojol Elías jtuhl capitan-soldado soc lajuneb yoxwinic (50) soldadohetic yu'un. Te c'alal baht ta banti ay te Elías, hucul ta ba tsehl c'oht sta, hich la yalbe: Winicat yu'un Dios, la yal te ajwalil te ya me xcohat tal, xchi.

1 Crónicas 21:8

Ha yu'un te David hich la yalbe te Dios: Muc' te jmul la jta yu'un te hich la jpas. Awocoluc, loq'uesbeya te smul te awa'bate, como ta scaj te ma la jna' q'uinal te hich la jpase, xchi.

2 Crónicas 16:10

Te Asa ilin yu'un ta stojol te jalwanej, la yotses ta cárcel, como c'ax bayel ilin yu'un. Soc ta hich ora te Asa ay mach'atic yu'un te pueblo te la yuts'inlan.

2 Crónicas 25:16

C'alal hich yac ta yalel a te jalwanej, la sjac' te ajwalil: ¿Yu'un bal awich'oj awa'tel ta j'ac'-o'tanil ta stojol te ajwalil? Coma aba. ¿Yu'un bal yac ac'an te ya jmilat? xchi. Scuenta slajibal hich la yal te jalwanej: Jna'oj te Dios snopoj ta yo'tan te ya slajinat yu'un te hich apasoj soc ma ba la ach'uhun te bin la jcalbat, xchi.

Job 33:27

Hich ya yal ta c'ayoj ta stojol ants-winiquetic: La jta jmul, la jimbe sc'oblal te bin toj ay, pero ma ba la jquich' castigo yu'un.

Salmos 103:12

Hich te bin ut'il snamalil yiloj sbahic banti ya xloc' tal c'ahc'al soc te smahlib c'ahc'al, hich la snamijtes bahel te jc'axun-mandar cu'untique.

Salmos 51:16

Como ma xac'an milbil mahtanil, te yacuc ca'bate, ma xac'an scohtol chic'bil mahtaniletic.

Salmos 51:4

Ha'at nax ta atojol te jtahoj jmul, ha'at nax atuquel, la jpas ta atojol te bin chopol, scuenta yu'un ya xna'ot te stojil bin yac awal, soc te stojil ya xchahpanwanat.

Salmos 51:6

Ha'at yac ac'an te bin melel ay ta o'tanil; ta yutil co'tan la awa'bon jna' p'ijil-o'tanil.

Éxodo 9:27

Ha yu'un te faraón la sticon ta iq'uel te Moisés soc Aarón, hich la yalbe: Yo'tic la jtahix jmul. Te Jehová ha toj stuquel, yan te ho'on soc te jlumale chopolon soc.

Proverbios 25:12

Hich te bin ut'il ch'ocowil pasbil ta oro, o te uhalil pasbil ta t'ujbil oro, hich ay te tsitsel yu'un te mach'a ay sp'ijil yo'tan ta stojol te mach'a ya sna' ya'iyel.

Proverbios 28:13

Te mach'a ya smuc smul, ma xp'ohl te bintic ay yu'un, yan te mach'a ya yal ta jamal smul soc ya yihquitay spasel, ya me sta c'uxultayel.

Isaías 38:17

Yu'un cutsil jlequil te c'ax ta jtojol te bin ch'a. Ta scuenta sc'uxul awo'tan ma ba la awac' te cohon bahel ta xahab yu'un lajel, como la awac' ta apat spisil te jmule.

Isaías 43:24

Ma ba la amambon tal jalal te sumet yic', soc ma ba la awac' nojuc jch'uht yu'un sjuhp'el te chic'bil mahtaniletic awu'une. Pero la awa'bon jcuch te muliletic awu'un, soc la alubteson yu'un te chopoliletic awu'une.

Isaías 44:22

Hich la jmes bahel te ac'axun-c'opic te bin ut'il tocal, te muliletic awu'un hich te bin ut'il sahb ha'. Suhtanic tal ta jtojol, como la jcac'at ta libre, xchi.

Lamentaciones 3:32

Aunque ya yac' wocol, ha nix hich ya me sna'be yo'bolil sba, hich te bin ut'il bayel te sc'uxul yo'tane.

Levítico 20:10

Teme ay winic ya yantsimbe yihnam te spat-xuhc, te j'antsiwej soc te j'antsinel ya me xlajic yu'un.

Levítico 24:17

Te mach'a ya ya'iy milaw, ya me yich' milel.

Zacarías 3:4

Te ch'ul a'bat hich la yalbe ta mandar te mach'atic ayic ta stojol: Cholbeyahic loq'uel te sc'u' te ay yabacul, xchi. Soc hich la yalbe te Josué: Ilawil, la jloq'uesbat amul, ya ca'batix alap buen t'ujbil c'u'ul, xchi.

San Mateo 14:10

Hich la sticon ta xot'beyel loq'uel tal sjol ta cárcel te Juan.

San Lucas 15:21

Hich halbot yu'un te snich'an: Jtat, jtahoj jmul ta stojol ch'ulchan soc ta atojol, ma xpasix te anich'an ya xhaloton, xchi.

San Lucas 18:13

Yan te jc'an-patan, q'uejel to ay, ma ba la sc'an la shach mohel sit ta ch'ulchan, la spac'ulan stahn, hich la yal: Dios, na'bon yo'bolil jba, ho'on te jmulawilon, xchi.

Hechos 2:37

C'alal hich la ya'iyic, toj smelbel yo'tanic yu'un; hich la sjoc'obeyic te Pedro soc te yantic jpuc-c'opetic: Quermanotac, ¿bin ya sc'an ya jpascotic? xchihic.

Hebreos 9:26

Te hichuque, la sc'an te bayel buelta ya xc'ax swocol te Cristo yalel c'alal ta shahchibal to tal bahlumilal. Pero yo'tic te slajibalix ha'biletic, jmehl nax xtaluc yac' sba ta lajel ta sch'ayel mulil.

1 Juan 1:7

Yan teme yacotic ta behel ta sacal q'uinal, hich te bin ut'il ay ta sacal q'uinal stuquel te Diose, talel c'axel jun co'tan jbahtic, soc ha ya spocbotic loq'uel spisil jmultic te sch'ich'el Jesús, te Snich'ane.

Apocalipsis 1:5

soc yu'un te Jesucristo, te testigo te stalel jun yo'tan, te ba-nich'anil te cha'cuxaj tal ta yohlil mach'atic chamenic soc te ha jcuentahinwanej yu'un te ajwaliletic ayic ta bahlumilal. Ayuc me yutsilal soc yu'el sbahtel q'uinal te mach'a la sc'uxultayotic soc te la yac'otic ta libre yu'un te jmultic ta scuenta sch'ich'el,

1 Samuel 15:20

Te Saúl la sjac'be sc'op te Samuel: ¡La jch'uhumbe sc'op te Jehová! La jpasix te bin la sticonon ta spasel te Jehová. La quic' tal te Agag ajwalil yu'un Amalec, soc jc'axel la jlajin te snich'nab Amalec.

1 Samuel 15:30

La yal te Saúl: La jta jmul; pero awocoluc, ich'awon ta muc' ta stojol te mamaletic yu'un te pueblo cu'un soc ta stojol Israel, joquinawon bahel scuenta yu'un ya jch'uhuntay te Jehová te Dios awu'un, xchi.