2 Samuel 11:2 - Bible in Tzeltal Bachajón

² Ta jun c'ahc'al ta tibiltic hahch ta swayib te David, behen ta yamaq'uil sba sna ajwalil, la yil cohel jtuhl ants yac ta atimal; mero t'ujbil ants.

Bible in Tzeltal de Oxchuc y Tenejapa

^2-4 Ta jun mal c'aalil jajch' ta swayib te David, och ta comcom beel ta yamaq'uil sba na. Tey la sta ta ilel jtul buen t'ujbil ants a, yac ta atimal. Lajel to xchajbanbel sba ta stojol Dios yu'un te xchamel swenta jujun u. Te David la sticun ta jojc'oyel te mach'a a te antse. Albot yaiy te Betsabé sbiil te antse, yantsil-nich'an Eliam, yinam Urías, ja' te hitita-winique. Te David la sticun abatetic yu'un ya x'ic'bot tel, way soc, patil sujt' bael ta sna.

2 Samuel 11:2 ပူးပေါင်းရင်းမြစ်များ

Génesis 12:11

Te c'alal nopol ya xc'oht ta Egipto a, la yalbe te Sarai te yihname: Ya jna' te buen t'ujbil antsat.

Génesis 3:6

C'alal la yil te ants te lec ta lo'beyel sit te te' soc t'ujbil ta ilel, soc te bic'tal-o'tantic sba te ya yac' p'ijil-o'tanil, hich la stulbe sit, la slo', soc la ya'be te smamalal te ha nix hich la slo'.

Génesis 34:2

C'alal ilot yu'un te Siquem snich'an Hamor te heveo-winic, te jtsobaw yu'un te q'uinal tey a, way soc te Dina, hich la sbohlobtesbe sc'oblal.

Génesis 39:6

La ya'be ta sc'ab José spisil bintic ay yu'un, mayuc bin la snop ta yo'tan stuquel, ha nax te bin ya swe'. Te José buen lec sbaq'uetal soc t'ujbil te sit yelaw.

Génesis 6:2

te yal-snich'nab Dios la yilic te buen t'ujbilic te yantsil-nich'nab ants-winiquetic, hich la yic' yihnaminic te banti la smulanique.

2 Samuel 13:1

Te Absalón snich'an David, ay jtuhl yihts'in ach'ix, buen t'ujbil, Tamar sbihil. Te Amnón snich'an David bayel la smulan te ach'ixe.

2 Samuel 14:27

Te Absalón ayin oxeb squerem-nich'nab soc jtuhl yantsil-nich'an, Tamar sbihil, mero t'ujbil ach'ix.

2 Samuel 4:5

Te Recab soc te Baana, te snich'nab Rimón te beerot-winic, bahtic ta sna Is-boset ta yorahil sc'uxul c'ahc'al, yac ta cux-o'tan ta swayib a.

2 Samuel 4:7

C'alal ochic bahel ta yutil na, te Is-boset wayal ta swayib a c'oht stahic; la smilic soc la set'beyic sjol, la yich'beyic bahel. Sjunal ahc'abal behenic bahel ta sbehlal Arabá.

Job 31:1

La jchap jc'op soc te jsit, ¿bin ut'il c'an cac' jsit ta stojol jtuhl ach'ix?

Salmos 119:37

Ma me xawac' te ya quil te bintic tojol nax ay; a'bon jcuxlejal yu'un st'unel te be awu'une.

Proverbios 19:15

Te ch'ajilal ya yac' te ya xc'ub wayel yu'un, soc te mach'a ch'aj, ya xtal swocol ta wi'nal yu'un.

Proverbios 31:30

Ya xlo'loywan te bin mulantic sba yilel, soc c'axel nax te st'ujbilal, pero te ants te ya xi' te Jehová, ha me lec sc'oblal stuquel.

Proverbios 6:25

Ma me xbic'taj awo'tan yu'un te st'ujbilal, ma me xawac' yu'untayat te site,

Proverbios 7:8

Yac ta c'axel bahel ta calle, ta banti te xuhc, yac ta behel bahel ta sna te antse

Jeremías 19:13

Te nahetic ta Jerusalén soc te nahetic yu'un te ajwaliletic ta Judá hich ya xbohlob sc'oblalic te bin ut'il Tofet, spisil te nahetic banti la schiq'uic pom ta ba na ta stojol te c'ahc'al, u soc te eq'uetic ta ch'ulchan soc te la smalbeyic malbil mahtanil te yantic diosetique, xchi te Jehová.

San Mateo 10:27

Te bin ya calbeyex ta yihc'al q'uinal, jamal xawalic ta sacal q'uinal; soc te bin yac awa'iy ta muquen ta achiquinic, halahic ta ba nahetic.

San Mateo 24:17

Te mach'a ay ta ba na, ma me xco tal yu'un ya sloq'ues te bin ay ta sna;

San Mateo 5:28

Pero ho'on ya calbeyex, mach'ayuc a te ya yil ants te ya xbic'taj yo'tan yu'un, la yantsinix ta yo'tan abi.

Hechos 10:9

Ta schebal c'ahc'al, te c'alal yacalic ta behel soc nopol ya xc'ohtiquix ta pueblo a, te Pedro mo bahel ta yamaq'uil scha'cajal na ta sc'oponel Dios, nopol sta ohlil c'ahc'al a.

Deuteronomio 22:8

Te c'alal yac apas yach'il ana, ya me awa'be sts'ahcul ta sjoyobal ta sba, scuenta yu'un teme ay mach'a ya xch'ay cohel tey a, ma ba yac ata mulil yu'un ch'ich' a ha'at soc te mach'atic awu'un ta ana.

Deuteronomio 5:21

Ma me xbic'taj awo'tan yu'un yihnam apat-axuhc, soc ma me xamulambe te sna apat-axuhc, te sq'uinal, ya'bat, scriada, j'a'tel-wacax, burro o bintic ay yu'un te apat-axuhc, xchi te Jehová.

1 Pedro 4:7

Nopol ya sta yorahil te ya xlaj spisil bintic ay; ha yu'un na'ahic me q'uinal soc wic'sitaya me abahic scuenta yu'un ya xhu' yac ac'oponic Dios.

1 Juan 2:16

como spisil bintic ay ta bahlumilal, ha te bin ya smulan te baq'uet scuenta mulil, te bin ya smulan yilel te jsitic, soc te toybahil, ma ba talem ta stojol te Tatil, ha talem ta stojol te bahlumilale.

1 Samuel 9:25

C'alal cohic tal ta toyol awilal soc ochic bahel ta pueblo, te Samuel la sc'opon te Saúl ta yamaq'uil ba na.