2 Samuel 11:11 - Bible in Tzeltal Bachajón

¹¹ La sjac' te Urías: Te scaxahul te chapbil-c'op yu'un Dios soc te soldadohetic yu'un Israel soc Judá nahinemic ta nahilpac', soc te cajwal Joab soc te a'batetic yu'un ayic ta aquiltic. ¿Ya bal spas te ya x'ochon bahel ta jna, te ya xwe' x'uch'on soc te ya xwayon soc te quihname? ¡Ta scuenta acuxlejal soc ta scuenta ach'uhlel, ma ba hich ya jpas! xchi.

Bible in Tzeltal de Oxchuc y Tenejapa

¹¹ La sjac' te Urías: —Te ch'ul cajón yu'un Dios, soc te soldadoetic yu'un Israel soc te soldadoetic yu'un Judá snainejic ja'mal na, soc ya xwayic ta aquiltic ta yol q'uinal te Joab te ja' general cu'une, soc te abatetic awu'une. Yan te jo'one ¿ya bal xju' teme ya x'ochon bael ta jna te ya xboon ta we'el ta uch'el soc ta wayel soc quinam? Jamal ya calbat ta atojol te ma ba ya jpas te bi ya awale —xi' te Urías.

2 Samuel 11:11 ပူးပေါင်းရင်းမြစ်များ

2 Samuel 11:10

Hich a'bot sna' te David: Ma ba co bahel ta sna te Urías, xchihic. Te David la sjoc'obe te Urías: ¿Ma bal namaluc talat hiche? ¿Bin yu'un ma ba bahat ta ana? xchi.

2 Samuel 14:19

¿Ma bal meleluc te ha te Joab te la ya'bat ta acuenta yalel spisil ini? xchi te ajwalile. La sjac' te antse: Cuxul ach'uhlel, ajwalil cu'un, mayuc mach'a ya xhu' ya showiytes ta q'uexam o ta wa'el spisil te bin yalojix te cajwal. Ha nix te awa'bat Joab te la sticonon tal, ha la yalbon tal spisil te c'op te la jcalbatixe.

2 Samuel 20:6

Ha yu'un te David hich la yalbe te Abisai: Te Seba snich'an Bicri, c'ax xan hich ya yac' jwocoltic a te bin ut'il Absalón. Ic'a bahel hiche te a'batetic yu'un te awajwal, nutsa bahel, teme repente ay ya x'och bahel ta pueblo te joybil ta ts'ahc, tey ya scoltay sba ta jc'abtic a, xchi.

2 Samuel 7:2

te ajwalil hich la yalbe te jalwanej Natán: Ilawil, ho'on nahinemon ta na te pasbil ta cedro, yan te scaxahul te chapbil-c'op yu'un Dios ay ta nahilpac', xchi.

2 Samuel 7:6

Mayuc bin ora nahinon ta na c'alal la jloq'ues tal ta Egipto te snich'nab Israel c'alal ora, bayuc nax nahinon ta nahilpac' te tuhun yu'un ch'ul awilal.

Números 32:6

Pero te Moisés la sjac'be sc'op te snich'nab Gad soc te snich'nab Rubén: ¿Yu'un bal ya xhilex li'i te c'alal ya xbahtic ta guerra te awermanotac?

San Juan 13:14

Teme ho'on, te Ajwalilon soc te Maestrohon awu'unic, la jpocbeyex awoquic, ha nix hich ya sc'an te talel c'axel yac apocbe aba awoquique.

2 Timoteo 2:12

teme ya xc'ax jwocoltic, ha nix hich pajal ya x'ochotic ta cuentahinwanej soc. Teme ya jmuc ta co'tantic, ha nix hich ya smucotic ta yo'tan;

1 Samuel 1:26

Te Ana hich la yalbe te Elí: ¡Cajwal! Te bin ut'il cuxulat, cajwal, ho'on me te la jc'opon Jehová li' ta atojol.

1 Samuel 14:18

Ha yu'un te Saúl la yalbe te Ahías: Ich'a tal te scaxahul te chapbil-c'op yu'un Dios, xchi. (Yu'un te scaxahul te chapbil-c'op yu'un Dios ay ta yohlilic a te snich'nab Israel.)

1 Samuel 17:55

Te Saúl, c'alal la yil te loc' bahel te David yu'un ya stsac sba soc te filisteo, hich la yalbe te Abner te jtsobaw yu'un te soldadohetic: Abner ¿mach'a snich'an te querem ini? xchi. Jamal ya calbat, ajwalil, ma jna', xchi te Abner.

1 Samuel 20:3

Te David la scha'hal xan ta jamal: Te atat sna'oj te lec awo'tan cu'un, hich wan ya yal: Ma me x'a'bot sna' ini te Jonatán scuenta yu'un ma ba ya smel yo'tan a, xchi. ¡Yiloj Jehová, soc cuxulat! jihm xanix ta ocal quiloj jba soc te lajele, xchi.

1 Samuel 25:26

Yo'tic, cajwal, ¡yiloj Jehová, soc cuxulat! te Jehová la scomat ta smalel ch'ich' soc ma ba la ya'bat te yac apac ac'abal. Hich me ac'a c'ohtuc te bin ut'il Nabal te acontratac soc spisil mach'atic ya sle bin chopol ta stojol te cajwal.

1 Samuel 4:4

Hich te pueblo la sticonic bahel winiquetic ta Silo, la yich'ic tal te scaxahul te chapbil-c'op yu'un Jehová te scuentahinej spisil, te nahinem ta yohlil te querubinetic. Te schebal snich'nab Elí, ha te Ofni soc Finees, sjoquinejic te scaxahul te chapbil-c'op yu'un Dios.