2 Samuel 11:1 - Bible in Tzeltal Bachajón

¹ Ta yorahil ya x'ach'ub ya'binal te'etic, te bin ora ya xloq'uic bahel ta guerra te ajwaliletic, te David la sticon bahel te Joab soc te a'batetic yu'un soc spisil Israel. La slajinic te amonetic soc la sjoytayic te Rabá. Pero hil ta Jerusalén te David.

Bible in Tzeltal de Oxchuc y Tenejapa

¹ Te David ay jun buelta te la sticun bael te Joab soc te capitanetic soc ta spisil te soldado-israeletique. Ja' yorail te xjajch'ibal snajt'il c'aal te jich la spase, yu'un ja' yorail te c'aem ya xloq'uic ta guerra te ajwaliletique. Te soldado-israeletic la slajinic te amonetique, soc la sjoytaybeyic te slumale, ja' te Rabá. Pero David jilem ta Jerusalén.

2 Samuel 11:1 ပူးပေါင်းရင်းမြစ်များ

2 Samuel 10:14

Te c'alal la yilic te amonetic te yaquic ta ahnel te siriohetic, ha nix hich loq'uic ta ahnel ta stojol te Abisai, ochic bahel ta yutil te pueblo. Te Joab la squehchan ta ya'beyel guerra te snich'nab Amón, suht bahel ta Jerusalén.

1 Reyes 20:22

Patil te jalwanej tal ta stojol te ajwalil yu'un Israel, hich la yalbe: Bahan, ich'a xan awip, nopa awa'iy soc ilawil bin xan ya sc'an yac apas, como ta yan ha'bil ya me xcha'tal scontrahinat te ajwalil yu'un Siria, xchi.

1 Reyes 20:26

C'alal c'ax jun ha'bil, te Ben-adad la stsob te siriahetic, baht ta Afec ta ya'beyel guerra te Israel.

1 Crónicas 20:1

Ta yorahil ya x'ach'ub ya'binal te'etic a, ha te yorahil ya xloq'uic ta guerra te ajwaliletic, te Joab la yic' bahel te soldadohetic, la sjimbe sq'uinalic te sts'umbal Amón, soc baht ta sjoytayel te Rabá; yan te David hil ta Jerusalén. Te Joab la ya'be guerra te Rabá, la sjin.

2 Crónicas 36:10

Ta shahchel te ha'bil te Nabucodonosor la sticon ta iq'uel bahel ta Babilonia te Joaquín soc te biluquetic te bayel sc'oblalic ta sna Jehová, soc la yotses ta ajwalil yu'un Judá soc Jerusalén te Sedequías te stajun te Joaquín.

Salmos 60:9

¿Mach'a ya yic'on bahel ta pueblo te ay sjoyob ts'ahcul? ¿Mach'a ya yic'on bahel c'alal Edom?

Eclesiastés 3:8

ay yorahil c'uxul-o'tanil, ay yorahil ihlayel; ay yorahil guerra, ay yorahil lamal q'uinal.

Jeremías 49:2

Ha yu'un ya sta yorahil, xchi te Jehová, te ya cac' chicnajuc sc'op guerra ta Rabá soc te amonetique. Ya xc'atp'uj ta busul jimbil, soc te pueblohetic ya x'a'botic sc'ahc'al; hich te Israel ya me scha'ic'ticlan te mach'atic ic'otic yu'unique.

Jeremías 49:3

¡Oc'an, Hesbón, como jihnemix te Hai! ¡awonanic, yantsil-nich'nab Rabá, lapahic ch'ixal-pac', oq'uetaya abahic, ahnimajanic ta jehch ta jehch ta yutil te ts'ahc, como te Milcom ic'ot bahel ta chuquel soc te sacerdotehetic soc príncipaletic yu'unique.

Ezequiel 21:20

Ya me apasbe seña te be te banti ya xtal te espada ta stojol Rabá yu'un te amonetic, soc ta stojol Judá, ta scontrahinel Jerusalén, te pueblo te ay sts'ahcule.

Amós 1:14

Ya ca'be sc'ahc'al te ts'ahc yu'un Rabá, ha ya slajinlan te tulan ts'ahquetic yu'un, soc xnilet ta yorahil guerra, soc tulan ic' ta yorahil ic'al-ha'al.

Zacarías 14:3

Ta patil ya xloc' tal te Jehová, ya ya'be guerra te nacionetic, hich te bin ut'il tsalawan ta sc'ahc'alel guerra.

Deuteronomio 3:11

(Te Og ajwalil yu'un Basán ha slajibal te nahtil winiquetic. Te swayib pasbil ta taq'uin, ha baluneb xuhc'ubil snahtil soc chaneb xuhc'ubil sjamalil; ay ta Rabá te ay ta sq'uinal te snich'nab Amón.)

1 Samuel 18:30

Ya xloq'uic bahel ta guerra te jtsobaw yu'un te filisteohetic. Te jujun buelta te ya xloq'uic bahele, ha bayel xan hu' yu'un te David te bin ut'il te yantic a'batetic yu'un Saúl. Hich mero na'bil sba c'oht.