2 Samuel 10:6 - Bible in Tzeltal Bachajón

⁶ Te c'alal la yilic te snich'nab Amón te ihlintaybil c'ohtic ta stojol David, la stojic j'ohlil yoxpic (20,000) ta tuhl siriohetic ta Bet-rehob soc ta Soba, lajunwinic yoxbahc' (1,000) ta tuhl winiquetic yu'un te ajwalil ta Maaca, soc j'ohlil scha'pic (12,000) ta tuhl winiquetic yu'un Is-tob.

Bible in Tzeltal de Oxchuc y Tenejapa

⁶ Te amonetic la sna'ic te bolob yo'tan ta stojolic te David. Ba yic' sjoinic jtab ta jmil (20,000) soldado-siriaetic ta Bet-rehob soc ta Soba, soc te muc' ajwalil ta Maaca la yac' jmil (1,000) swinictac, soc ac'botic lajchaymil (12,000) winiquetic yu'un Is-tob.

2 Samuel 10:6 ပူးပေါင်းရင်းမြစ်များ

Génesis 34:30

Ha yu'un te Jacob hich la yalbe te Simeón soc Leví: Ha'ex ta acuentahic te ay jwocol yu'un te la awaq'uic te ihlaybil c'ohon ta stojol te cananeohetic soc te ferezeohetic te nahinemic li' ta q'uinal ini. Te bin ut'il mayuc tsobol winiquetic cu'un, ya me stsob tal sbahic yu'un ya scontrahinonic, ya me slajinonic soc spisil mach'atic ay cu'un ta jna, xchi.

2 Samuel 10:5

C'alal hich a'bot sna' te David, la sticon ta halbeyel, como ayic ta bayel q'uexlal. Hich la yal te ajwalil: Hilanic ta Jericó ha to c'alal ya xcha'col te awisimic, hich ya suhtex talel a, xchi.

2 Samuel 10:7

Te c'alal hich la ya'iy te David la sticon bahel Joab soc spisil te soldadohetic te ay yipic te ma xiwic.

2 Samuel 16:21

Te Ahitofel la yalbe te Absalón: Wayan soc te antsetic yu'un te atat te yihquitayej hilel ta canan-na, hich me ya ya'iy spisil Israel te jc'axel la awac' aba ta p'ajel yu'un te atat, hich ya yich' xan yip yo'tanic a spisil te mach'atic sjoquinejat, xchi.

2 Samuel 23:34

Elifelet snich'an Ahasbai, snich'an Maaca; Eliam snich'an Ahitofel, te talem ta Gilo;

2 Samuel 8:12

ha te Edom, Moab, Amón, filisteohetic soc te amalequetic, soc te bintic la spojbe te Hadad-ezer snich'an Rehob, ajwalil yu'un Soba.

2 Samuel 8:3

Ha nix hich te David la stsal te Hadad-ezer snich'an Rehob, ajwalil yu'un Soba, te c'alal yac ta yich'el suhtel te sq'uinal ta muc'ul-ha' Éufrates.

2 Samuel 8:5

C'alal talic te siriohetic yu'un Damasco ta scoltayel te Hadad-ezer ajwalil yu'un Soba, te David la smil cha'pic soc ho'lajunbahc' (22,000) arameohetic.

1 Reyes 11:24

La stsob winiquetic, ha capitán c'oht yu'un jtsohb j'eleq'uetic te c'alal David la slajin te mach'atic ayic ta Soba. Patil bahtic ta Damasco, tey nahinic a soc tey la yotsesic ta ajwalil a te Rezón,

2 Reyes 7:6

Como te Jehová la ya'be ya'iyic sc'op carretahetic, cawuhetic soc ipal soldadohetic ta campamento yu'un te siriahetique. Talel c'axel la yalbe sbahic: Te ajwalil yu'un Israel la schap sc'op soc te ajwaliletic yu'un te heteohetic soc ajwaliletic yu'un te egipciohetic yu'un ya xtal ya'botic guerra, xchihic.

Salmos 48:4

Melel la stsob sbahic te ajwaliletic, junax bahtic.

Éxodo 5:21

hich la yalbeyic: Te Jehová ac'a yilex soc ac'a yich'ex ta c'op, yu'un la awac' bohlobuquix jc'oblalcotic ta stojol faraón soc ta stojol te a'batetic yu'une; soc la awa'beyic espada ta sc'ab yu'un ya smilotcotic a, la yutic.

Proverbios 25:8

ma orahuc yac awich' ochel ta chahpajibal, manchuc hich ya xc'oht ta patil te ma ba yac ana' bin yac apas te c'alal ya yac'at ta q'uexlal te apat-axuhc.

Jeremías 40:8

talic ta stojol te Gedalías ta Mizpa. Te mach'atic te talic, ha te Ismael snich'an Netanías, Johanán soc Jonatán snich'nab Carea; Seraías snich'an Tanhumet; te snich'nab Efai te ay ta Netofa, soc Jezanías snich'an maacateo-winic, soc te swinictaque.

Jeremías 46:21

Te tojbil soldadohetic yu'un te ayic ta yohlil, ha pajal soc juhp'en tut wacaxetic; ha nix hich suhtic ta spatic, spisilic loq'uic ta ahnel, ma ba quehchajic, como c'ohtix sc'ahc'alel te swocolic, te yorahil castigo yu'unique.

Deuteronomio 3:14

(Te Jair, jtuhl sts'umbal Manasés, la yich' spisil te q'uinal yu'un Argob c'alal ta sti'il Gesur soc Maaca. La ya'be sbihilin te Basán te sbihil nix: Havot-jair, te hich nix sbihil c'alal ora.)

Jueces 11:3

Ha yu'un te Jefté loc' ta ahnel ta stojol te yermanotac, baht ta nahinel ta sq'uinal Tob, te banti la stsob chopol winiquetic te loq'uic bahel soque.

Jueces 11:5

Te c'alal hich c'oht ta pasel, te mamaletic ta Galaad la sticonic ta iq'uel tal te Jefté ta sq'uinal Tob,

Jueces 18:28

Mayuc mach'a coltayotic yu'un como namal yiloj sba soc Sidón, stuquel ayic. Te Lais ay ta spamlej te ay ta sts'ehl Bet-rehob. Patil la scha'pasic xan te pueblo, tey nahinic a.

1 Samuel 13:4

Spisil Israel la ya'iyic te la yich' halel: Te Saúl la ya'be guerra te jchahp soldado yu'un te filisteohetic, te xchihe, soc te ilobtic sba ilotix te Israel yu'un te filisteohetique. Ha yu'un la stsob sbahic te pueblo ta stojol Saúl ta Gilgal.

1 Samuel 27:12

Te Aquis ya sch'uhun te bin ya yal te David, hich ya yal ta yo'tan: Te David jc'axel ihlaybil c'ohtix yu'un te slumal Israel, hich a'bat cu'un ya xc'oht spisil ora, xchi yu'un.