2 Samuel 10:19 - Bible in Tzeltal Bachajón

¹⁹ Spisil te ajwaliletic te la scoltayic te Hadad-ezer, c'alal la yilic te tsalotic yu'un Israel, la sc'anic lamal q'uinal soc Israel, soc la yac' sbahic ta a'batinel ta stojolic. Ta hich ora bahel te siriohetic la xi'ic te ya scoltayic te amonetique.

Bible in Tzeltal de Oxchuc y Tenejapa

¹⁹ C'alal la yilic ta spisilic te muc' ajwaliletic te syomoj sbaic soc te Hadad-ezer te tsalotic yu'un te israeletic, la slamantes yo'tanic ta stojol te israeletic, ja' la yac' sbaic ta swenta. Jich och xiwelic te siriaetic, ma ba la scoltayiquix te amonetique.

2 Samuel 10:19 ပူးပေါင်းရင်းမြစ်များ

2 Samuel 8:3

Ha nix hich te David la stsal te Hadad-ezer snich'an Rehob, ajwalil yu'un Soba, te c'alal yac ta yich'el suhtel te sq'uinal ta muc'ul-ha' Éufrates.

2 Samuel 8:6

Te David la yac' soldadohetic te la scanantayic te arameohetic cuentahimbilic yu'un Damasco. Te arameohetic ha a'batetic c'ohtic yu'un David, soc la stoj spatanic ta stojol. Te Jehová la yac' ta tsalaw te David bayuc banti baht.

1 Reyes 20:1

Te Ben-adad ajwalil yu'un Siria la stsob spisil te soldadohetic yu'un, soc joquinot yu'un lahchayeb scha'winic (32) ajwaliletic soc cawuhetic soc carretahetic yu'unic. Mohic bahel ta Samaria, la sjoytayic ta ya'beyel guerra.

1 Crónicas 19:19

C'alal la yilic te a'batetic yu'un te Hadad-ezer te tsalotiquix yu'un Israel, la schapic bin ut'il lamal q'uinal ya ya'iyic soc David, ha a'batetic c'ohtic yu'un. Te siriahetic mayuc bin ora la sc'an la scoltayic xan te sts'umbal Amón.

Isaías 26:11

Jehová, atoyoj ac'ab, pero ma ba ya yilic. Ac'a yilic te xut'et awo'tan ta stojol te pueblo awu'un, ac'a q'uexawuquic; ac'a lajuquic ta c'ahc' te chapal awu'un ya xc'oht ta stojol te acontrataque.

Daniel 2:37

Ha'at, ajwalil, ha'at ajwalilat yu'un ajwaliletic; como te Dios ta ch'ulchan la yotsesat ta ajwalil, la ya'bat awu'el, awip soc awutsilal.

Josué 11:10

Suhtic tal te Josué, la yu'untay te Hazor soc la smil ta espada te ajwalil yu'une; te Hazor ha jolal yu'un spisil te ajwaliletic ini.

Apocalipsis 18:10

Namal to ya me stehc'an sbahic yu'un ya xi'beyic te swocole, soc hich me ya yalic: ¡Obol sba, obol sba te muc'ul Babilonia, te muc'ul pueblo te bayel yip! ¡Como ta junax ora c'oht te castigo ta atojol! xchihic.

Jueces 1:7

Hich la yal te Adoni-bezec: Lajuneb schanwinic (70) ta tuhl ajwaliletic te loq'uemic sme' sc'abic soc sme' yoquic la stamticlanic xeht'elul we'elil ta ye'tal te mesa cu'un. Hich te bin ut'il la jpas, hich nix la ya'bon jtoj te Diose, xchi. La yiq'uic bahel ta Jerusalén, tey cham a.