2 Samuel 10:18 - Bible in Tzeltal Bachajón

¹⁸ Pero loq'uic ta ahnel ta stojol Israel. Te David la smil ho'lajunwinic scha'bahc' (700) ta tuhl winiquetic ta carreta yu'un guerra soc ho'pic (40,000) ta tuhl winiquetic te cajajtic ta cawu. Ha nix hich la yehchentes te Sobac te jtsobaw yu'un te soldadohetic, tey laj a.

Bible in Tzeltal de Oxchuc y Tenejapa

¹⁸ Pero ta slajibal, ja' loq'uic ta anel ta stojol israeletic te siriaetique. Te jayeb te lajinotic yu'un David, cha'winic ta jmil (40,000) soldadoetic te cajajtic ta caballo soc jo'lajunwinic xcha'bajc' (700) te ayic ta carreta yu'un guerra. Soc la yejch'entes swenta lajel te Sobac te ja' capitán yu'un te soldado-siriaetique, laj ta ora tey a.

2 Samuel 10:18 ပူးပေါင်းရင်းမြစ်များ

2 Samuel 10:17

C'alal hich la ya'iy te David, la stsob spisil Israel, c'axic bahel ta Jordán, c'ohtic ta Helam. Te siriohetic la schahpan sbahic, la ya'beyic guerra te David.

2 Samuel 8:4

Te David la stsac chanbahc' soc ho'winic (1,700) winiquetic te cajajtic ta cawu, soc j'ohlil yoxpic (20,000) soldadohetic te behel ta yoquic; la sbojticlambe schihal yacan te cawuhetic te ya snitic carretahetic yu'un guerra, pero la yihquitay hilel te jaycoht ya xtuhun yu'un snitel ho'winic (100) carretahetic.

1 Reyes 11:24

La stsob winiquetic, ha capitán c'oht yu'un jtsohb j'eleq'uetic te c'alal David la slajin te mach'atic ayic ta Soba. Patil bahtic ta Damasco, tey nahinic a soc tey la yotsesic ta ajwalil a te Rezón,

1 Crónicas 19:18

Pero te siriahetic ahnic loq'uel ta stojol Israel. Te David la smil j'ohlil swaxaclajunbahc' (7,000) winiquetic te ya stijic carretahetic soc ho'pic (40,000) soldadohetic te behel ta yoquic. Soc la smil te Sofac te jtsobaw yu'un te soldadohetic yu'unique.

Salmos 18:38

La jquehchentes, hich ma ba hahchiquix; yahlic ta ye'tal coc,

Salmos 46:11

¡Sjoquinejotic te Jehová te scuentahinej spisil! ¡Ha ahnibal cu'untic te Dios yu'un Jacob! Selah

Salmos 68:2

Hich yac ach'ayticlan bahel te bin ut'il ya xtenot bahel ta ic' te ch'ahile; hich te bin ut'il ya x'uhl chabec' ta c'ahc', hich me ya xch'ay bahel ta stojol Dios te mach'atic chopolique.

Jueces 4:2

Ha yu'un te Jehová la ya'be ta sc'ab Jabín ajwalil yu'un Canaán te la ya'iy cuentahinwanej ta Hazor. Te jtsobaw yu'un te soldadohetic yu'un, Sísara sbihil, nahinem ta Haroset-goim.

Jueces 4:22

C'alal c'oht te Barac ta slehel te Sísara, te Jael loc' bahel ta stahel, hich la yalbe: La', ya ca'bat awil te winic yacat ta slehel, xchi. Te Barac och bahel ta banti ay te ants, lajemix a c'oht sta te Sísara, ts'apal ta xuhc' schiquin te yich'o-ip nahilpac'.

Jueces 5:26

Te Jael la stsac te ts'apbil yich'o-ip yu'un nahilpac', ta swa'el sc'ab la stsac te martillo yu'un j'a'teletic, la smaj te Sísara, la yehchentesbe sjol, la shutbe, jc'axel la slajimbe xuhc' schiquin.