2 Samuel 10:12 - Bible in Tzeltal Bachajón

¹² Ac'a me fuersa, ya me jpastic tulan ta scuenta te pueblo cu'untic soc te pueblohetic yu'un te Dios cu'untique. Ac'a spas te bin lec ta pasel ya yil te Jehová, xchi.

Bible in Tzeltal de Oxchuc y Tenejapa

¹² Ma me xiwat. Ta spisil me co'tantic ya cac'tic puersa ta guerra ta swenta scoltayel te nación cu'untique, ja' te lumetic yu'un te Dios cu'untique. Ja' me ac'a spas te bi lec ta pasel ya yil te Cajwaltique —xi'.

2 Samuel 10:12 ပူးပေါင်းရင်းမြစ်များ

2 Samuel 10:11

Hich la yal: Teme ha yac stsalbelon te siriohetic, ya me xtal acoltayon. Ha nix hich teme yac stsalbelat te amonetic, ho'on ya xtal jcoltayat.

2 Samuel 15:26

Yan teme ya yalbon: Ma lecucat ta co'tan, teme xchihe, li' ayoni, ac'a spasbon te bin lec ya ya'iy, xchi.

1 Crónicas 19:13

Ac'a me yip awo'tan, ac'a fuersa yu'un te pueblo cu'untic soc yu'un te pueblohetic yu'un te Dios cu'untique. Te Jehová ac'a spas stuquel te bin ya sc'an yo'tane, xchi.

2 Crónicas 32:7

Pasahic tulan soc ayuc me yip awo'tanic; ma me xiwex, ma me xaxi'ic te ajwalil yu'un Asiria soc bayel te mach'atic sjoquinej tal, como bayel xan sjoquinejotic te ho'otic te bin ut'il sjoquinej te asiriahetique.

Nehemías 4:14

C'alal laj co'tan ta yilel, hahchon, soc la jcalbe te mach'atic ich'bilic ta muc', te mach'atic ay ya'telic soc spisil te pueblo: Ma xiwex ta stojolic; na'ahic me te Cajwaltic ha muc' soc ay ta xi'el, ac'ahic guerra ta scuenta awermanotac, te querem ach'ixetic awu'unic, te antsetic awu'unic soc te anahique, xchihon.

Nehemías 4:8

Spisilic junax la schap sc'opic ta yuts'inel soc ta ya'beyel guerra te Jerusalén.

Ester 4:16

Bahan, tsoba spisil te judiohetic ayic ta Susa, coma awe'elic ta jcuenta. Ma me xwe' x'uch'ex oxeb c'ahc'al soc oxeb ahc'abal. Ha nix hichon soc te ach'ixetic cu'un ya jcom jwe'elcotic. Patil ya x'ochon bahel ta yilel te ajwalil, aunque ma hichuc ya yal te ley. Teme ya xlajon, lajucon, xchi.

Job 1:21

hich la yal: Watalon a la yayinteson jnan, watalon a ya suhton bahel. Jehová la yac', Jehová la sloq'ues. ¡Bayeluc me yutsil sbihil te Jehová! xchi.

Números 13:20

soc bin yilel te lumq'uinal, teme yaxal q'uinal o teme mayuc bin ya xcol tey a, teme ay te'etic o mayuc ste'el. Ayuc me yip awo'tanic, soc ich'ahic tal te sit ts'unub-awalil yu'un te q'uinale, xchi. Ha yorahil a te sba sit te ts'usube.

1 Corintios 16:13

Wihc'a me asitic, ayuc me yip sch'uhunel awo'tanic, pasahic me lec winiquil, ac'ahic me fuersa.

Deuteronomio 31:6

Ac'a me fuersa soc ayuc me yip awo'tanic, ma me xiwex, ma me xnihc awo'tanic ta stojolic, como ha te Jehová te Dios awu'un te ya sjoquinat bahel; ma ba ya yihquitayat soc ma ba spihtesat, xchi te Moisés.

Deuteronomio 31:7

Patil te Moisés la yic' tal te Josué, hich la yalbe ta stojol spisil Israel: Ac'a me fuersa soc ayuc me yip awo'tan, como ha'at ya x'ochat soc te pueblo ini tey ta q'uinal te jc'axel la yalbe ta jamal te Jehová te ame'atatic te ya ya'beyic, ha'at me yac awa'be yich'ic te q'uinale.

Hebreos 11:33

te ha ta scuenta sch'uhunel yo'tanic hu' yu'unic stsalel ajwaliletic, toj la ya'iyic chahpanwanej, la stahic te bin halbotic sc'oblal, la smacbeyic ye chojetic,

Hebreos 13:6

Ha yu'un jun co'tantic ya caltic: Ha jcoltaywanej cu'un te Cajwaltic; ma ba ya jxi' te bin ya xhu' ya spasbon te winique.

Josué 1:18

Mach'ayuc a ya stoy sba ta sc'axuntayel te mandar awu'un, te ma ba ya sch'uhun spasel spisil bintic yac awal, ac'a lajuc. Ha nax ac'a fuersa soc ayuc me yip awo'tan, xchihic.

Josué 1:9

Ilawil, ya jpasat ta mandar te ac'a me fuersa soc ayuc me yip awo'tan; ma me xiwat soc ma me xpehc'aj awo'tan, como te Jehová te Dios awu'un ya me sjoquinat bayuc ya xbahat, xchi.

Jueces 10:15

Te snich'nab Israel hich la sjac'beyic sc'op te Jehová: Jtahoj jmulcotic; pasa ta jtojolcotic te bin ya sc'an awo'tan. Pero awocoluc, coltayawotcotic yo'tic, xchihic.

1 Samuel 14:12

Te winiquetic yu'un te jchahp soldadohetic la yalbeyic te Jonatán soc te jcuch-a'tejibal yu'un: Mohanic tal te banti ayotcotic, ay bin ya ca'beyexcotic ana'ic, xchihic. Ha yu'un te Jonatán la yalbe te jcuch-a'tejibal yu'un: T'unawon mohel, como te Jehová yac'ojix ta sc'ab Israel te filisteohetic, xchi.

1 Samuel 14:6

Hich te Jonatán la yalbe te jcuch-a'tejibal yu'un: La' me, sohlucotic bahel ta banti ay te jchahp soldado yu'un te mach'atic ma ba yich'ojic circuncisión; ay wan bin ya spasbotic te Jehová, como ma ba wocol ya ya'iy stuquel te ya yac' tsalaw, teme ay tsobolic o teme mayuc tsobolic, xchi.

1 Samuel 17:32

Te David hich c'oht yalbe te Saúl: Ma me ayuc mach'a ya smel yo'tan yu'un ta scuenta te filisteo; te a'bat awu'un ya xbaht stsac sba soc te filisteo, xchi.

1 Samuel 3:18

Ha yu'un te Samuel la yalbe ya'iy spisil te bintic halbot, mayuc bin la smuc ta yo'tan. La yal te Elí: Ha Jehová stuquel; ac'a spas te bin lec ya ya'iy, xchi.

1 Samuel 4:9

Ac'ahic fuersa, filisteohetic, chahpana abahic soc awipic, scuenta yu'un ma ba ya x'ochex ta mosohil yu'un te hebreohetic hich te bin ut'il ayic ta mosohil awu'unic; chahpana abahic soc awipic ta ya'beyel guerra, xchihic.