2 Samuel 1:23 - Bible in Tzeltal Bachajón

²³ Saúl soc Jonatán, c'uxic ta o'tanil soc mulambil, ma ba la spit sbahic c'alal cuxulic, soc ma ba la spit sbahic te c'alal lajic. C'ax hich ahnimajic a te bin ut'il ya xwihl jxiquetic, c'ax hich yipic a te bin ut'il chojetic.

Bible in Tzeltal de Oxchuc y Tenejapa

²³ “Saúl soc Jonatán, te c'uxic ta o'tanil soc te mulanbil, ma ba la spit sbaic te c'alal cuxul, ni ja'uc la spit sbaic te c'alal lajiquix a. C'ax jich beenic a te bit'il swilel águilaetic, c'ax jich yipic te bit'il león-chojetique.

2 Samuel 1:23 ပူးပေါင်းရင်းမြစ်များ

2 Samuel 1:24

Yantsil-nich'nab Israel, oq'uetayahic te Saúl, te mach'a la ya'beyex ac'u'inic lequil tsajal pac', te mach'a la sch'albeyex ac'u'ic ta ch'albil oro.

2 Samuel 2:18

Tey ayic a te oxeb yalatac Sarvia: ha te Joab, Abisai soc Asael. Te Asael mero ya xhu' yahnimal hich te bin ut'il ha'mal chij.

2 Samuel 23:20

Benaía snich'an Joiada te talem ta Cabseel, ma xiw, bayel bintic muc' spasoj. Ha la smil cha'tuhl snich'nab Ariel ta Moab. Soc ha nix yorahil a te yac ta yahlel me'sic, co bahel ta ch'en, la smil jcoht choj tey a.

1 Crónicas 12:8

Soc ta sts'umbal Gad ay c'axic bahel ta stojol David ta ahnibal ta jochol taquin q'uinal, ha winiquetic te ma xiwic ta yaq'uel guerra, mero ya xhu' yu'unic stuhunel smahquilic soc slanzahic; te sit yelawic hich c'ohemic te bin ut'il yelaw chojetic, soc ya x'ahnimajic hich te bin ut'il chijetic ta witsiltic.

Job 9:26

C'axic bahel hich te bin ut'il barcohetic te ahnimal ya xbehenic, hich te bin ut'il jxic te ya xco ta stsaquel swe'el.

Proverbios 30:30

ha te choj ay yip ta yohlil spisil te chambahlametic, te mayuc bin ora ya suht ta spat;

Cantares 5:16

Te spa'jaj, mero chi', ta scohtol mulantic sba. ¡Hich ay te mach'a c'ux ta co'tan, hich ay te mach'a jun co'tan soc, ach'ixetic yu'un Jerusalén!

Jeremías 4:13

Ilawil, ya xmo tal hich te bin ut'il tocal, te carretahetic yu'un hich te bin ut'il sutu-ic'. Te cawuhetic yu'unic c'ax hich tulan ya xbehenic a te bin ut'il ya xwihlic te jxiquetique. ¡Obol jbahtic, ac'bilotic ta pojel!

Lamentaciones 4:19

Te jnutsawal cu'untic c'ax hich ya x'ahnimajic a te bin ut'il jxic ya xwihl ta ch'ulchan; la snutsotic ta witsiltic, la smacliyotic ta jochol taquin q'uinal.

Deuteronomio 28:49

Te Jehová ya me yic' tal scontrahinat jun nación te namal ay, te ay ta sti'il te q'uinal, te ya xwihl tal hich te bin ut'il jxic, jun nación te ma xana'be sc'op;

Jueces 14:18

Ta shuquebal c'ahc'al, c'alal ma to xmahl c'ahc'al a, te mach'atic yu'un te pueblo la yalbeyic te Sansón: ¿Bin xan c'ax chi' a te bin ut'il te chabe? soc ¿bin xan c'ax ay yip a te bin ut'il te choje? xchihic. Hich la sjac' te Sansón: Te manchuc la ajoq'uic lum soc te tut wacax cu'un, ma ba hu' awu'unic sna'beyel scuentahil te chucul c'op cu'un te hichuque, xchi.

1 Samuel 18:1

C'alal laj yo'tan ta c'op soc Saúl te David, te Jonatán mero jun sch'uhlel la ya'iy sba soc David, c'ux la ya'iy ta yo'tan hich te bin ut'il c'ux ya ya'iy sba.

1 Samuel 20:2

Mayuc; ma ba ya xlajat. Mayuc bin ya spas te jtat, teme bin muc' o tut, te ma ba ya yalbon. ¿Bin yu'un ya smucbon ta yo'tan te jtate? Ma hichuc ay, xchi te Jonatán.