2 Samuel 1:2 - Bible in Tzeltal Bachajón

² ta yoxebal c'ahc'al c'oht jtuhl winic te hahch tal ta campamento yu'un Saúl, ch'i'emtic sc'u' spac' soc ya'tinej ts'u'lum sjol a. C'alal c'oht ta stojol David, la spahcan sba ta lum scuenta yich'el ta muc' te David.

Bible in Tzeltal de Oxchuc y Tenejapa

² Pero ta yoxebal c'aal ay c'ot jtul winic jajch' ta campamento yu'un Saúl. Ch'i'umtic nax sc'u'-spac' soc la smuc sba ta ts'ubil lum, swenta seña mel-o'tan. C'alal jul ta stojol David, la spajc'an sba c'alal ta lum swenta yich'el ta muc' te David.

2 Samuel 1:2 ပူးပေါင်းရင်းမြစ်များ

Génesis 22:4

Yoxebal c'ahc'al a la shach sit te Abraham, la yil ta namal te lugar.

Génesis 37:29

C'alal tal ta ch'en te Rubén ma ba la sta tey a te José, la sch'i' sc'u' yu'un.

Génesis 37:34

Hich te Jacob la sch'i' sc'u', la slap ch'ixal pac', bayel c'ahc'al la yoq'uetay te snich'ane.

Génesis 43:28

Lec ay te jtatcotic, te a'bat awu'une; cuxul to, xchihic. La snijan sbahic, la yich'ic ta muc'.

2 Samuel 1:3

Hich joc'obot yu'un te David: ¿Banti talemat? xchi. Loc'on tal ta ahnel ta campamento yu'un Israel, xchi.

2 Samuel 13:19

Te Tamar la yac' tan ta sjol, la sch'i' te snahtil-c'u' slapoj, la yac' sc'ab ta sjol, yac ta aw bahel.

2 Samuel 14:4

Hich te ants te talem ta Tecoa baht ta stojol te ajwalil. La spahcan sba ta lum ta yich'el ta muc', hich la yalbe: Coltayawon, ajwalil, xchi.

2 Samuel 15:32

C'alal c'oht ta ba wits te David te banti ya yich' ch'uhunel te Diose, loc' tal ta stojol te Husai te arquita-winic, ch'i'emtic sc'u' soc ya'tinej ts'u'lum te sjole.

2 Samuel 24:20

Te Arauna la yil te ajwalil yac ta talel ta stojol soc te a'batetic yu'une, hich loc' bahel, la squejan sba ta lum ta stojol te ajwalil,

2 Samuel 4:10

Te mach'a tal yalbon: Lajix te Saúl, te xchihe, la scuy te lec te bin tal yalbon; pero la jtsac, la jmil tey ta Siclag scuenta stojol te bin tal yalbon.

Ester 4:16

Bahan, tsoba spisil te judiohetic ayic ta Susa, coma awe'elic ta jcuenta. Ma me xwe' x'uch'ex oxeb c'ahc'al soc oxeb ahc'abal. Ha nix hichon soc te ach'ixetic cu'un ya jcom jwe'elcotic. Patil ya x'ochon bahel ta yilel te ajwalil, aunque ma hichuc ya yal te ley. Teme ya xlajon, lajucon, xchi.

Ester 5:1

Ta yoxebal c'ahc'al te Ester la slap te sc'u' scuenta ajwalil-ants, tal stehc'an sba ta yutil yamaq'uil te sna ajwalil, ta stojol te jtsahl yu'un ajwalil. Hucul ta shuctajib a te ajwalil ta stsalul sna ajwalil, ta stojol te yochibal.

Salmos 66:3

Halbeya te Diose: ¡Mero jchahp a te a'teliletic awu'un! Ta scuenta te smuc'ul awu'el ya me squejan sbahic ta atojol te acontrataque.

Ezequiel 27:30

Ya me yaq'uic ta a'iyel sc'op ta atojol, soc pich'il yo'tanic ya x'awonic; ya me yac' ts'u'lum ta sjolic, soc ya me sbal sbahic ta tan.

Oseas 6:2

Li' ta cheb c'ahc'al ya ya'botic xan jcuxlejaltic, ta yoxebal c'ahc'al ya shachotic, hich ya xcuxajotic ta stojol.

Joel 2:13

Jata awo'tanic, ma ha'uc xach'i' te ac'u'ique, suhtanic tal ta stojol Jehová te Dios awu'unique, como ay sc'uxul yo'tan, soc ya sna' yo'bolil jbahtic, ma orahuc ya x'ilin soc ay bayel sc'uxul yo'tan, c'ux ya ya'iy te ya yac' castigo.

San Mateo 12:40

Como hich te bin ut'il oxeb c'ahc'al soc oxeb ahc'abal ay ta sch'uht muc'ul chay te Jonás, ha nix hich te Nich'anil ay ta scuenta winic oxeb c'ahc'al soc oxeb ahc'abal ya x'ayin ta ye'tal lum.

San Mateo 16:21

Ha nix ta yorahil a hahch yalbe ya'iyic te jnopojeletic yu'un te ya me xbaht ta Jerusalén soc te ya xc'ax swocol yu'un te mamaletic soc te principal sacerdotehetic soc te escribanohetic, ya me yich' milel, soc ya xcha'cuxaj ta yoxebal c'ahc'al.

Josué 7:6

Ha yu'un te Josué soc te mamaletic yu'un Israel la sch'i' sc'u'ic yu'un soc la spahcan sbahic ta lum ta stojol te scaxahul te chapbil-c'op yu'un Jehová yalel c'alal ta stibiltayel, soc la yaq'uic tan ta sjolic.

Apocalipsis 3:9

Te mach'atic ta sinagoga yu'un Satanás, te ha judío ta sc'opic, pero ma ha'uc, ya me cac' taluc squejan sbahic ta ye'tal awoc soc ya me sna'ic te c'ux la jca'iyat ta co'tane.

1 Samuel 20:41

Te c'alal bahtix a te quereme, loc' tal te David ta sts'ehl te ton, oxeb buelta la spahcan sba c'alal ta lum ta stojol; la yuhts'uy sbahic soc la yoq'uetay sbahic, ha tulan xan oc' a te David.

1 Samuel 25:23

Te Abigail c'alal la yil te David, ora co ta sburro, la spahcan sba c'alal ta lum ta stojol te David.

1 Samuel 4:12

Loc' ta ahnel ta guerra jtuhl winic yu'un Benjamín, c'oht ta Silo ta yorahil nix, ch'i'em sc'u' soc ay ts'u'lum ta sjol.

1 Samuel 4:16

Te winic hich c'oht yalbe te Elí: Tojon tal ta banti ay te guerra, colonix loq'uel tal tey a, xchi. ¿Bin c'ohem ta pasel hiche, jnich'an? xchi te Elí.