2 Juan 1:6 - Bible in Tzeltal Bachajón

⁶ Ha c'uxul-o'tanil ini: ha te hich ya xbehenotic te bin ut'il yaloj te mandariletic yu'une. Ha te mandar ini: te yac awa'iyic c'uxultaywanej hich te bin ut'il awa'iyejic ta shahchibal.

Nuevo Testamento Tzeltal de Amatenango

⁶ Ya xchiknaj te xkꞌuxul koꞌtantik teme ya jchꞌuuntik spasel te tut ya yal te mantaliletik yuꞌun te Diose. Y te mantaliletike, jachik tutꞌil te awaꞌiyejikix desde ta slijkibal to tale, jaꞌ te ya xchiknaj ta akuxlejalik te xkꞌuxul awoꞌtanike.

Bible in Tzeltal de Oxchuc y Tenejapa

⁶ Te bit'il ay te xc'uxul co'tantique, ja' teme ya jch'uuntic spasel te bila la yalbotic ta mandal te Diose. Te smandal yalojbotique, ja' te bit'il ya sc'an te c'ux ya caiy jbatic ta jpisiltique. Jich te bit'il awaiyojic stojol ta xjajch'ibale.

2 Juan 1:6 ပူးပေါင်းရင်းမြစ်များ

San Juan 14:15

Teme c'uxon ta awo'tanic, ch'uhumbonic te mandariletic cu'une.

San Juan 14:21

Te mach'a yich'oj te mandariletic cu'un soc te ya sch'uhun spasel, ha me te c'uxon ta yo'tan abi. Te mach'a c'uxon ta yo'tan, c'ux me ya x'a'iyot yu'un te Jtate, soc ha nix hichon, c'ux me ya ca'iy ta co'tan soc ya cac' jba ta na'el yu'un, xchi.

San Juan 14:23

La sjac' te Jesús: Te mach'a c'uxon ta yo'tan, ya sch'uhumbon jc'op; c'ux ya x'a'iyot yu'un te Jtate, soc ya xtal cac' jbahcotic ta yo'tan soc ya jnahimbecotic yo'tan.

San Juan 15:10

Teme yac ach'uhunic spasel te mandariletic cu'un, hich jc'axel ya x'ayinex ta stojol a te sc'uxul co'tan, hich te bin ut'il jch'uhunej spasel te mandariletic yu'un te Jtat soc jc'axel ayon ta stojol te sc'uxul yo'tan.

San Juan 15:14

Jun me co'tan jbahtic teme yac apasic te bin ya calbeyexe.

Deuteronomio 13:4

Ya me at'unic te Jehová te Dios awu'unic soc ya me awich'ic ta muc', ya me ach'uhunic te mandariletic yu'un soc ya me awa'iybeyic te sc'ope; ya me awac' abahic ta a'batinel yu'un soc jun me awo'tanic ta stojol.

1 Juan 2:24

Te bin awa'iyejic ta shahchibal, jc'axel ayinuc ta awo'tanic. Teme jc'axel ya x'ayin ta awo'tanic te bin la awa'iyic ta shahchibal, ha nix hich jc'axel ya x'ayinex ta stojol te Nich'anil soc ta stojol te Tatile.

1 Juan 2:5

Yan te mach'a ya sch'uhumbe sc'op, ts'acal c'ohemix ta yo'tan te sc'uxul yo'tan te Dios ta mero melel. Hich ya jna'tic a te jun ayotic soque.

1 Juan 2:7

Quermanotac, ma ba ya jts'ihbabeyex yach'il mandaril, ha nix te antiguo mandaril awa'iyejic ta shahchibal to. Te antiguo mandaril ini ha te c'op te ay nix awa'iyejic ta nahil to.

1 Juan 5:15

Soc teme jna'ojtic te ya ya'iyotic teme ay bin ya jc'ambetic, jna'ojtic te quich'ojtiquix te bin la jc'ambetique.

1 Juan 5:3

yu'un chican te c'ux ta co'tantic te Dios teme ya jch'uhumbetic te mandariletic yu'une. Ma ba wocol ta ch'uhunel te mandariletic yu'une,

2 Juan 1:5

Yo'tic, jnantic, ya calbat wocol te talel c'axel c'uxuc ya ca'iy jbahic. Ma ba ya jts'ihbabat yach'il mandaril, ha nix te quich'ojtic ta shahchibal to.