1 Samuel 9:6 - Bible in Tzeltal Bachajón

⁶ La sjac' te a'bat: Li' ta pueblo ini ay jtuhl winic yu'un Dios, buen ich'bil ta muc' te winique, spisil te bin ya yal ya xc'oht ta pasel. Conic tey a, ya wan xhu' ya yalbotic banti behil ya sc'an ya jt'untic bahel, xchi.

Bible in Tzeltal de Oxchuc y Tenejapa

⁶ La sjac' te abate: —Tey ta lum in to ay jtul j'alwanej te buen ich'bil ta muc' yu'unique, melel spisil te bila ya yal, mero jich nix ya xc'ot ta pasel a. Conic tey a, ya wan yalbotic banti beil ya sc'an ya xbootic —xi'.

1 Samuel 9:6 ပူးပေါင်းရင်းမြစ်များ

Génesis 24:42

Ha yu'un nax hulon ta pozo, hich la jcal: Jehová, Diosat yu'un te cajwal Abraham, teme yac awac' te lec ya xc'oht te behel cu'une,

2 Samuel 15:27

Te ajwalil la yalbe xan te sacerdote Sadoc: ¿Ma bal ha'ucat jalwanejat? Lamaluc me q'uinal suhtan bahel ta pueblo soc te anich'an Ahimaas, soc te Jonatán snich'an Abiatar.

1 Reyes 13:1

Te c'alal yac ta schiq'uel pom ta scajtajib a te Jeroboam, c'oht ta Bet-el jtuhl winic yu'un Dios te talem ta Judá, ha ticombil yu'un te Jehová.

2 Reyes 5:8

C'alal la ya'iy te Eliseo te winic yu'un Dios te la sch'i' sc'u' te ajwalil yu'un Israel, hich la sticon ta halbeyel: ¿Bin yu'un te la ach'i' ac'u'? Ac'a taluc ta jtojol, hich me ya sna' te ay jalwanej ta Israel, xchi.

2 Reyes 6:6

¿Banti ch'ay ochel? xchi te winic yu'un Dios. La ya'be yil banti. Hich te Eliseo la xot' jun te', la sch'oj ochel tey a, hich la yac' lichotuc mohel tal te echej.

Salmos 25:12

¿Mach'a a te winic te ya yich' ta muc' te Jehová? Ha ya x'a'bot sna' yu'un te be te ya sc'an ya stsahe.

Isaías 44:26

Ho'on te ya cac' ya xc'oht ta pasel te sc'op te a'batetic cu'un, te ya jc'ohtes ta pasel te bintic chahpambil yu'un te mach'atic jticonej, te hich ya calbe te Jerusalén: Ya me xtalic ta nahinel tey a, xchihon, soc te hich ya calbe te pueblohetic yu'un Judá: Ya me yich'ic xan pasel soc ya jcha'pas te jihnem ts'ahquetic yu'une, xchihon.

San Mateo 24:35

Ya xlaj ch'ulchan soc bahlumilal, pero ma ba ya xlaj stuquel te jc'ope.

Deuteronomio 33:1

Hich ay te bendición la yal Moisés, te winic yu'un Dios, ta stojol te snich'nab Israel te c'alal ma to xcham a.

1 Tesalonicenses 2:10

Ha'ex testigohex, soc ha nix testigo te Dios, te bin ut'il ch'ultesbil soc toj soc mayuc bin chopol jpasojcotic te ayinotcotic ta atojolic te jayebex ach'uhunejique.

1 Tesalonicenses 5:13

Ich'ahic ta muc' soc c'ux me xawa'iyic ta awo'tanic ta scaj te ya'telique. Lamaluc me q'uinal ta awohlilic.

1 Timoteo 6:11

Yan te ha'ate, winicat yu'un Dios, ahnan loq'uel ta stojol spisil ini, t'una te bin toj ta pasel, te lec sch'uhunel Dios, sch'uhunel-o'tanil, c'uxultaywanej, te ya xcuhch awu'un, soc manso-o'tanil.

1 Samuel 2:27

Tal jtuhl winic yu'un Dios ta stojol te Elí, hich la yalbe: Hich yaloj te Jehová: ¿Ma bal jamaluc la jcac' jba ta na'el ta stojol te mach'atic ay yu'un atat, te c'alal ayic to ta Egipto a te cuentahimbilic yu'un faraón?

1 Samuel 9:8

Ha yu'un te a'bat la yalbe te Saúl: Ilawil, quich'oj jun ta schanebal ta sehp plata; ya ca'be te winic yu'un Dios scuenta yu'un ya yalbotic banti behil ya xbohotic a, xchi.