1 Samuel 9:4 - Bible in Tzeltal Bachajón

⁴ Hich te Saúl c'ax bahel ta witsiltic yu'un Efraín soc c'ax bahel ta sq'uinal Salisa, ma ba la sta te burrahetique. Soc c'axic xan bahel ta sq'uinal Saalim, ma ba tey ayic a. Patil c'axic bahel ta sq'uinal Benjamín, ma ba la stahic.

Bible in Tzeltal de Oxchuc y Tenejapa

⁴ Jich bajt' te Saúl, c'ax bael ta switsul sq'uinal Efraín, soc c'ax bael ta sq'uinal Salisa. Ma ba la sta te burraetique. C'axic xan bael ta sq'uinal Saalim, soc ta sq'uinal sts'umbal Benjamín. Ja' nix jich, ma ba chican te burraetique.

1 Samuel 9:4 ပူးပေါင်းရင်းမြစ်များ

Génesis 33:18

Te Jacob, c'alal suht tal ta Padan-aram, lec ay a c'oht ta muc'ul pueblo Siquem te ay ta sq'uinal Canaán; la stehc'an snahilpac' ta stojol te pueblo.

2 Reyes 4:42

Patil tal jtuhl winic te talem ta Baal-salisa. Yich'beyej talel te winic yu'un Dios jtahb (20) ta pehch pan yu'un sba sit cebada, soc yach'il trigo. La yal te Eliseo: A'beya swe'ic, xchi.

San Juan 3:23

Te Juan ha nix hich yac yac'bel ich'-ha' ta Enón, ta nopol Salim, como ay bayel ha' tey a. Te ants-winiquetic tal yac' sbahic ta a'beyel yich'ic ha',

Josué 19:42

Saalabín, Ajalón, Jetla,

Josué 24:33

Ha nix hich cham te Eleazar snich'an Aarón, la smuquic ta tsehl yu'un Finees te snich'an, te a'bot ta witsiltic yu'un Efraín.

Jueces 17:1

Ay jtuhl winic ta witsiltic yu'un Efraín, Micaía sbihil.

Jueces 19:1

Ta yorahil te mayuc ajwalil ta Israel a, ay jtuhl levita-winic te nahinem hich te bin ut'il jbehyom ta lugar te namal ay ta witsiltic yu'un Efraín. Yic'oj jtuhl ants talem ta Belén ta sq'uinal Judá.

1 Samuel 1:1

Ay jtuhl winic ta Ramataim, ha zuf-winic te ay ta witsiltic yu'un Efraín, Elcana sbihil, ha snich'an Jeroham snich'an Eliú, snich'an Tohu, snich'an Zuf, sts'umbal Efraín.

1 Samuel 9:3

Ay ch'ayem burrahetic yu'un te Cis te stat Saúl. Ha yu'un te Cis hich la yalbe Saúl te snich'an: Ic'a bahel jtuhluc a'bat, bahan, leha te burrahetique, xchi.