1 Samuel 9:17 - Bible in Tzeltal Bachajón

¹⁷ Te Samuel, c'alal la yil te Saúl, hich halbot yu'un te Jehová: Ha me te winic ini te la jcalbate; ha te ya scuentahin te pueblo cu'une, xchi.

Bible in Tzeltal de Oxchuc y Tenejapa

¹⁷ Te c'alal la yil Samuel te Saule, jich albot yu'un te Cajwaltic: —Li' me ayix te winic la calbat, ja' me te ya swentainbon te lum cu'une —xi' sc'oplal.

1 Samuel 9:17 ပူးပေါင်းရင်းမြစ်များ

Nehemías 13:19

C'alal yac ta ihc'ubel bahel q'uinal a, ma to stahoj yorahil sc'ahc'alel cux-o'tanil a, la jcal mandar te ac'a yich'ticlan maquel te puertahetic yu'un Jerusalén soc ma ba ya yich' jamel ha to c'alal c'axix a te sc'ahc'alel cux-o'tanil. Soc la jcac' a'batetic cu'un ta puertahetic scuenta yu'un ma ba ya x'och tal ihcatsil ta sc'ahc'alel cux-o'tanil.

Nehemías 13:25

La jtijticlan ta c'op, la jcalbe chopol sc'oblalic, la jmajticlan, la jbulticlambe stsotsel sjolic, soc la jcaq'uic ta yalel ta jamal ta stojol Dios, soc hich la jcalbe: Ma me xawa'beyic te awantsil-nich'anic te snich'nabic, soc ma me xawic'beyic yantsil-nich'nabic yu'un te aquerem-nich'anic, soc ha nix hichex ma me xawiq'uic.

Jeremías 32:8

Hich te bin ut'il la yal te Jehová, tal ta jtojol ta yamaq'uil te cárcel te Hanameel snich'an jtajun, hich la yalbon: Mambon te jq'uinal te ay ta Anatot ta sq'uinal Benjamín, como ay ta acuenta smanel. Mana yu'un awu'un ya xc'oht, xchi. Hich la jna' te ha sc'op te Jehová;

Oseas 13:11

Soc quilimba la jca'bat ajwalil, soc sc'ahc'al co'tan la jloq'uesbat.

Hechos 13:21

Patil la sc'anic ajwalil, ha yu'un Dios la ya'be Saúl, te snich'an Cis te sts'umbal Benjamín; cha'winic (40) ha'bil ay ta ajwalil.

1 Samuel 3:13

Soc ya ca'be sna' te spisil ora ya ca'be castigo te mach'atic ay yu'un, ta scaj te bin chopol sna'oj; como la sbohlc'optayic Dios te snich'nab, pero ma ba la scomticlan.

1 Samuel 9:18

Te Saúl nohpoj tal ta stojol Samuel ta yochibal te pueblo, hich la yalbe: Awocoluc, halbon ca'iy banti ay te sna te mach'a ya yil, xchi.