1 Samuel 9:16 - Bible in Tzeltal Bachajón

¹⁶ Ta hichilan ora pajel ya jticombat tal jtuhl winic talem ta sq'uinal Benjamín, ha te mach'a yac amalbe aceite scuenta jcuentahinwanej ya xc'oht yu'un te jpueblo Israel. Ha me ya scoltay loq'uel ta sc'ab filisteohetic te pueblo cu'une; yu'un la jquilbeyix swocol te pueblo cu'un, c'ohtix ta jtojol te awetic yu'unique, xchi.

Bible in Tzeltal de Oxchuc y Tenejapa

¹⁶ —Pajel ta jich ora in to, ya me jticunbat tel jtul winic talem ta sq'uinal sts'umbal Benjamín. Ja' te mach'a tsabil ya xc'ot awu'un. Ya me awac'bey yich' yat'el ta swentainel te lum Israel cu'un, ya me amalbey aceite ta sjol. Ja' me ya scoltaybon loq'uel ta sc'ab filisteoetic te israeletique. La jna'beyix yo'bolil sba te lum cu'une, melel c'otix c'alal ta jtojol te sc'opique —xi' sc'oplal yu'un te Diose.

1 Samuel 9:16 ပူးပေါင်းရင်းမြစ်များ

2 Samuel 3:18

Pasahic hiche, como te Jehová hich yalbeyejix te David: Ta scuenta sc'ab te ca'bat David ya jcoltay loq'uel te jpueblo Israel ta sc'ab filisteohetic soc ta sc'ab spisil scontrahic, xchi.

2 Reyes 20:5

Suhtan bahel, halbeya te Ezequías te príncipal yu'un te pueblo cu'un: Hich ya yal te Jehová te Dios yu'un David te namey tatil awu'un: La jca'iybatix ac'op soc la jquilbatix te ya'lel asit; ya jlecubtesat. Li' ta oxeb c'ahc'al ya xmohat bahel ta sna Jehová.

Salmos 102:1

Jehová, a'iybon awa'iy te ya jc'oponat, ac'a c'ohtuc ta atojol te caw.

Salmos 106:44

Pero ilotic yu'un Dios te c'alal ay swocolic, la ya'iybe yawic;

Salmos 25:18

Ilbon awil te uts'inel soc te wocol cu'une, soc pasbon perdón yu'un spisil jmul.

Proverbios 16:9

Te ants-winic ya snop ta yo'tan te bin ya spas, pero ya xtojobtesot yu'un Jehová banti ya xbehen.

Jeremías 32:8

Hich te bin ut'il la yal te Jehová, tal ta jtojol ta yamaq'uil te cárcel te Hanameel snich'an jtajun, hich la yalbon: Mambon te jq'uinal te ay ta Anatot ta sq'uinal Benjamín, como ay ta acuenta smanel. Mana yu'un awu'un ya xc'oht, xchi. Hich la jna' te ha sc'op te Jehová;

1 Samuel 10:1

Hich te Samuel la stsac jun yawil aceite, la smalbe ta sjol te Saúl, la yuhts'uy, soc hich la yalbe: Te Jehová la smalbat aceite scuenta jtsobaw ya xc'ohat yu'un te pueblo Israel yu'une.

1 Samuel 14:20

Hich la stsob sbahic te Saúl soc spisil te mach'atic sjoquinejic, bahtic ta guerra. Tey c'oht yilic a te yac smilticlambel sbahic ta espada soc te ay bayel ch'ayem yo'tanic.

1 Samuel 14:23

Baht c'alal ta Bet-avén te guerra. Hich coltayot yu'un Jehová te Israel ta hich ora.

1 Samuel 15:1

Ta patil, te Samuel hich la yalbe te Saúl: Ho'on te ticombilon yu'un Jehová yu'un ya jmalbat aceite ta ajol yu'un ya x'ochat ta ajwalil ta Israel te pueblo yu'une; ha yu'un a'iya awa'iy te bin ya yal te Jehová.

1 Samuel 16:1

Te Jehová hich la yalbe te Samuel: ¿Jayeb xan c'ahc'al te yac awoq'uetay te Saúl, te bin ut'il ho'on la jch'aybeyix ya'tel ta ajwalil ta Israel? Bahan nojesa ta aceite te xulubil awu'un, ya jticonat bahel ta stojol Isaí ta Belén, yu'un la jtsahbeyix jtuhl snich'an te ya x'och ta ajwalil, xchi.

1 Samuel 16:3

Ic'a tal te Isaí ta banti ya yich' aq'uel te milbil mahtanil, ho'on ya ca'bat ana' bin yac apas. Ya me amalbe aceite ta sjol te mach'a ya calbate, xchi.