1 Samuel 9:13 - Bible in Tzeltal Bachajón

¹³ Te c'alal ya x'ochex bahel ta pueblo, lehahic, te ma to xmo bahel ta we'el ta toyol awilal a; como ha to ya xwe'ic te ants-winiquetic teme c'ohte, como ha ya ya'be bendición te milbil mahtanil, patil ya xwe'ic te mach'atic ic'bilique. Mohanic bahel hiche, yu'un ya to xc'oht atahic ta ora, xchihic.

Bible in Tzeltal de Oxchuc y Tenejapa

¹³ Te c'alal ya xc'oex tey a, leaic me ta ora, melel ya me xbajt' ta toyol ch'uunjibal te banti ya x'ain we'ele. Ma'yuc mach'a ya xwe' ja' to teme c'ot stuquele, melel ja' to ya xc'ot sc'anbey bendición stuquel te milbil smajt'an Dios. Patil ya me xwe'iquix te jayeb mach'a ic'bilic tele. Ja' yu'un baanic me jiche, tey to ya xc'o ataic a ta ora in to —xi' sc'oplalic.

1 Samuel 9:13 ပူးပေါင်းရင်းမြစ်များ

2 Samuel 15:11

Soc te Absalón la yic' bahel lajunwinic (200) ta tuhl winiquetic yu'un Jerusalén, jun yo'tan bahtic soc, ma ba la sna'ic te bin scuentahil.

San Mateo 14:19

Hich la spas ta mandar te ants-winiquetic te yacuc shuhcan sbahic ta aquiltic; la stsac te ho'pehch pan soc te cha'coht chay, la yil mohel ta ch'ulchan soc la sc'opon Dios yu'un, la xet'ticlan, la yac'ticlambe te jnopojeletic yu'un, hich te jnopojeletic la spucticlambe te mach'atic tey ayic a.

San Mateo 26:26

Te c'alal yacalic ta we'el a, te Jesús la stsac te pan, la ya'be bendición, la xet' soc la spucticlambe te jnopojeletic yu'une, hich la yal: Tsaca, we'anic; ha jbaq'uetal ini, xchi.

San Marcos 6:41

Te Jesús la stsac te ho'pehch pan soc te cha'coht chay, la shach mohel sit ta ch'ulchan, la ya'be bendición, la xet'ticlan soc la yac'ticlambe te jnopojeletic scuenta yu'un ya spucticlambeyic. Soc la spucticlan te cha'coht chay ta stojolic.

San Lucas 24:30

Te Jesús, c'alal ay ta mesa soc, la stsac te pan, la yalbe wocol Dios yu'un, la xet' soc la spucbe.

San Lucas 9:16

Te Jesús la stsac te ho'pehch pan soc te cha'coht chay, la shach mohel sit ta ch'ulchan, la yalbe wocol Dios yu'un, la xet'ticlan soc la yac'ticlambe te jnopojeletic yu'un, scuenta yu'un ya spucticlambe te ants-winiquetique.

San Juan 6:11

Te Jesús la stsac te pan, la sc'opon Dios yu'un soc la spucticlambe te mach'atic huhcajtique. Ha nix hich la spas soc te chay, la yac'ticlambe ha chican ban c'alal la sc'anic.

San Juan 6:23

Pero ay yan barcohetic talemic ta Tiberias te tey hulemic a ta nopol banti la swe'ic te pan te la yalbe wocol Dios yu'un te Cajwaltique.

1 Corintios 10:30

Teme ya calbe wocol Dios yu'un te bin ya jwe', ¿bin yu'un te ya quich' bohlc'optayel yu'un te bin la jcalbe wocol Dios yu'une?

1 Timoteo 4:4

Como lec spisil bintic pasbil yu'un Dios, mayuc bin ay ta p'ajel, teme ya yich' halbeyel wocol Dios yu'un,

1 Samuel 2:35

Ya cotses yan sacerdote te jun yo'tan ta jtojol, te ya spas te bin ya sc'an co'tan. Ya cac' ya xhalaj te sts'umbal, soc ya me x'a'tej spisil ora ta stojol te mach'a tsahbil cu'une.

1 Samuel 9:14

Ha yu'un mohic bahel ta pueblo. C'alal ochelic to ta pueblo a, la yilic te tey yac ta talel a te Samuel yu'un ya xmo bahel ta toyol awilal.