1 Samuel 8:7 - Bible in Tzeltal Bachajón

⁷ Te Jehová hich la yalbe te Samuel: A'iya me awa'iy spisil bintic ya yalbat te pueblohe; como ma ha'ucat te ma sc'anat, ho'on me te ma sc'anonic te ya jcuentahinic.

Bible in Tzeltal de Oxchuc y Tenejapa

⁷ Pero jich albot yu'un te Cajwaltic: —Spisil te bi ya sc'anbat te lume, pasbeya; melel ma ja'ucat te ma sc'anat, jo'on te ma sc'anonique. Ja' ma sc'anic te ya x'at'ejon ta ajwalil ta stojolic.

1 Samuel 8:7 ပူးပေါင်းရင်းမြစ်များ

Éxodo 16:8

La yal xan te Moisés: Te Jehová ya ya'beyex awe'ic ti'bal ta xtibiltay, soc ta sab ya ya'beyex pan te ya xnoj ach'uhtic yu'un; como te Jehová la ya'iybeyex atijawic ta c'op ta scontrahinel. Yan te ho'otcotic ¿Mach'a yac acuyotcotic a? Ma ba ho'otcotic te yac atijotcotic ta c'op, ha yaquex ta stijel ta c'op te Jehová, xchi.

Isaías 66:4

ha nix hich ya jtsahbe wocoletic yu'unic, soc ya jticon ta stojolic te bin ya xi'ique; como te c'alal la jquic', mayuc mach'a la sjac', c'opojon, mayuc mach'a la ya'iybon jc'op; ha la spasic te bin chopol ta jtojol soc la stsahic te bintic ma jmulan, xchi.

Jeremías 34:14

Ta shuquebal ha'bil jujutuhl ya me yaq'uic ta libre te yermano hebreo te schonoj sba ta stojolique. Ta waqueb ha'bil ya yac' sba ta a'batinel awu'un, patil ya me awac' ta libre. Pero te ame'atatic ma ba la ya'iybonic jc'op, ma ba la yich'onic ta cuenta.

Ezequiel 2:3

Hich la yalbon: Snich'anat winic, ya jticonat bahel ta stojol te snich'nab Israel, ta stojol te toyba nación te stoyoj sba ta jtojole. Ha'ic soc te sme'static ta cajalcaj stoyoj sbahic ta jtojol c'alal ora.

Ezequiel 3:7

Pero te sna Israel ma ba ya sc'an ya ya'iybat ac'op, como ma sc'an ya ya'iybonic te jc'ope; como spisil te sna Israel tulan sit yelawic soc macal yo'tanic.

Números 22:20

Ta ahc'abal tal Dios ta stojol Balaam, hich la yalbe: Teme talem te winiquetic yu'un ya yic'at bahel, hahchan, bahan soc. Pero ha nax me yac apas te bin ya calbat, xchi sc'oblal.

San Mateo 10:40

Te mach'a ya yiq'uex, ho'on me ya yic'on abi; te mach'a ya yic'on, ha me ya yic' te Mach'a la sticonon tale.

San Lucas 10:16

Te mach'a ya ya'iybeyex ac'opic, ho'on me ya ya'iybon jc'op abi; te mach'a ya sp'ajex, ho'on me ya sp'ajon; soc te mach'a ya sp'ajon, ha ya sp'aj te mach'a la sticonon tale, xchi.

San Lucas 19:14

Pero p'ajot yu'un te mach'atic cuentahimbilic yu'un, ta spat nax la sticonic bahel winiquetic te c'oht yalic: Ma jc'ancotic te ya x'och ta ajwalil cu'uncotic, xchihic c'ohel.

San Lucas 19:27

Soc te jcontratac te ma sc'anic te ya x'ochon ta ajwalil yu'unic, ic'ahic tal li'i, ac'a yich' xot'ticlambeyel sjolic ta jtojol, xchi.

San Juan 13:16

Tulan sc'oblal ya calbeyex, te a'bat ma ha'uc toyol yu'un te yajwal, soc te mach'a ticombil tal, ma ha'uc toyol yu'un te mach'a ticonot tal yu'un.

Jueces 8:23

Pero la sjac' te Gedeón: Ma ajwalilucon ya xc'ohon awu'unic, ni ha'uc te jnich'an, ha me Ajwalil awu'unic ya xc'oht te Jehová, xchi.

1 Samuel 10:19

Pero yo'tic mayuquix sc'oblal ta awo'tanic te Dios awu'unic, te ya scoltayex te c'alal ayex ta wocol soc ta mel-o'tan. Soc la awalic: Ma'uc, ya me awa'botcotic ajwalil, xchihex. Ha yu'un, yo'tic tehc'ana abahic ta stojol Jehová ta jujuchahp ats'umbalic soc ta jujuchahp te mach'atic ay awu'unic, xchi te Samuel.

1 Samuel 12:1

Te Samuel hich la yalbe spisil Israel: Ilawil, la jquich'beyex ta cuenta spisil bintic la awalbonic, la jca'beyex te ajwalil awu'unic.

1 Samuel 12:12

Pero te c'alal la awilic te ya xtal ya'beyex guerra te Nahas, te ajwalil yu'un te amonetic, hich la awalbonic: Ma'uc, ac'a scuentahinotcotic ajwalil, xchihex, aunque ha ajwalil awu'unic te Jehová te Dios awu'unique.

1 Samuel 8:22

Te Jehová la yalbe te Samuel: A'iya me awa'iy te sc'opique, a'beya ajwalil yu'unic, xchi. Ha yu'un te Samuel hich la yalbe te winiquetic yu'un Israel: Suhtanic bahel ta pueblohetic awu'unic, xchi.

1 Samuel 8:8

Hich ya spasbat te bin ut'il la spasbonic c'alal bin ora la jloq'uesic tal ta Egipto c'alal ora ini, ha te la yihquitayonic soc la yac' sbahic ta a'batinel yu'un yantic diosetic.